ਹੈਦਰਾਬਾਦ, 6 ਅਪਰੈਲ
ਗੁਜਰਾਤ ਟਾਈਟਨਸ ਨੇ ਅੱਜ ਇੱਥੇ ਆਈਪੀਐੱਲ ਮੈਚ ਵਿੱਚ ਸਨਰਾਈਜ਼ਰਜ਼ ਹੈਦਰਾਬਾਦ ਨੂੰ ਸੱਤ ਵਿਕਟਾਂ ਨਾਲ ਹਰ ਦਿੱਤਾ।Gujarat Titans ਨੇ ਕਪਤਾਨ ਸ਼ੁਭਮਨ ਗਿੱਲ ਦੇ ਨਾਬਾਦ ਨੀਮ ਸੈਂਕੜੇ (61 ਦੌੜਾਂ), ਵਾਸ਼ਿੰਗਟਨ ਸੁੰਦਰ ਦੀਆਂ 49 ਦੌੜਾਂ ਤੇ ਐੈੱਸ ਰਦਰਫੋਰਡ ਦੀਆਂ ਨਾਬਾਦ 35 ਦੌੜਾਂ ਸਦਕਾ ਜਿੱਤ ਲਈ 153 ਦੌੜਾਂ ਦਾ ਟੀਚਾ ਤਿੰਨ ਵਿਕਟਾਂ ਗੁਆ ਕੇ 16.4 ਓਵਰਾਂ ’ਚ ਹੀ ਪੂਰਾ ਕਰ ਲਿਆ। ਹੈਦਰਾਬਾਦ ਵੱਲੋਂ ਮੁਹੰਮਦ ਸ਼ਮੀ ਨੇ ਦੋ ਵਿਕਟਾਂ ਲਈਆਂ ਜਦਕਿ ਪੈਟ ਕਮਿਨਸ ਨੂੰ ਇੱਕ ਵਿਕਟ ਮਿਲੀ।
ਇਸ ਤੋਂ ਪਹਿਲਾਂ ਗੁਜਰਾਤ ਦੇ ਗੇਂਦਬਾਜ਼ਾਂ ਨੇ ਹੈਦਰਾਬਾਦ ਨੂੰ 20 ਓਵਰਾਂ 152/8 ਦੇ ਸਕੋਰ ’ਤੇ ਹੀ ਰੋਕ ਦਿੱਤਾ। ਟੀਮ ਵੱਲੋਂ ਅਭਿਸ਼ੇਕ ਸ਼ਰਮਾ ਨੇ 18 ਦੌੜਾਂ, ਇਸ਼ਾਨ ਕਿਸ਼ਨ ਨੇ 17, ਨਿਤੀਸ਼ ਰੈੱਡੀ ਨੇ 31, ਹੈਨਰਿਕ ਕਲਾਸਨ ਨੇ 27 ਤੇ ਕਪਤਾਨ ਪੈਟ ਕਮਿਨਸ ਨੇ 22 ਦੌੜਾਂ ਬਣਾਈਆਂ। ਗੁਜਰਾਤ ਟਾਈਟਨਸ ਵੱਲੋਂ ਮੁਹੰਮਦ ਸਿਰਾਜ ਨੇ ਚਾਰ ਵਿਕਟਾਂ ਜਦਕਿ ਪ੍ਰਸਿੱਧ ਕ੍ਰਿਸ਼ਨਾ ਤੇ ਸਾਈ ਕਿਸ਼ੋਰ ਨੇ 2-2 ਵਿਕਟਾਂ ਲਈਆਂ। -ਪੀਟੀਆਈ