London Chicago Flight Descends : ਲੰਡਨ ਤੋਂ ਸ਼ਿਕਾਗੋ ਜਾ ਰਹੀ ਬ੍ਰਿਟਿਸ਼ ਏਅਰਵੇਜ਼ ਦੀ ਫਲਾਈਟ BA295 ਨੂੰ ਆਇਰਲੈਂਡ ਦੇ ਉੱਪਰ ਉਡਾਣ ਦੌਰਾਨ ਅਚਾਨਕ ਐਮਰਜੈਂਸੀ ਐਲਰਟ ਜਾਰੀ ਕਰਨਾ ਪਿਆ। ਫਲਾਈਟ ਟ੍ਰੈਕਿੰਗ ਡਾਟਾ ਮੁਤਾਬਕ ਜਹਾਜ਼ ਨੇ ਕੁਝ ਹੀ ਮਿੰਟਾਂ ਵਿੱਚ ਆਪਣੀ ਉਡਾਣ ਦੀ ਉਚਾਈ ਕਰੀਬ 28 ਹਜ਼ਾਰ ਫੁੱਟ ਤੱਕ ਘਟਾ ਦਿੱਤੀ।
ਜਾਣਕਾਰੀ ਮੁਤਾਬਕ ਫਲਾਈਟ ਲੰਡਨ ਤੋਂ ਸ਼ਿਕਾਗੋ ਵੱਲ ਜਾ ਰਹੀ ਸੀ ਪਰ ਆਇਰਲੈਂਡ ਦੇ ਉੱਪਰ ਪਹੁੰਚਣ ਤੋਂ ਬਾਅਦ ਇਸ ਨੂੰ ਵਾਪਸ ਲੰਡਨ ਵੱਲ ਮੋੜਿਆ ਜਾ ਰਿਹਾ ਹੈ। ਇਸ ਦੌਰਾਨ ਫਲਾਈਟ ਨੇ ਐਮਰਜੈਂਸੀ ਸਿਗਨਲ ਵੀ ਐਕਟੀਵੇਟ ਕੀਤਾ।
ਫਲਾਈਟ ਟ੍ਰੈਕਿੰਗ ਦੇ ਵੇਰਵਿਆਂ ਤੋਂ ਪਤਾ ਲੱਗਿਆ ਹੈ ਕਿ ਜਹਾਜ਼ ਨੇ ਆਪਣਾ ਰੂਟ ਬਦਲ ਲਿਆ ਹੈ। ਹਾਲਾਂਕਿ ਐਮਰਜੈਂਸੀ ਦਾ ਅਸਲ ਕਾਰਨ ਕੀ ਹੈ, ਇਸ ਬਾਰੇ ਫਿਲਹਾਲ ਸਪੱਸ਼ਟ ਜਾਣਕਾਰੀ ਸਾਹਮਣੇ ਨਹੀਂ ਆਈ।
ਯਾਤਰੀਆਂ ਦੀ ਸੁਰੱਖਿਆ ਨੂੰ ਦੇਖਦੇ ਹੋਏ ਜਹਾਜ਼ ਨੂੰ ਵਾਪਸ ਲੰਡਨ ਲਿਆਂਦਾ ਜਾ ਰਿਹਾ ਹੈ। ਮਾਮਲੇ ਸਬੰਧੀ ਹੋਰ ਜਾਣਕਾਰੀ ਏਅਰਲਾਈਨ ਜਾਂ ਅਧਿਕਾਰੀਆਂ ਵੱਲੋਂ ਦਿੱਤੇ ਜਾਣ ਦੀ ਉਡੀਕ ਹੈ।