ਟ੍ਰਿਬਿਊਨ ਨਿਊਜ਼ ਸਰਵਿਸ
ਚੰਡੀਗੜ੍ਹ, 18 ਸਤੰਬਰ
ਇੱਥੋਂ ਦੇ ਡੀਏਵੀ ਕਾਲਜ ਸੈਕਟਰ 10 ਦੀ ਮਾਈਕ੍ਰੋਬਾਇਓਲੋਜਿਸਟਸ ਸੁਸਾਇਟੀ ਆਫ ਇੰਡੀਆ ਅਤੇ ਜ਼ੂਲੋਜੀਕਲ ਸੁਸਾਇਟੀ ਦੀ ਕਾਲਜ ਯੂਨਿਟ ਨੇ ਅੰਤਰ-ਕਾਲਜ ਮੁਕਾਬਲੇ ਕਰਵਾਏ ਜਿਸ ਵਿਚ ਕੁਇਜ਼, ਰੰਗੋਲੀ ਅਤੇ ਪੋਸਟਰ ਮੁਕਾਬਲਿਆਂ ਤੋਂ ਇਲਾਵਾ ਸੈਮੀਨਾਰ ਵੀ ਕੀਤਾ ਗਿਆ। ਮਾਈਕ੍ਰੋਬਾਇਓਲੋਜਿਸਟਸ ਸੁਸਾਇਟੀ ਆਫ ਇੰਡੀਆ ਦੇ ਕਾਰਜਕਾਰੀ ਸਲਾਹਕਾਰ ਡਾ. ਸਵਰਨਜੀਤ ਸਿੰਘ ਨੇ ਮੁੱਖ ਮਹਿਮਾਨ ਵਜੋਂ ਹਾਜ਼ਰੀ ਭਰੀ। ਪ੍ਰਿੰਸੀਪਲ ਡਾ. ਜੋਤਿਰਮਾਇਆ ਖੱਤਰੀ, ਜ਼ੂਆਲੋਜੀ ਵਿਭਾਗ ਦੇ ਮੁਖੀ ਡਾ. ਕੁਲਵੀਰ ਢੀਂਡਸਾ ਨੇ ਜੇਤੂ ਵਿਦਿਆਰਥੀਆਂ ਨੂੰ ਇਨਾਮ ਵੰਡੇ। ਰੰਗੋਲੀ ਮੁਕਾਬਲਿਆਂ ਲਈ ਵਿਚ ਪਹਿਲਾ ਸਥਾਨ – ਅਨੀਸ਼ਾ (ਡੀਏਵੀ ਕਾਲਜ) ਤੇ ਨੰਦਿਨੀ (ਡੀਏਵੀ ਕਾਲਜ), ਕੁਇਜ਼ ’ਚ ਸਾਰਾ, ਰਿਸ਼ਿਤਾ ਤੇ ਗੁਰਸਿਮਰਨ (ਡੀਏਵੀ ਕਾਲਜ) ਤੇ ਭਾਸ਼ਣ ਮੁਕਾਬਲੇ ਵਿੱਚੋਂ ਮਹਿਕਪ੍ਰੀਤ ਕੌਰ (ਪੋਸਟ ਗ੍ਰੈਜੂਏਟ ਸਰਕਾਰੀ ਕਾਲਜ ਮੋਹਰੀ ਰਹੀ।