ਮਾਲ ਗੱਡੀ ਦੇ ਡੱਬੇ ਲੀਹ ਤੋਂ ਉਤਰੇ

ਭਾਵਨਗਰ, 19 ਫਰਵਰੀ

ਗੁਜਰਾਤ ਦੇ ਭਾਵਨਗਰ ਜ਼ਿਲ੍ਹੇ ਵਿੱਚ ਅੱਜ ਸ਼ਾਮ ਨੂੰ ਡਬਲ ਡੈਕਰ ਮਾਲ ਗੱਡੀ ਦੇ ਚਾਰ ਡੱਬੇ ਲੀਹ ਤੋਂ ਉਤਰ ਗਏ। ਇਸ ਤੋਂ ਬਾਅਦ ਕੁੱਝ ਰੇਲ ਗੱਡੀਆਂ ਦੇ ਸਮੇਂ ਵਿੱਚ ਤਬਦੀਲੀ ਕੀਤੀ ਗਈ ਅਤੇ ਕੁੱਝ ਆਪਣੀ ਮੰਜ਼ਿਲ ਵੱਲ ਪਛੜ ਕੇ ਰਵਾਨਾ ਹੋਈਆਂ। ਇਹ ਜਾਣਕਾਰੀ ਪੱਛਮੀ ਰੇਲਵੇ ਦੇ ਅਧਿਕਾਰੀਆਂ ਨੇ ਦਿੱਤੀ। ਬਿਆਨ ਮੁਤਾਬਕ, ਮਾਲਗੱਡੀ ਪੀਪਾਵਵ ਬੰਦਰਗਾਹ ਤੋਂ ਰਵਾਨਾ ਹੋਈ ਸੀ ਅਤੇ ਢੋਲਾ ਰੇਲਵੇ ਸਟੇਸ਼ਨ ਨੇੜੇ ਲੀਹ ਤੋਂ ਉਤਰ ਗਈ। –ਪੀਟੀਆਈ