ਮੁੰਬਈ/ਨਵੀਂ ਦਿੱਲੀ, 30 ਅਪਰੈਲ
ਡਾਇਰੈਕਟਰ ਜਨਰਲ ਸ਼ਹਿਰੀ ਹਵਾਬਾਜ਼ੀ ਨੇ 27 ਫਰਵਰੀ ਨੂੰ ਦੁਬਈ-ਦਿੱਲੀ ਉਡਾਣ ਦੌਰਾਨ ਪਾਇਲਟ ਦੀ ਇਕ ਮਹਿਲਾ ਦੋਸਤ ਦੇ ਕੌਕਪਿਟ ਵਿੱਚ ਆਉਣ ਦੀ ਘਟਨਾ ਦੀ ਸੂਚਨਾ ਸਮੇਂ ’ਤੇ ਨਾ ਦੇਣ ਦੇ ਮਾਮਲੇ ਵਿੱਚ ਏਅਰ ਇੰਡੀਆ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਕੈਂਪਬੇਲ ਵਿਲਸਨ ਨੂੰ ‘ਕਾਰਨ ਦੱਸੋ’ ਨੋਟਿਸ ਭੇਜਿਆ ਹੈ। ਇਕ ਸੀਨੀਅਰ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਏਅਰ ਇੰਡੀਆ ਦੇ ਸੁਰੱਖਿਆ ਤੇ ਗੁਣਵੱਤਾ ਮੁਖੀ ਹੈਨਰੀ ਡੋਨਹੋਏ ਨੂੰ ਵੀ ਕਾਰਨ ਦੱਸੋ ਨੋਟਿਸ ਭੇਜਿਆ ਗਿਆ ਹੈ। -ਪੀਟੀਆਈ