ਮਾਸਕੋ, 30 ਜੂਨ
ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੂਤਿਨ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਮਾਸਕੋ ਦਾ ‘ਵੱਡਾ ਦੋਸਤ’ ਕਰਾਰ ਦਿੰਦਿਆਂ ਕਿਹਾ ਕਿ ਸ੍ਰੀ ਮੋਦੀ ਦੀ ‘ਮੇਕ ਇਨ ਇੰਡੀਆ’ ਮੁਹਿੰਮ ਦਾ ਭਾਰਤੀ ਅਰਥਚਾਰੇ ‘ਤੇ ਅਸਰਦਾਰ ਪ੍ਰਭਾਵ ਪਿਆ ਹੈ। ਪੂਤਿਨ ਨੇ ਵੀਰਵਾਰ ਨੂੰ ਮਾਸਕੋ ‘ਚ ਰੂਸ ਦੀ ਏਜੰਸੀ ਫਾਰ ਸਟ੍ਰੈਟਜਿਕ ਇਨੀਸ਼ੀਏਟਿਵਜ਼ (ਏਐੱਸਆਈ) ਵਲੋਂ ਕਰਵਾਏ ਸੰਮੇਲਨ ‘ਚ ਇਹ ਟਿੱਪਣੀ ਕੀਤੀ। ਉਨ੍ਹਾਂ ਕਿਹਾ, ‘ਭਾਰਤ ਵਿੱਚ ਸਾਡੇ ਦੋਸਤ ਅਤੇ ਸਾਡੇ ਵੱਡੇ ਮਿੱਤਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਈ ਸਾਲ ਪਹਿਲਾਂ ‘ਮੇਕ ਇਨ ਇੰਡੀਆ’ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਨੇ ਅਸਲ ਵਿੱਚ ਭਾਰਤੀ ਅਰਥਵਿਵਸਥਾ ‘ਤੇ ਬਹੁਤ ਜ਼ਿਆਦਾ ਪ੍ਰਭਾਵ ਪਾਇਆ ਹੈ।’