ਬਹਿਰਾ ਹੋਣ ਤੋਂ ਪਹਿਲਾਂ ਕੰਨਾਂ 'ਚ ਦਿਖਦੇ ਆਹ ਸ਼ੁਰੂਆਤੀ ਲੱਛਣ, ਡਾਕਟਰਾਂ ਨੇ ਦਿੱਤੀ ਵੱਡੀ ਚੇਤਾਵਨੀ

<p><strong>Early Signs Of Hearing Loss You Should Not Ignore:</strong> ਅਕਸਰ ਲੋਕ ਮੰਨਦੇ ਹਨ ਕਿ ਸੁਣਨ ਦੀ ਸਮਰੱਥਾ ਘਟਣ ਦਾ ਮਤਲਬ ਹੈ ਕਿ ਵਿਅਕਤੀ ਅਚਾਨਕ ਆਵਾਜ਼ਾਂ ਸੁਣਣੀ ਬੰਦ ਕਰ ਦੇਵੇ। ਪਰ ਹਕੀਕਤ ਇਸ ਤੋਂ ਬਿਲਕੁਲ ਵੱਖਰੀ ਹੈ। ਜ਼ਿਆਦਾਤਰ ਮਾਮਲਿਆਂ ਵਿੱਚ ਸੁਣਨ ਦੀ ਸਮੱਸਿਆ ਹੌਲੀ-ਹੌਲੀ ਸ਼ੁਰੂ ਹੁੰਦੀ ਹੈ ਅਤੇ ਇਸ ਦੇ ਸ਼ੁਰੂਆਤੀ ਸੰਕੇਤ ਇੰਨੇ ਆਮ ਲੱਗਦੇ ਹਨ ਕਿ ਲੋਕ ਉਨ੍ਹਾਂ ਨੂੰ ਉਮਰ, ਥਕਾਵਟ ਜਾਂ ਆਲੇ-ਦੁਆਲੇ ਦੇ ਸ਼ੋਰ ਦਾ ਅਸਰ ਸਮਝ ਕੇ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ। ਇਹੀ ਕਾਰਨ ਹੈ ਕਿ ਕਈ ਲੋਕਾਂ ਨੂੰ ਆਪਣੀ ਸਮੱਸਿਆ ਦਾ ਪਤਾ ਉਸ ਵੇਲੇ ਲੱਗਦਾ ਹੈ ਜਦੋਂ ਗੱਲਬਾਤ ਕਰਨੀ ਮੁਸ਼ਕਲ ਹੋ ਜਾਂਦੀ ਹੈ।</p>
<p><iframe class="vidfyVideo" style="border: 0px;" src="https://punjabi.abplive.com/web-stories/health/how-to-reduce-burning-sensation-from-foot-873686" width="631" height="381" scrolling="no"></iframe></p>
<p><strong>&nbsp;ਇਸ ਦੀ ਸ਼ੁਰੂ ਤੋਂ ਪਛਾਣ ਕਰਨਾ ਕਿਉਂ ਜ਼ਰੂਰੀ ਹੈ?</strong></p>
<p>ਅਮਰੀਕਾ ਦੇ &nbsp;ਨੈਸ਼ਨਲ ਇੰਸਟੀਚਿਊਟ ਆਨ ਡੈਫਨੈੱਸ ਐਂਡ ਅਦਰ ਕਮਿਊਨੀਕੇਸ਼ਨ ਡਿਸਆਰਡਰਜ਼ ਅਨੁਸਾਰ, ਉਮਰ ਵੱਧਣ ਨਾਲ ਸੁਣਨ ਦੀ ਸਮਰੱਥਾ ਵਿੱਚ ਕਮੀ ਹੌਲੀ-ਹੌਲੀ ਵਿਕਸਿਤ ਹੁੰਦੀ ਹੈ ਅਤੇ ਦੁਨੀਆ ਭਰ ਵਿੱਚ ਲੱਖਾਂ ਲੋਕਾਂ ਨੂੰ ਪ੍ਰਭਾਵਿਤ ਕਰਦੀ ਹੈ।</p>
<p>ਮੁੰਬਈ ਦੇ ਫੋਰਟਿਸ ਹਸਪਤਾਲ, ਮੁਲੁੰਡ ਦੇ ਸੀਨੀਅਰ ENT ਮਾਹਿਰ ਡਾ. ਸੰਜੇ ਭਾਟੀਆ ਦਾ ਕਹਿਣਾ ਹੈ ਕਿ ਜੇਕਰ ਸ਼ੁਰੂਆਤੀ ਸੰਕੇਤਾਂ ਨੂੰ ਸਮੇਂ ਸਿਰ ਪਛਾਣ ਲਿਆ ਜਾਵੇ ਤਾਂ ਲੰਬੇ ਸਮੇਂ ਤੱਕ ਸੁਣਨ ਦੀ ਸਮਰੱਥਾ ਅਤੇ ਜੀਵਨ ਦੀ ਗੁਣਵੱਤਾ ਨੂੰ ਬਿਹਤਰ ਬਣਾਈ ਰੱਖਿਆ ਜਾ ਸਕਦਾ ਹੈ।<br />&nbsp;</p>
