ਬਾਰਾਬੰਕੀ, 30 ਦਸੰਬਰ
ਉੱਤਰ ਪ੍ਰਦੇਸ਼ ਦੇ ਬਾਰਾਬੰਕੀ ਜ਼ਿਲ੍ਹੇ ਦੇ ਫਤਿਹਪੁਰ ਥਾਣਾ ਖੇਤਰ ‘ਚ ਸਤਿਸੰਗ ਪ੍ਰੋਗਰਾਮ ‘ਚ ਹਿੱਸਾ ਲੈਣ ਆਏ ਪ੍ਰਯਾਗਰਾਜ ਦੇ ਸੰਨਿਆਸੀ ਦੀ ਲਾਸ਼ ਆਸ਼ਰਮ ਦੇ ਕਮਰੇ ‘ਚ ਸ਼ੱਕੀ ਹਾਲਾਤਾਂ ‘ਚ ਲਟਕਦੀ ਮਿਲੀ। ਉਸ ਕੋਲੋਂ ਕਥਿਤ ‘ਸੁਸਾਈਡ ਨੋਟ’ ਵੀ ਬਰਾਮਦ ਹੋਇਆ ਹੈ। ਦੂਜੇ ਪਾਸੇ ਸੂਤਰਾਂ ਨੇ ਦੱਸਿਆ ਕਿ 27 ਦਸੰਬਰ ਨੂੰ ਪ੍ਰਯਾਗਰਾਜ ਅਤੇ ਹਰਿਦੁਆਰ ਤੋਂ 50 ਸਾਧੂਆਂ ਦਾ ਜਥਾ ਸੀਤਾਪੁਰ ਤੋਂ ਬੇਲਹਾੜਾ ਅਤੇ ਪੰਤੇਪੁਰ ਹੁੰਦੇ ਹੋਏ ਫਤਿਹਪੁਰ ਪਹੁੰਚਿਆ ਸੀ। ਉਸ ਨੇ ਦੱਸਿਆ ਕਿ ਮਹੰਤ ਮਹੇਸ਼ਵਰਦਾਸ ਅਤੇ ਮਹੰਤ ਅਦਵੇਤਾਨੰਦ ਦੇ ਨਾਲ ਪਚਘਰਾ ਇਲਾਕੇ ‘ਚ ਸਥਿਤ ਬਾਬਾ ਉਦਾਸੀਨ ਆਸ਼ਰਮ ‘ਚ ਕਈ ਸਾਧੂ ਠਹਿਰੇ ਹੋਏ ਸਨ, ਜਿਨ੍ਹਾਂ ‘ਚ ਸਮੂਹ ਦੇ ਖਜ਼ਾਨਚੀ ਰਾਮਦਾਸ (50) ਵਾਸੀ ਪੰਜਾਬ ਵੀ ਸ਼ਾਮਲ ਸਨ। ਦੇਹ ਦੇ ਕੋਲ ‘ਸੁਸਾਈਡ ਨੋਟ’ ਮਿਲਿਆ ਹੈ, ਜਿਸ ਵਿੱਚ ਲਿਖਿਆ ਸੀ,‘ਨੇੜਲਿਆਂ ਨੇ ਧੋਖਾ ਦਿੱਤਾ ਹੈ ਅਤੇ ਖ਼ੁਦਕੁਸ਼ੀ ਲਈ ਮੈਂ ਖ਼ੁਦ ਜ਼ਿੰਮੇਵਾਰ ਹਾਂ।’