ਨਿਊਯਾਰਕ: ਅਰਬਪਤੀ ਕਾਰੋਬਾਰੀ ਐਲਨ ਮਸਕ ਨੇ ਕਿਹਾ ਹੈ ਕਿ ਟਵਿੱਟਰ ਦੀ 8 ਡਾਲਰ ਵਾਲੀ ਬਲੂ ਟਿੱਕ ਸਬਸਕ੍ਰਿਪਸ਼ਨ ਸੇਵਾ ਵੈਰੀਫਿਕੇਸ਼ਨ ਦੇ ਨਾਲ 29 ਨਵੰਬਰ ਤੋਂ ਮੁੜ ਸ਼ੁਰੂ ਹੋਵੇਗੀ। ਫਰਜ਼ੀ ਖ਼ਾਤਿਆਂ ਦਾ ਪਤਾ ਲੱਗਣ ਤੋਂ ਬਾਅਦ ਟਵਿੱਟਰ ਨੇ ਇਸ ਸੇਵਾ ਨੂੰ ਆਰਜ਼ੀ ਤੌਰ ’ਤੇ ਰੋਕ ਦਿੱਤਾ ਸੀ। ਮਸਕ ਦਾ ਟਵਿੱਟਰ ’ਤੇ ਕਬਜ਼ਾ ਹੋਣ ਤੋਂ ਪਹਿਲਾਂ ਬਲੂ ਟਿੱਕ ਹਸਤੀਆਂ, ਸਰਕਾਰਾਂ ਦੇ ਮੁਖੀਆਂ ਅਤੇ ਹੋਰ ਖਾਸ ਲੋਕਾਂ ਨੂੰ ਉਨ੍ਹਾਂ ਦੇ ਖ਼ਾਤੇ ਤਸਦੀਕ ਕਰਨ ਮਗਰੋਂ ਦਿੱਤਾ ਜਾਂਦਾ ਸੀ। ਮਸਕ ਨੇ ਕਿਹਾ ਕਿ ਜੇ ਕੋਈ ਤਸਦੀਕ ਕੀਤੇ ਗਏ ਨਾਮ ਨੂੰ ਬਦਲਦਾ ਹੈ ਤਾਂ ਉਸ ਨੂੰ ਬਲੂ ਟਿੱਕ ਦਾ ਨੁਕਸਾਨ ਝੱਲਣਾ ਪੈ ਸਕਦਾ ਹੈ। -ਪੀਟੀਆਈ