ਡੋਡਾ/ਜੰਮੂ, 23 ਦਸੰਬਰ
ਜੰਮੂ-ਕਸ਼ਮੀਰ ਦੇ ਡੋਡਾ ਜ਼ਿਲ੍ਹੇ ‘ਚ ਅੱਜ ਫੌਜ ਦੇ ਕੈਂਪ ‘ਚ ਅੱਗ ਲੱਗਣ ਕਾਰਨ ਦੋ ਦਰਜ਼ੀ ਮਾਰੇ ਗਏ। ਸਾਂਬਾ ਦੇ ਰਹਿਣ ਵਾਲੇ ਪੁਰਸ਼ੋਤਮ (55) ਅਤੇ ਸੋਮਰਾਜ (45) ਵਾਸੀ ਕਠੂਆ, ਜੋ ਅਰਨੋਧਾ ਗੁੱਟ ਸਥਿਤ ਆਰਮੀ ਕੈਂਪ ਵਿੱਚ ਦਰਜ਼ੀ ਸਨ, ਮਿੱਟੀ ਦੇ ਤੇਲ ਦੇ ਹੀਟਰ ਵਿੱਚ ਕਿਸੇ ਨੁਕਸ ਕਾਰਨ ਅੱਗ ਦੀ ਲਪੇਟ ਵਿੱਚ ਆ ਗਏ। ਘਟਨਾ ਅੱਜ ਤੜਕੇ ਕਰੀਬ 2.30 ਵਜੇ ਵਾਪਰੀ। ਦੋਵਾਂ ਵਿਅਕਤੀਆਂ ਦੀਆਂ ਸੜੀਆਂ ਲਾਸ਼ਾਂ ਨੂੰ ਮੌਕੇ ਤੋਂ ਬਰਾਮਦ ਕਰ ਲਿਆ ਗਿਆ ਹੈ ਅਤੇ ਅੰਤਿਮ ਸੰਸਕਾਰ ਲਈ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਸੌਂਪਣ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।