Old Age Pension: ਪੈਨਸ਼ਨ ਫੰਡ ਰੈਗੂਲੇਟਰੀ ਐਂਡ ਡਿਵੈਲਪਮੈਂਟ ਅਥਾਰਟੀ (PFRDA) ਨੇ ਪੈਨਸ਼ਨ ਦੇ ਨਾਲ-ਨਾਲ ਸਿਹਤ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਇੱਕ ਨਵੀਂ ਸਕੀਮ ਲਾਂਚ ਕੀਤੀ ਹੈ। ਦੱਸ ਦੇਈਏ ਕਿ ਇਸਦਾ ਬਜ਼ੁਰਗਾਂ ਨੂੰ ਦੁੱਗਣਾ ਲਾਭ ਮਿਲੇਗਾ। ਇਸ ਵਿੱਚ ‘NPS Swasthya’ (ਐਨਪੀਐਸ ਸਿਹਤ) ਦਾ ਦੂਜਾ ਪੜਾਅ ਲਾਂਚ ਕੀਤਾ ਗਿਆ ਹੈ। ਦਰਅਸਲ, ਰਿਟਾਇਰਮੈਂਟ ਤੋਂ ਬਾਅਦ ਹੁਣ ਤੁਹਾਨੂੰ ਆਪਣੀ ਸਿਹਤ ਅਤੇ ਇਲਾਜ ਦੇ ਖਰਚਿਆਂ ਲਈ ਫਿਕਰ ਕਰਨ ਦੀ ਲੋੜ ਨਹੀਂ ਪਵੇਗੀ। ਪੈਨਸ਼ਨ ਫੰਡ ਰੈਗੂਲੇਟਰੀ ਐਂਡ ਡਿਵੈਲਪਮੈਂਟ ਅਥਾਰਟੀ (PFRDA) ਨੇ ਪੈਨਸ਼ਨ ਦੇ ਨਾਲ-ਨਾਲ ਸਿਹਤ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਇੱਕ ਨਵੀਂ ਸਕੀਮ ‘NPS Swasthya’ (ਐਨਪੀਐਸ ਸਿਹਤ) ਦਾ ਦੂਜਾ ਪੜਾਅ ਲਾਂਚ ਕਰ ਦਿੱਤਾ ਹੈ। ਇਸ ਪਹਿਲਕਦਮੀ ਦਾ ਮੁੱਖ ਮਕਸਦ ਸਬਸਕ੍ਰਾਈਬਰਾਂ ਨੂੰ ਬੁਢਾਪੇ ਵਿੱਚ ਪੈਨਸ਼ਨ ਦੇ ਨਾਲ-ਨਾਲ ਬਿਮਾਰੀ ਦੇ ਸਮੇਂ ਵਿੱਤੀ ਮਦਦ ਪ੍ਰਦਾਨ ਕਰਨਾ ਹੈ।
ਜਾਣੋ ਕਿਉਂ ਲਾਂਚ ਕੀਤੀ ਇਹ ਸਕੀਮ ?
PFRDA ਮੁਤਾਬਕ ਭਾਰਤ ਵਿੱਚ ਇਲਾਜ ਦਾ ਖਰਚਾ ਬਹੁਤ ਤੇਜ਼ੀ ਨਾਲ ਵਧ ਰਿਹਾ ਹੈ। ਅਨੁਮਾਨ ਹੈ ਕਿ ਸਾਲ 2026 ਵਿੱਚ ਸਿਹਤ ਸੰਭਾਲ ਦੀ ਲਾਗਤ 11.5% ਤੋਂ 14% ਤੱਕ ਵਧ ਸਕਦੀ ਹੈ, ਜੋ ਕਿ ਆਮ ਮਹਿੰਗਾਈ ਦਰ ਤੋਂ ਵੀ ਕਿਤੇ ਜ਼ਿਆਦਾ ਹੈ। ਇਸ ਚੁਣੌਤੀ ਨਾਲ ਨਜਿੱਠਣ ਲਈ NPS ਨੂੰ ਹੁਣ ਸਿਰਫ਼ ਪੈਨਸ਼ਨ ਦਾ ਸਾਧਨ ਹੀ ਨਹੀਂ, ਸਗੋਂ ਇੱਕ ਹੈਲਥ ਸੁਰੱਖਿਆ ਕਵਚ ਵਜੋਂ ਤਿਆਰ ਕੀਤਾ ਗਿਆ ਹੈ।
