Ajith Kumar Accident: ਤਾਮਿਲ ਅਦਾਕਾਰ ਅਜੀਤ ਕੁਮਾਰ ਭਿਆਨਕ ਹਾਦਸੇ ਦਾ ਸ਼ਿਕਾਰ ਹੋ ਗਏ। ਇਨ੍ਹੀਂ ਦਿਨੀਂ ਅਦਾਕਾਰ ਦੁਬਈ ਵਿੱਚ ਹੋਣ ਵਾਲੀ 24 ਘੰਟੇ ਦੀ ਦੌੜ ਵਿਚ ਹਿੱਸਾ ਲੈਣ ਲਈ ਦੁਬਈ ਵਿਚ ਹੈ। ਇਸ ਦੌਰਾਨ ਮੰਗਲਵਾਰ ਨੂੰ ਪ੍ਰੈਕਟਿਸ ਦੌਰਾਨ ਉਹ ਕਾਰ ਤੋਂ ਕੰਟਰੋਲ ਗੁਆ ਬੈਠੇ ਅਤੇ ਉਨ੍ਹਾਂ ਦੀ ਕਾਰ ਹਾਦਸਾਗ੍ਰਸਤ ਹੋ ਗਈ। ਇਸ ਹਾਦਸੇ ਵਿੱਚ ਉਨ੍ਹਾਂ ਦੀ ਜਾਨ ਬੜੀ ਮੁਸ਼ਕਿਲ ਨਾਲ ਬਚੀ ਹੈ। ਅਜੀਤ ਕੁਮਾਰ ਨਾਲ ਵਾਪਰੇ ਹਾਦਸੇ ਦਾ ਵੀਡੀਓ ਵੀ ਸਾਹਮਣੇ ਆਇਆ ਹੈ ਜੋ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
6 ਘੰਟੇ ਦੇ ਐਂਡਿਊਰੈਂਸ ਟੈਸਟ ਸੈਸ਼ਨ ਦੌਰਾਨ ਅਜੀਤ ਕੁਮਾਰ ਦੀ ਕਾਰ ਬੈਰੀਅਰ ਨਾਲ ਟਕਰਾ ਗਈ। ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਉਨ੍ਹਾਂ ਦੀ ਕਾਰ ਬੇਕਾਬੂ ਹੋ ਗਈ ਅਤੇ ਹਾਦਸੇ ‘ਚ ਕਾਰ ਦੇ ਪਰਖੱਚੇ ਉਡ ਗਏ। ਇਸ ਤੋਂ ਬਾਅਦ ਕਾਰ ਰੁੱਕਦੀ ਹੈ ਅਤੇ ਫਿਰ ਅਜੀਤ ਕੁਮਾਰ ਨੂੰ ਕਾਰ ‘ਚੋਂ ਸੁਰੱਖਿਅਤ ਬਾਹਰ ਕੱਢ ਲਿਆ ਜਾਂਦਾ ਹੈ।
Ajith Kumar’s massive crash in practise, but he walks away unscathed.
Another day in the office … that’s racing!#ajithkumarracing #ajithkumar pic.twitter.com/dH5rQb18z0
— Ajithkumar Racing (@Akracingoffl) January 7, 2025
ਹਾਦਸੇ ਵਿੱਚ ਨਹੀਂ ਹੋਇਆ ਅਜੀਤ ਨੂੰ ਕੋਈ ਨੁਕਸਾਨ
ਹਿੰਦੁਸਤਾਨ ਟਾਈਮਜ਼ ਮੁਤਾਬਕ ਅਜੀਤ ਕੁਮਾਰ ਦੀ ਟੀਮ ਨੇ ਹਾਦਸੇ ਬਾਰੇ ਗੱਲ ਕੀਤੀ। ਟੀਮ ਨੇ ਕਿਹਾ- ਹਾਂ, ਉਨ੍ਹਾਂ ਦੀ ਜਾਨ ਇਸ ਹਾਦਸੇ ਵਿੱਚ ਮਸਾਂ ਹੀ ਬਚੀ ਹੈ। ਰਾਤ ਕਰੀਬ 12.45 ਵਜੇ ਪ੍ਰੈਕਟਿਸ ਦੌਰਾਨ ਉਨ੍ਹਾਂ ਦੀ ਰੇਸ ਕਾਰ ਬੈਰੀਅਰ ਨਾਲ ਟਕਰਾ ਗਈ। ਉੱਥੇ ਮੌਜੂਦ ਸੁਰੱਖਿਆ ਕਰਮਚਾਰੀਆਂ ਨੇ ਤੁਰੰਤ ਉਨ੍ਹਾਂ ਦੀ ਮਦਦ ਕੀਤੀ। ਅਜੀਤ ਦੂਜੀ ਰੇਸ ਕਾਰ ਵਿੱਚ ਚਲੇ ਗਏ ਕਿਉਂਕਿ ਇਹ ਪੂਰੀ ਹੋ ਚੁੱਕੀ ਸੀ ਅਤੇ ਆਪਣੀ ਪ੍ਰੈਕਟਿਸ ਜਾਰੀ ਰੱਖੀ। ਸ਼ੁਕਰ ਹੈ, ਉਨ੍ਹਾਂ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਿਆ।
ਆਪਣੀ ਰੇਸਿੰਗ ਟੀਮ ਦੇ ਮਾਲਕ ਅਜੀਤ ਕੁਮਾਰ
ਤੁਹਾਨੂੰ ਦੱਸ ਦਈਏ ਕਿ ਅਜੀਤ ਕੁਮਾਰ ਦੀ ਆਪਣੀ ਰੇਸਿੰਗ ਟੀਮ ਹੈ ਜਿਸ ਦਾ ਨਾਮ ਅਜੀਤ ਕੁਮਾਰ ਰੇਸਿੰਗ ਹੈ। ਉਨ੍ਹਾਂ ਨੇ ਇਸ ਨੂੰ ਪਿਛਲੇ ਸਾਲ ਸਤੰਬਰ ‘ਚ ਲਾਂਚ ਕੀਤਾ ਸੀ। ਫਿਲਹਾਲ, ਉਹ 24H ਦੁਬਈ 2025 ਲਈ ਦੁਬਈ ਵਿੱਚ ਆਪਣੀ ਟੀਮ ਦੇ ਮੈਂਬਰਾਂ ਮੈਥਿਊ ਡੇਟਰੀ, ਫੈਬੀਅਨ ਡਫੀਕਸ ਅਤੇ ਕੈਮਰਨ ਮੈਕਲਿਓਡ ਦੇ ਨਾਲ ਦੁਬਈ ਵਿੱਚ ਹਨ। ਇਹ ਦੌੜ 11-12 ਜਨਵਰੀ ਨੂੰ ਹੋਣੀ ਹੈ।