ਵਡੋਦਰਾ, 19 ਜਨਵਰੀ
ਗੁਜਰਾਤ ਦੇ ਵਡੋਦਰਾ ਸ਼ਹਿਰ ਦੇ ਬਾਹਰਵਾਰ ਹਰਨੀ ਝੀਲ ਵਿੱਚ ਕਿਸ਼ਤੀ ਹਾਦਸੇ ਦੇ ਇੱਕ ਦਿਨ ਬਾਅਦ ਅੱਜ ਠੇਕੇਦਾਰ ਦੇ ਮੈਨੇਜਰ ਸਮੇਤ ਤਿੰਨ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਵੀਰਵਾਰ ਨੂੰ ਹੋਏ ਇਸ ਹਾਦਸੇ ‘ਚ 12 ਵਿਦਿਆਰਥੀਆਂ ਅਤੇ ਦੋ ਅਧਿਆਪਕਾਂ ਦੀ ਮੌਤ ਹੋ ਗਈ ਸੀ। ਹਰਨੀ ਪੁਲੀਸ ਨੇ ਕੋਟੀਆ ਪ੍ਰਾਜੈਕਟਸ ਦੇ ਭਾਈਵਾਲਾਂ ਸਮੇਤ 18 ਵਿਅਕਤੀਆਂ ਵਿਰੁੱਧ ਐਫਆਈਆਰ ਦਰਜ ਕੀਤੀ ਸੀ। ਹਰਨੀ ਝੀਲ ਦੇ ਜ਼ੋਨ ਮੈਨੇਜਰ ਸ਼ਾਂਤੀਲਾਲ ਸੋਲੰਕੀ ਅਤੇ ਦੋ ਕਿਸ਼ਤੀ ਸੰਚਾਲਕਾਂ ਨਯਨ ਗੋਹਿਲ ਅਤੇ ਅੰਕਿਤ ਨੂੰ ਪਹਿਲਾਂ ਹੀ ਗ੍ਰਿਫਤਾਰ ਕੀਤਾ ਜਾ ਚੁੱਕਾ ਹੈ। ਬਾਕੀਆਂ ਨੂੰ ਫੜਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।