ਖ਼ਾਸ ਗੱਲਾਂ ਜੋ ਤੁਹਾਡੇ ਲਈ ਜਾਣਨੀਆਂ ਹਨ ਜ਼ਰੂਰੀ:
ਇਲਾਜ ਲਈ ਮਿਲੇਗਾ ਪੈਸਾ
ਆਮ ਤੌਰ ‘ਤੇ NPS ਦਾ ਪੈਸਾ ਰਿਟਾਇਰਮੈਂਟ ਤੱਕ ਲਾਕ ਰਹਿੰਦਾ ਹੈ, ਪਰ ਇਸ ਨਵੀਂ ਸਕੀਮ ਤਹਿਤ ਸਬਸਕ੍ਰਾਈਬਰ ਆਪਣੇ ਯੋਗਦਾਨ ਦਾ 25% ਤੱਕ ਹਿੱਸਾ ਮੈਡੀਕਲ ਖਰਚਿਆਂ ਲਈ ਕਢਵਾ ਸਕਣਗੇ।
ਗੰਭੀਰ ਬਿਮਾਰੀ ਲਈ ਵਿਸ਼ੇਸ਼ ਸਹੂਲਤ
ਜੇਕਰ ਕੋਈ ਗੰਭੀਰ ਬਿਮਾਰੀ ਹੁੰਦੀ ਹੈ ਜਾਂ ਹਸਪਤਾਲ ਦਾ ਖਰਚਾ ਨਿਰਧਾਰਤ ਸੀਮਾ ਤੋਂ ਵੱਧ ਜਾਂਦਾ ਹੈ, ਤਾਂ ਸਬਸਕ੍ਰਾਈਬਰ ਨੂੰ 100% ਰਕਮ ਇੱਕਮੁਸ਼ਤ ਕੱਢਣ ਦੀ ਇਜਾਜ਼ਤ ਹੋਵੇਗੀ।
ਪਾਰਦਰਸ਼ੀ ਸਿਸਟਮ
ਇਲਾਜ ਲਈ ਕਢਵਾਈ ਗਈ ਰਕਮ ਸਿੱਧੀ ਸਿਹਤ ਸੰਭਾਲ ਏਜੰਸੀ ਜਾਂ ਹਸਪਤਾਲ ਨੂੰ ਭੇਜੀ ਜਾਵੇਗੀ, ਅਤੇ ਜੇਕਰ ਕੋਈ ਰਕਮ ਬਚਦੀ ਹੈ ਤਾਂ ਉਹ ਵਾਪਸ ਤੁਹਾਡੇ ਖਾਤੇ ਵਿੱਚ ਜਮ੍ਹਾ ਹੋ ਜਾਵੇਗੀ।
ਡਿਜੀਟਲ ਪਹੁੰਚ
ਫੰਡਾਂ ਤੱਕ ਤੁਰੰਤ ਪਹੁੰਚ ਲਈ ‘MAven App’ ਤਿਆਰ ਕੀਤੀ ਗਈ ਹੈ, ਜੋ ਕਿ CAMS ਦੇ ਸਿਸਟਮ ਨਾਲ ਜੁੜੀ ਹੋਈ ਹੈ।
ਜਾਣੋ ਕੌਣ ਇਸਜੁੜ ਸਕਦਾ ?
ਭਾਰਤ ਦਾ ਕੋਈ ਵੀ ਨਾਗਰਿਕ ਇਸ ਸਕੀਮ ਦਾ ਲਾਭ ਲੈ ਸਕਦਾ ਹੈ। ਇਸ ਦੇ ਲਈ NPS Swasthya ਦੇ ਨਾਲ ਇੱਕ ਸਾਂਝਾ ਸਕੀਮ ਖਾਤਾ ਹੋਣਾ ਲਾਜ਼ਮੀ ਹੈ।
ਇਸ ਪ੍ਰੋਜੈਕਟ ਨੂੰ ਸਫਲ ਬਣਾਉਣ ਲਈ PFRDA ਨੇ ਮੇਡੀ ਅਸਿਸਟ (Medi Assist Healthcare), ਆਦਿਤਿਆ ਬਿਰਲਾ ਹੈਲਥ ਇੰਸ਼ੋਰੈਂਸ, ਟਾਟਾ ਪੈਨਸ਼ਨ ਫੰਡ ਅਤੇ ਐਕਸਿਸ ਪੈਨਸ਼ਨ ਫੰਡ ਵਰਗੀਆਂ ਦਿੱਗਜ ਕੰਪਨੀਆਂ ਨਾਲ ਹੱਥ ਮਿਲਾਇਆ ਹੈ।
ਹੋਰ ਪੜ੍ਹੋ