Hockey World Cup 2026: ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਮੰਗਲਵਾਰ ਨੂੰ ਇੱਕ ਇਤਿਹਾਸਕ ਜਿੱਤ ਹਾਸਲ ਕੀਤੀ। ਨੀਦਰਲੈਂਡ ਦੇ ਐਮਸਟਲਵੀਨ ਵਿੱਚ ਟੀਮ ਨੇ ਦੱਖਣੀ ਅਫਰੀਕਾ ਨੂੰ 6-1 ਨਾਲ ਹਰਾਇਆ, ਜੋ ਕਿ ਵਿਸ਼ਵ ਕੱਪ ਇਤਿਹਾਸ ਵਿੱਚ ਭਾਰਤੀ ਮਹਿਲਾ ਟੀਮ ਦੀ ਸਭ ਤੋਂ ਵੱਡੀ ਜਿੱਤ ਹੈ। ਇਸ ਜਿੱਤ ਨੇ ਭਾਰਤ ਦੇ ਨਾਕਆਊਟ ਵਿੱਚ ਅੱਗੇ ਵਧਣ ਦੀਆਂ ਸੰਭਾਵਨਾਵਾਂ ਵੱਧ ਗਈਆਂ, ਪਰ ਭਾਰਤੀ ਖਿਡਾਰਨ ਇਸ਼ਿਕਾ ਚੌਧਰੀ ਮੈਚ ਖਤਮ ਹੋਣ ਤੋਂ ਕੁਝ ਸਕਿੰਟ ਪਹਿਲਾਂ ਜ਼ਖਮੀ ਹੋ ਗਈ, ਜਿਸ ਨਾਲ ਟੀਮ ਇੰਡੀਆ ਲਈ ਚਿੰਤਾਵਾਂ ਵਧ ਗਈਆਂ ਹਨ।
ਇਸ ਮੈਚ ਵਿੱਚ, ਦੱਖਣੀ ਅਫਰੀਕਾ ਵੱਲੋਂ 56ਵੇਂ ਮਿੰਟ ਵਿੱਚ ਪਹਿਲਾ ਗੋਲ ਕੀਤਾ ਗਿਆ, ਇਸ ਤੋਂ ਪਹਿਲਾਂ ਭਾਰਤ ਨੇ 6 ਗੋਲਾਂ ਦੀ ਲੀਡ ਲੈ ਲਈ ਸੀ। ਮੈਚ ਖਤਮ ਹੋਣ ਵਿੱਚ ਇੱਕ ਮਿੰਟ ਤੋਂ ਵੀ ਘੱਟ ਸਮਾਂ ਬਾਕੀ ਸੀ, ਇਸ ਸਮੇਂ ਮੈਦਾਨ ‘ਤੇ ਇੱਕ ਭਿਆਨਕ ਘਟਨਾ ਵਾਪਰੀ। ਇਸ਼ਿਕਾ ਚੌਧਰੀ ਗੇਂਦ ਨੂੰ ਰੋਕਣ ਦੀ ਕੋਸ਼ਿਸ਼ ਕਰ ਰਹੀ ਸੀ, ਡਿਫੈਂਡ ਦੀ ਕੋਸ਼ਿਸ਼ ਵਿੱਚ ਉਨ੍ਹਾਂ ਦੇ ਮੱਥੇ ‘ਤੇ ਦੱਖਣੀ ਅਫ਼ਰੀਕੀ ਖਿਡਾਰੀ ਦੀ ਹਾਕੀ ਸਟਿੱਕ ਨਾਲ ਉਸਦੇ ਜ਼ੋਰਦਾਰ ਸੱਟ ਲੱਗੀ। ਟੱਕਰ ਬਹੁਤ ਜ਼ਬਰਦਸਤ ਸੀ, ਉਨ੍ਹਾਂ ਦੇ ਮੱਥੇ ਤੋਂ ਖੂਨ ਵਗਣ ਲੱਗ ਪਿਆ।
ਹਾਕੀ ਸਟਿੱਕ ਲੱਗਦੇ ਹੀ ਇਸ਼ੀਕਾ ਚੌਧਰੀ ਜ਼ਮੀਨ ‘ਤੇ ਡਿੱਗ ਪਈ, ਮੈਡੀਕਲ ਟੀਮ ਤੁਰੰਤ ਅੰਦਰ ਆਈ। ਟਿਸ਼ੂ ਅਤੇ ਕੱਪੜੇ ਦੀ ਵਰਤੋਂ ਕਰਕੇ, ਸਹਾਇਤਾ ਸਟਾਫ ਅਤੇ ਫਿਜ਼ੀਓ ਨੇ ਉਨ੍ਹਾਂ ਦੇ ਮੱਥੇ ਤੋਂ ਖੂਨ ਵਗਣਾ ਬੰਦ ਕਰ ਦਿੱਤਾ। ਬਾਅਦ ਵਿੱਚ, ਉਹ ਆਪਣੇ ਮੱਥੇ ‘ਤੇ ਕੱਪੜਾ ਦਬਾ ਕੇ ਬਾਹਰ ਚਲੀ ਗਈ। ਇਸ ਦੌਰਾਨ ਹੋਰ ਭਾਰਤੀ ਖਿਡਾਰੀ ਵੀ ਚਿੰਤਤ ਅਤੇ ਦੁੱਖੀ ਦਿਖਾਈ ਦਿੱਤੇ।
ਦੱਖਣੀ ਅਫਰੀਕਾ ਵਿਰੁੱਧ ਭਾਰਤੀ ਮਹਿਲਾਵਾਂ ਨੇ 6-1 ਨਾਲ ਜਿੱਤ ਪ੍ਰਾਪਤ ਕੀਤੀ। ਇਸ ਮੈਚ ਵਿੱਚ ਭਾਰਤ ਲਈ ਪਹਿਲਾ ਗੋਲ ਸੁਨਾਲਿਤਾ ਟੋਪੋ ਨੇ 11ਵੇਂ ਮਿੰਟ ਵਿੱਚ ਕੀਤਾ, ਇਸ ਤੋਂ ਬਾਅਦ 17ਵੇਂ ਮਿੰਟ ਵਿੱਚ ਨਵਨੀਤ ਕੌਰ ਨੇ ਫਿਰ ਦੂਜਾ ਗੋਲ ਕੀਤਾ। ਸੁਸ਼ੀਲਾ ਚਾਨੂ ਨੇ 24ਵੇਂ ਮਿੰਟ ਵਿੱਚ ਅਤੇ ਦੀਪਿਕਾ ਨੇ 38ਵੇਂ ਮਿੰਟ ਵਿੱਚ ਇੱਕ ਹੋਰ ਗੋਲ ਕੀਤਾ। ਲਾਲਰੇਮਸਿਆਮੀ ਨੇ 43ਵੇਂ ਮਿੰਟ ਵਿੱਚ ਗੋਲ ਕੀਤਾ, ਅਤੇ ਸਾਕਸ਼ੀ ਰਾਣਾ ਨੇ ਭਾਰਤ ਲਈ ਮੈਚ ਦਾ ਛੇਵਾਂ ਗੋਲ ਕੀਤਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ ‘ਤੇ ਵੀ ਫੋਲੋ ਕਰ ਸਕਦੇ ਹੋ।