Diseases You Can get From Kissing Partner : ਕਿਸ (Kiss) ਪਿਆਰ ਜਤਾਉਣ ਦਾ ਇੱਕ ਬਹੁਤ ਹੀ ਸੋਹਣਾ ਤਰੀਕਾ ਹੁੰਦਾ ਹੈ ਪਰ ਇਸ ਰਾਹੀਂ ਕੁਝ ਬਿਮਾਰੀਆਂ ਵੀ ਇੱਕ ਦੂਜੇ ਨੂੰ ਹੋ ਜਾਂਦੀਆਂ ਹਨ। ਦਰਅਸਲ, ਸਾਡੀ ਲਾਰ ਵਿੱਚ ਕਈ ਤਰ੍ਹਾਂ ਦੇ ਵਾਇਰਸ ਮੌਜੂਦ ਹੁੰਦੇ ਹਨ, ਜੋ ਕਿ ਖਾਸਤੌਰ ‘ਤੇ ਉਸ ਵੇਲੇ ਖਤਰਨਾਕ ਹੋ ਸਕਦੇ ਹਨ, ਜਦੋਂ ਸਰੀਰ ਦੀ ਇਮਿਊਨਿਟੀ ਕਮਜ਼ੋਰ ਹੋਵੋ। ਇਸ ਕਰਕੇ ਪਾਰਟਨਰ ਨੂੰ ਕਿਸ ਕਰਨ ਵੇਲੇ ਕੁਝ ਸਾਵਧਾਨੀਆਂ ਵਰਤਣ ਦੀ ਲੋੜ ਹੈ।
ਹਰਪੀਸ ਦਾ ਖ਼ਤਰਾ
ਕਿਸ (Kiss) ਕਰਨ ਨਾਲ ਹਰਪੀਸ ਹੋਣ ਦਾ ਖ਼ਤਰਾ ਰਹਿੰਦਾ ਹੈ। ਇਹ ਇੱਕ ਆਮ ਵਾਇਰਲ ਇਨਫੈਕਸ਼ਨ ਹੈ ਜੋ ਬੁੱਲ੍ਹਾਂ ‘ਤੇ ਜਾਂ ਮੂੰਹ ਦੇ ਨੇੜੇ ਛੋਟੇ ਛਾਲਿਆਂ ਦੇ ਰੂਪ ਵਿੱਚ ਨਜ਼ਰ ਆਉਂਦਾ ਹੈ। ਸੰਕਰਮਿਤ ਵਿਅਕਤੀ ਦੀ ਪਛਾਣ ਕਰਨਾ ਮੁਸ਼ਕਲ ਹੁੰਦਾ ਹੈ, ਕਿਉਂਕਿ ਕਈ ਵਾਰ ਲੱਛਣ ਦਿਖਾਈ ਨਹੀਂ ਦਿੰਦੇ।
ਮੋਨੋਨਿਊਕਲੀਓਸਿਸ ਹੋਣ ਦਾ ਖ਼ਤਰਾ
ਚੁੰਮਣ ਨਾਲ ਮੋਨੋਨਿਊਕਲੀਓਸਿਸ ਦਾ ਖ਼ਤਰਾ ਹੁੰਦਾ ਹੈ। ਇਹ Epstein-Barr virus ਦੇ ਕਰਕੇ ਹੁੰਦਾ ਹੈ। ਇਸ ਦੇ ਲੱਛਣਾਂ ਵਿੱਚ ਬੁਖਾਰ, ਗਲੇ ਵਿੱਚ ਖਰਾਸ਼, ਥਕਾਵਟ ਅਤੇ ਸੁੱਜੀਆਂ ਹੋਈਆਂ ਲਿੰਫ ਨੋਡਸ ਸ਼ਾਮਲ ਹੈ। ਇਸ ਲਈ, ਜੇਕਰ ਤੁਹਾਨੂੰ ਚੁੰਮਣ ਤੋਂ ਬਾਅਦ ਅਜਿਹੇ ਲੱਛਣ ਦਿਖਾਈ ਦਿੰਦੇ ਹਨ, ਤਾਂ ਤੁਰੰਤ ਡਾਕਟਰ ਦੀ ਸਲਾਹ ਲਓ।
ਗੰਭੀਰ ਸਾਹ ਦੀ ਲਾਗ
ਚੁੰਮਣ ਨਾਲ ਸਾਹ ਦੀਆਂ ਬਿਮਾਰੀਆਂ ਹੋ ਸਕਦੀਆਂ ਹਨ। ਦਰਅਸਲ, ਫਲੂ ਜਾਂ ਕੋਰੋਨਾ ਵਾਇਰਸ ਲਾਰ ਰਾਹੀਂ ਫੈਲ ਸਕਦਾ ਹੈ, ਖਾਸ ਕਰਕੇ ਜਦੋਂ ਕਿਸੇ ਨੂੰ ਪਹਿਲਾਂ ਹੀ ਜ਼ੁਕਾਮ ਹੋਵੇ। ਇਸ ਲਈ, ਫਲੂ ਦੌਰਾਨ ਆਪਣੇ ਸਾਥੀ ਨੂੰ ਕਿਸ ਨਾ ਕਰੋ।
