ਸਪਰਮ ਕਾਊਂਟ ਵਧਾਉਣ ਦੇ ਲਈ ਪੁਰਸ਼ ਨੂੰ ਕਿਹੜੀਆਂ ਚੀਜ਼ਾਂ ਦਾ ਕਰਨਾ ਚਾਹੀਦਾ ਸੇਵਨ, ਜਾਣੋ ਸਿਹਤ ਮਾਹਿਰ ਤੋਂ, ਮਿਲੇਗਾ ਫਾਇਦਾ

ਅੱਜਕੱਲ ਹਰ ਦੂਜਾ ਆਦਮੀ ਬਾਂਝਪਨ ਦੀ ਸਮੱਸਿਆ ਦਾ ਸਾਹਮਣਾ ਕਰ ਰਿਹਾ ਹੈ। ਇਸ ਦਾ ਮੁੱਖ ਕਾਰਣ ਹੈ ਸਪਰਮ ਗਿਣਤੀ (Sperm Count) ਦਾ ਘੱਟ ਹੋਣਾ। ਗਲਤ ਖੁਰਾਕ ਅਤੇ ਜੀਵਨਸ਼ੈਲੀ ਕਾਰਨ ਸਪਰਮ ਦੀ ਗਿਣਤੀ ਘੱਟ ਰਹੀ ਹੈ, ਜਿਸ ਦਾ ਸਿੱਧਾ ਅਸਰ ਬੱਚੇ ਪੈਦਾ ਕਰਨ ਦੀ ਸਮਰੱਥਾ ‘ਤੇ ਪੈਂਦਾ ਹੈ। ਸ਼ਰਾਬ, ਸਿਗਰਟ ਤੇ ਮੋਟਾਪਾ ਵੀ ਸਪਰਮ ਦੀ ਗਿਣਤੀ ਅਤੇ ਗੁਣਵੱਤਾ ਘਟਾਉਣ ਦੇ ਵੱਡੇ ਕਾਰਣ ਹਨ। ਸਪਰਮ ਗਿਣਤੀ ਵਧਾਉਣ ਲਈ ਬਹੁਤੇ ਆਦਮੀ ਦਵਾਈਆਂ ਲੈਂਦੇ ਹਨ, ਪਰ ਉਹ ਜਲਦੀ ਅਸਰ ਨਹੀਂ ਕਰਦੀਆਂ। ਸਪਰਮ ਗਿਣਤੀ ਵਧਾਉਣ ਲਈ ਕੁਝ ਚੀਜ਼ਾਂ ਆਪਣੀ ਖੁਰਾਕ ਵਿੱਚ ਸ਼ਾਮਲ ਕਰਨਾ ਬਹੁਤ ਜ਼ਰੂਰੀ ਹੈ। ਆਓ ਜਾਣਦੇ ਹਾਂ ਕਿ ਕਿਹੜੀਆਂ ਚੀਜ਼ਾਂ ਖਾਣ ਨਾਲ ਆਦਮੀਆਂ ਦਾ ਸਪਰਮ ਕਾਊਂਟ ਵੱਧ ਸਕਦਾ ਹੈ।

ਅਖਰੋਟ

ਅਖਰੋਟ ਇੱਕ ਅਜਿਹਾ ਸੁੱਕਾ ਫਲ ਹੈ ਜੋ ਦਿਮਾਗ ਨੂੰ ਤੇਜ਼ ਕਰਦਾ ਹੈ। ਨਾਲ ਹੀ ਇਹ ਸਪਰਮ ਗਿਣਤੀ ਵਧਾਉਂਦਾ ਹੈ ਅਤੇ ਉਸ ਦੀ ਗੁਣਵੱਤਾ ਵਿੱਚ ਸੁਧਾਰ ਕਰਦਾ ਹੈ। ਅਖਰੋਟ ਤੁਸੀਂ ਪਾਣੀ ਜਾਂ ਦੁੱਧ ਵਿੱਚ ਭਿੱਜ ਕੇ ਖਾ ਸਕਦੇ ਹੋ। ਅਖਰੋਟ ਵਿੱਚ ਓਮੇਗਾ-3 ਫੈਟੀ ਐਸਿਡ ਅਤੇ ਹੋਰ ਲਾਭਦਾਇਕ ਤੱਤ ਪਾਏ ਜਾਂਦੇ ਹਨ।

