ਰੂਸ ਦੀ ਪ੍ਰਾਈਵੇਟ ਸੈਨਾ ‘ਵੈਗਨਰ ਗਰੁੱਪ’ ਦੇ ਮੁਖੀ ਦੀ ਜਹਾਜ਼ ਹਾਦਸੇ ’ਚ ਮੌਤ

ਮਾਸਕੋ, 23 ਅਗਸਤ

ਰੂਸ ਦੀ ਪ੍ਰਾਈਵੇਟ ਸੈਨਾ ਵੈਗਨਰ ਗਰੁੱਪ ਦੇ ਮੁਖੀ ਯੇਵਜਨੀ ਪ੍ਰੀਗੋਜ਼ਿਨ ਦੀ ਪ੍ਰਾਈਵੇਟ ਜੈੱਟ ਹਾਦਸੇ ਵਿਚ ਮੌਤ ਹੋ ਗਈ ਹੈ। ਇਹ ਜਹਾਜ਼ ਮਾਸਕੋ ਦੇ ਕੋਲ ਕਰੈਸ਼ ਹੋਇਆ ਹੈ। ਰੂਸ ਦੀ ਹਵਾਬਾਜ਼ੀ ਅਥਾਰਿਟੀ ਨੇ ਦੱਸਿਆ ਕਿ ਐਂਬਾਰੀਅਰ ਜਹਾਜ਼ ਹਾਦਸੇ ਦੀ ਜਾਂਚ ਆਰੰਭੀ ਗਈ ਹੈ। ਯਾਤਰੀਆਂ ਦੀ ਸੂਚੀ ਮੁਤਾਬਕ ਇਸ ਜਹਾਜ਼ ਵਿਚ ਪ੍ਰੀਗੋਜ਼ਿਨ ਦਾ ਨਾਂ ਵੀ ਹੈ। ਇਹ ਜਹਾਜ਼ ਰਾਤ ਵੇਲੇ ਤਵੇਰ ਖੇਤਰ ਵਿਚ ਡਿੱਗਿਆ ਹੈ। ਇਸ ਤੋਂ ਪਹਿਲਾਂ ਖਬਰ ਏਜੰਸੀ ਨੇ ਰਿਪੋਰਟ ਦਿੱਤੀ ਸੀ ਕਿ ਰੂਸ ਵਿਚ ਇਕ ਪ੍ਰਾਈਵੇਟ ਜਹਾਜ਼ ਹਾਦਸੇ ਵਿਚ ਦਸ ਲੋਕਾਂ ਦੀ ਮੌਤ ਹੋ ਗਈ ਹੈ। ਇਹ ਜਹਾਜ਼ ਮਾਸਕੋ ਤੋਂ ਸੇਂਟ ਪੀਟਰਜ਼ਬਰਗ ਜਾ ਰਿਹਾ ਸੀ। ਇਸ ਵਿਚ ਸੱਤ ਯਾਤਰੀ ਤੇ ਤਿੰਨ ਅਮਲਾ ਮੈਂਬਰ ਸਵਾਰ ਸਨ। -ਰਾਇਟਰਜ਼