ਜਿਨਜੀਵਾਈਟਸ ਅਤੇ ਮੂੰਹ ਦੀ ਲਾਗ
ਆਪਣੇ ਸਾਥੀ ਨੂੰ ਚੁੰਮਣ ਨਾਲ ਮੂੰਹ ਦੀ ਇਨਫੈਕਸ਼ਨ ਹੋਣ ਦਾ ਖ਼ਤਰਾ ਹੁੰਦਾ ਹੈ। ਇਸ ਕਾਰਨ ਮਸੂੜਿਆਂ ਵਿੱਚ ਸੋਜ, ਸਾਹ ਦੀ ਬਦਬੂ ਆਦਿ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਹ ਸਮੱਸਿਆ ਖਾਸ ਕਰਕੇ ਉਦੋਂ ਹੁੰਦੀ ਹੈ ਜਦੋਂ ਮੂੰਹ ਦੀ ਸਫਾਈ ਮਾੜੀ ਹੁੰਦੀ ਹੈ।
ਹੈਪੇਟਾਈਟਸ ਬੀ ਦਾ ਖ਼ਤਰਾ
ਆਪਣੇ ਸਾਥੀ ਨੂੰ ਚੁੰਮਣ ਨਾਲ ਹੈਪੇਟਾਈਟਸ ਬੀ ਦਾ ਖ਼ਤਰਾ ਹੁੰਦਾ ਹੈ। ਇਹ ਲਾਰ ਰਾਹੀਂ ਵੀ ਫੈਲ ਸਕਦਾ ਹੈ, ਹਾਲਾਂਕਿ ਇਹ ਘੱਟ ਆਮ ਹੈ। ਫਿਰ ਵੀ, ਖ਼ਤਰਾ ਬਣਿਆ ਰਹਿੰਦਾ ਹੈ।
ਕਿਹੜੇ ਲੋਕਾਂ ਨੂੰ ਖਿਆਲ ਰੱਖਣਾ ਚਾਹੀਦਾ?
ਜੇਕਰ ਤੁਹਾਡੀ ਇਮਿਊਨਿਟੀ ਕਮਜ਼ੋਰ ਹੈ, ਤਾਂ ਚੁੰਮਣ ਤੋਂ ਬਚੋ।
ਬਜ਼ੁਰਗਾਂ, ਬੱਚਿਆਂ, ਜਾਂ ਕਿਸੇ ਗੰਭੀਰ ਬਿਮਾਰੀ (ਜਿਵੇਂ ਕਿ ਕੈਂਸਰ, ਐੱਚਆਈਵੀ) ਤੋਂ ਪੀੜਤ ਲੋਕਾਂ ਨੂੰ ਚੁੰਮਣ ਤੋਂ ਬਚਣਾ ਚਾਹੀਦਾ ਹੈ।
ਜੇਕਰ ਤੁਹਾਨੂੰ ਵਾਰ-ਵਾਰ ਮੂੰਹ ਵਿੱਚ ਛਾਲੇ ਜਾਂ ਇਨਫੈਕਸ਼ਨ ਹੁੰਦੀ ਹੈ ਤਾਂ kiss ਨਾ ਕਰੋ। ਇਸਦਾ ਮਤਲਬ ਇਹ ਹੋ ਸਕਦਾ ਹੈ ਕਿ ਸਰੀਰ ਵਾਰ-ਵਾਰ ਵਾਇਰਸ ਨਾਲ ਲੜ ਰਿਹਾ ਹੈ।
ਭਾਵੇਂ ਵਿਅਕਤੀ ਹਲਕੀ ਜ਼ੁਕਾਮ ਤੋਂ ਪੀੜਤ ਹੈ, ਇਸ ਸਮੇਂ ਦੌਰਾਨ ਸਾਵਧਾਨੀ ਜ਼ਰੂਰੀ ਹੈ।
Check out below Health Tools-
Calculate Your Body Mass Index ( BMI )
Calculate The Age Through Age Calculator