LPG Cylinder Rate: ਈਰਾਨ ਅਤੇ ਅਮਰੀਕਾ ਵਿਚਕਾਰ ਚੱਲ ਰਹੀ ਜੰਗ ਦੇ ਨਤੀਜੇ ਵਜੋਂ ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਇਸ ਕਰਕੇ ਦੇਸ਼ ਵਿੱਚ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਵੀ ਵਾਧਾ ਹੋਇਆ ਹੈ।
ਘਰੇਲੂ ਐਲਪੀਜੀ ਸਿਲੰਡਰ (LPG Cylinder) ਦੀਆਂ ਕੀਮਤਾਂ ਵਿੱਚ ਵੀ ਮਾਰਚ ਵਿੱਚ 60 ਰੁਪਏ ਦਾ ਵਾਧਾ ਕੀਤਾ ਗਿਆ ਸੀ। ਵਪਾਰਕ ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਵੀ ਵਾਧਾ ਹੋਇਆ ਹੈ, ਪਹਿਲਾਂ ਮਈ ਵਿੱਚ 993 ਰੁਪਏ ਅਤੇ ਹੁਣ ਜੂਨ ਵਿੱਚ 42 ਰੁਪਏ ਦਾ ਵਾਧਾ ਹੋਇਆ ਹੈ। ਇਸ ਦੇ ਬਾਵਜੂਦ, ਭਾਰਤ ਵਿੱਚ 10 ਕਰੋੜ ਤੋਂ ਵੱਧ ਪਰਿਵਾਰ ਸਪਲਾਈ ਦਰ ਨਾਲੋਂ 587 ਰੁਪਏ ਸਸਤੇ ਵਿੱਚ ਐਲਪੀਜੀ ਸਿਲੰਡਰ ਖਰੀਦ ਰਹੇ ਹਨ। ਆਓ ਜਾਣਦੇ ਹਾਂ ਕਿਵੇਂ-:
ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਉਤਰਾਅ-ਚੜ੍ਹਾਅ ਤੋਂ ਬਾਅਦ, ਭਾਰਤ ਵਿੱਚ ਐਲਪੀਜੀ ਦੀ ਅਸਲ ਸਪਲਾਈ ਲਾਗਤ ਲਗਭਗ ₹1,200 ਰੁਪਏ ਤੱਕ ਬੈਠਦੀ ਹੈ, ਪਰ ਖਪਤਕਾਰਾਂ ਨੂੰ ਸਬਸਿਡੀਆਂ ਕਾਰਨ ਘੱਟ ਕੀਮਤ ਅਦਾ ਕਰਨੀ ਪੈ ਰਹੀ ਹੈ। ਗੈਰ-ਸਬਸਿਡੀ ਵਾਲੇ ਨਾਗਰਿਕ ਇਸ ਵੇਲੇ ਪ੍ਰਤੀ ਸਿਲੰਡਰ ਲਗਭਗ ₹913 ਦਿੰਦੇ ਹਨ, ਜੋ ਕਿ ਸਪਲਾਈ ਦਰ ਨਾਲੋਂ ₹287 ਰੁਪਏ ਘੱਟ ਹੈ।
ਇਸ ਦੌਰਾਨ, ਸਰਕਾਰ ਪ੍ਰਧਾਨ ਮੰਤਰੀ ਉੱਜਵਲਾ ਯੋਜਨਾ (PMUY) ਦੇ ਲਾਭਪਾਤਰੀਆਂ ਨੂੰ ਵਾਧੂ ਸਬਸਿਡੀ ਦਿੰਦੀ ਹੈ। ਸਰਕਾਰ ਪ੍ਰਤੀ ਸਿਲੰਡਰ ₹300 ਦੀ ਸਿੱਧੀ ਸਬਸਿਡੀ (DBT) ਲਾਭਪਾਤਰੀਆਂ ਦੇ ਬੈਂਕ ਖਾਤਿਆਂ ਵਿੱਚ ਟ੍ਰਾਂਸਫਰ ਕਰਦੀ ਹੈ। ਇਸ ਕਰਕੇ ਪ੍ਰਤੀ ਸਿਲੰਡਰ ਸਿਰਫ਼ ₹613 ਬਣਦਾ ਹੈ। ਕੁਝ ਰਾਜਾਂ ਵਿੱਚ, ਘੱਟ ਵੈਟ ਜਾਂ ਸਰਕਾਰ ਵੱਲੋਂ ₹20-25 ਦੀ ਵਾਧੂ ਸਬਸਿਡੀ ਦਿੱਤੇ ਜਾਣ ‘ਤੇ ਕੀਮਤਾਂ 587 ਰੁਪਏ ਬੈਠਦੀ ਹੈ।
ਕਿਹੜੇ ਲੋਕਾਂ ਨੂੰ ਮਿਲਦੀ ਮੰਜ਼ੂਰੀ?
ਪ੍ਰਧਾਨ ਮੰਤਰੀ ਉੱਜਵਲਾ ਯੋਜਨਾ ਦਾ ਲਾਭ ਲੈਣ ਲਈ ਹੇਠ ਲਿਖੀਆਂ ਸ਼ਰਤਾਂ ਪੂਰੀਆਂ ਕਰਨੀਆਂ ਜ਼ਰੂਰੀ ਹਨ:
ਗੈਸ ਕੁਨੈਕਸ਼ਨ ਸਿਰਫ਼ ਪਰਿਵਾਰ ਦੀ ਸਭ ਤੋਂ ਵੱਡੀ ਔਰਤ (18 ਸਾਲ ਤੋਂ ਵੱਧ ਉਮਰ) ਦੇ ਨਾਮ ‘ਤੇ ਜਾਰੀ ਕੀਤਾ ਜਾਵੇਗਾ।
ਘਰ ਜਾਂ ਰਾਸ਼ਨ ਕਾਰਡ ਵਿੱਚ ਕਿਸੇ ਵੀ ਕੰਪਨੀ (ਇੰਡੇਨ, ਐਚਪੀਸੀਐਲ, ਭਾਰਤ ਗੈਸ) ਤੋਂ ਕੋਈ ਹੋਰ ਐਲਪੀਜੀ ਕੁਨੈਕਸ਼ਨ ਨਹੀਂ ਹੋਣਾ ਚਾਹੀਦਾ।
ਔਰਤ ਗਰੀਬੀ ਰੇਖਾ ਤੋਂ ਹੇਠਾਂ (ਬੀਪੀਐਲ) ਪਰਿਵਾਰ ਤੋਂ ਹੋਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ, ਐਸਸੀ/ਐਸਟੀ ਪਰਿਵਾਰ, ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ, ਅੰਤਯੋਦਯ ਅੰਨ
ਯੋਜਨਾ, ਜਾਂ ਆਦਿਵਾਸੀ/ਪਛੜੇ ਵਰਗ ਦੇ ਵਿਅਕਤੀ ਯੋਗ ਹਨ।
10 ਲੱਖ ਯੋਜਨਾ ‘ਤੇ ਨਵਾਂ ਅਪਡੇਟ! CM ਮਾਨ ਦੀ ਵੱਡੀ ਗੱਲ