ਕੇਲਾ

ਪੋਟਾਸਿਅਮ, ਆਇਰਨ ਅਤੇ ਵਿਟਾਮਿਨ B6 ਨਾਲ ਭਰਪੂਰ ਕੇਲਾ ਸਪਰਮ ਗਿਣਤੀ ਵਧਾਉਂਦਾ ਹੈ ਅਤੇ ਉਸ ਦੀ ਗੁਣਵੱਤਾ ਨੂੰ ਬਿਹਤਰ ਕਰਦਾ ਹੈ। ਕੇਲਾ ਅਜਿਹਾ ਫਰੂਟ ਹੈ ਜੋ ਕਿ ਸਸਤਾ ਹੋਣ ਦੇ ਨਾਲ ਬਹੁਤ ਹੀ ਆਸਾਨੀ ਨਾਲ ਮਿਲ ਜਾਂਦਾ ਹੈ, ਇਸ ਨੂੰ ਬਹੁਤ ਹੀ ਆਰਾਮ ਦੇ ਨਾਲ ਖਾਇਾ ਜਾ ਸਕਦਾ ਹੈ  ਜਾਂ ਫਿਰ ਦੁੱਧ ਨਾਲ ਲੈ ਸਕਦੇ ਹਨ।

ਕੱਦੂ ਦੇ ਬੀਜ

ਪ੍ਰੋਟੀਨ, ਸਿਹਤਮੰਦ ਚਰਬੀ, ਫਾਈਬਰ, ਮੈਗਨੀਜ਼ੀਅਮ, ਜ਼ਿੰਕ, ਆਇਰਨ, ਵਿਟਾਮਿਨ K ਅਤੇ E ਨਾਲ ਭਰਪੂਰ ਕੱਦੂ ਦੇ ਬੀਜ ਆਦਮੀਆਂ ਲਈ ਬਹੁਤ ਫਾਇਦਾਮੰਦ ਹਨ। ਇਹ ਨਾ ਸਿਰਫ ਸਪਰਮ ਗਿਣਤੀ ਵਧਾਉਂਦੇ ਹਨ ਬਲਕਿ ਹਾਰਮੋਨਜ਼ ਨੂੰ ਵੀ ਸੰਤੁਲਿਤ ਰੱਖਣ ਵਿੱਚ ਮਦਦ ਕਰਦੇ ਹਨ।

ਅਨਾਰ

ਅਨਾਰ ਵਿੱਚ ਐਂਟੀਆਕਸੀਡੈਂਟ, ਵਿਟਾਮਿਨ, ਖਣਿਜ ਅਤੇ ਫਾਈਬਰ ਵਰਗੇ ਲਾਭਦਾਇਕ ਤੱਤ ਹੁੰਦੇ ਹਨ। ਇਹ ਆਦਮੀਆਂ ਵਿੱਚ ਟੈਸਟੋਸਟਰੋਨ ਦੀ ਮਾਤਰਾ ਵਧਾਉਂਦਾ ਹੈ, ਜਿਸ ਨਾਲ ਸਪਰਮ ਗਿਣਤੀ ਵਧਦੀ ਹੈ। ਅਨਾਰ ਵਿੱਚ ਮੌਜੂਦ ਐਂਟੀਆਕਸੀਡੈਂਟ ਸਪਰਮ ਦੇ ਡੀ.ਐਨ.ਏ. ਦੀ ਰੱਖਿਆ ਕਰਦੇ ਹਨ।

ਟਮਾਟਰ

ਟਮਾਟਰ ਤੁਸੀਂ ਅਕਸਰ ਸਬਜ਼ੀ ਵਿੱਚ ਖਾਂਦੇ ਹੋ, ਪਰ ਹੁਣ ਇਸਨੂੰ ਸਲਾਦ ਵਿੱਚ ਵੀ ਖਾਣਾ ਸ਼ੁਰੂ ਕਰੋ। ਟਮਾਟਰ ਵਿੱਚ ਲਾਇਕੋਪੀਨ ਹੁੰਦਾ ਹੈ, ਜੋ ਸਪਰਮ ਗਿਣਤੀ ਵਧਾਉਣ ਵਿੱਚ ਮਦਦ ਕਰਦਾ ਹੈ।

ਹਰੀਆਂ ਸਬਜ਼ੀਆਂ

ਪਾਲਕ, ਸੋਆ, ਮੇਥੀ, ਬਥੂਆਂ ਵਰਗੀਆਂ ਹਰੀ ਸਬਜ਼ੀਆਂ ਜ਼ਰੂਰ ਖਾਣੀਆਂ ਚਾਹੀਦੀਆਂ ਹਨ। ਇਨ੍ਹਾਂ ਸਬਜ਼ੀਆਂ ਵਿੱਚ ਫੋਲੇਟ ਹੁੰਦਾ ਹੈ, ਜੋ ਸਪਰਮ ਦੇ ਉਤਪਾਦਨ ਨੂੰ ਵਧਾਉਣ ਵਿੱਚ ਮਦਦ ਕਰਦਾ ਹੈ।

Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ ‘ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।

Check out below Health Tools-
Calculate Your Body Mass Index ( BMI )

Calculate The Age Through Age Calculator

ਹੋਰ ਪੜ੍ਹੋ