<p><strong>ਕੀ ਹਨ ਇਸ ਦੇ ਲੱਛਣ?</strong></p>
<p>ਸੁਣਨ ਦੀ ਸਮੱਸਿਆ ਦਾ ਪਹਿਲਾ ਸੰਕੇਤ ਹਮੇਸ਼ਾ ਆਵਾਜ਼ ਘੱਟ ਸੁਣਾਈ ਦੇਣਾ ਨਹੀਂ ਹੁੰਦਾ। ਕਈ ਵਾਰ ਲੋਕਾਂ ਨੂੰ ਇਹ ਤਾਂ ਪਤਾ ਲੱਗ ਜਾਂਦਾ ਹੈ ਕਿ ਕੋਈ ਗੱਲ ਕਰ ਰਿਹਾ ਹੈ, ਪਰ ਸ਼ਬਦ ਸਾਫ਼ ਨਹੀਂ ਸਮਝ ਆਉਂਦੇ। ਖ਼ਾਸ ਕਰਕੇ ਭੀੜ-ਭਾੜ ਵਾਲੀਆਂ ਥਾਵਾਂ, ਪਰਿਵਾਰਕ ਸਮਾਗਮਾਂ ਜਾਂ ਰੈਸਟੋਰੈਂਟਾਂ ਵਿੱਚ ਗੱਲਬਾਤ ਸਮਝਣੀ ਔਖੀ ਹੋ ਜਾਂਦੀ ਹੈ। ਡਾ. ਸੰਜੇ ਭਾਟੀਆ ਅਨੁਸਾਰ, ਇਹ ਸੁਣਨ ਦੀ ਸਮੱਸਿਆ ਦਾ ਇੱਕ ਆਮ ਸ਼ੁਰੂਆਤੀ ਸੰਕੇਤ ਹੋ ਸਕਦਾ ਹੈ।</p>
<p><strong>ਵਾਰ-ਵਾਰ ਗੱਲ ਦੁਹਰਾਉਣ ਲਈ ਕਹਿਣਾ</strong></p>
<p>ਜੇਕਰ ਤੁਹਾਨੂੰ ਲੋਕਾਂ ਨੂੰ ਆਪਣੀ ਗੱਲ ਵਾਰ-ਵਾਰ ਦੁਹਰਾਉਣ ਲਈ ਕਹਿਣਾ ਪੈਂਦਾ ਹੈ, ਤਾਂ ਇਹ ਵੀ ਚੇਤਾਵਨੀ ਦਾ ਸੰਕੇਤ ਹੋ ਸਕਦਾ ਹੈ। ਸ਼ੁਰੂ ਵਿੱਚ ਇਹ ਆਮ ਲੱਗ ਸਕਦਾ ਹੈ, ਪਰ ਜਦੋਂ ਇਹ ਆਦਤ ਰੋਜ਼ਾਨਾ ਦੀ ਗੱਲਬਾਤ ਦਾ ਹਿੱਸਾ ਬਣ ਜਾਵੇ, ਤਾਂ ਇਸਨੂੰ ਅਣਡਿੱਠਾ ਨਹੀਂ ਕਰਨਾ ਚਾਹੀਦਾ। ਕਈ ਵਾਰ ਪਰਿਵਾਰਕ ਮੈਂਬਰ ਜਾਂ ਦੋਸਤ ਸਭ ਤੋਂ ਪਹਿਲਾਂ ਇਸ ਬਦਲਾਅ ਨੂੰ ਨੋਟਿਸ ਕਰਦੇ ਹਨ।</p>
<p><strong>&nbsp;ਟੀਵੀ ਜਾਂ ਮੋਬਾਈਲ ਦੀ ਆਵਾਜ਼ ਲਗਾਤਾਰ ਵਧਾਉਣਾ</strong></p>
<p>ਇੱਕ ਹੋਰ ਆਮ ਸੰਕੇਤ ਹੈ ਟੀਵੀ, ਮੋਬਾਈਲ ਜਾਂ ਰੇਡੀਓ ਦੀ ਆਵਾਜ਼ ਲਗਾਤਾਰ ਵਧਾਉਣਾ। ਅਕਸਰ ਘਰ ਦੇ ਹੋਰ ਲੋਕਾਂ ਨੂੰ ਆਵਾਜ਼ ਬਹੁਤ ਉੱਚੀ ਲੱਗਦੀ ਹੈ, ਜਦਕਿ ਸੁਣਨ ਵਿੱਚ ਮੁਸ਼ਕਲ ਮਹਿਸੂਸ ਕਰ ਰਿਹਾ ਵਿਅਕਤੀ ਇਸਨੂੰ ਆਮ ਸਮਝਦਾ ਹੈ। ਇਹ ਬਦਲਾਅ ਹੌਲੀ-ਹੌਲੀ ਹੁੰਦਾ ਹੈ, ਇਸ ਲਈ ਕਈ ਲੋਕ ਇਸ ਨੂੰ ਗੰਭੀਰਤਾ ਨਾਲ ਨਹੀਂ ਲੈਂਦੇ।</p>
<p><strong>&nbsp;ਫੋਨ ‘ਤੇ ਗੱਲਬਾਤ ਕਰਨ ਵਿੱਚ ਮੁਸ਼ਕਲ</strong></p>
<p>ਫੋਨ ‘ਤੇ ਗੱਲਬਾਤ ਕਰਨ ਵਿੱਚ ਦਿੱਕਤ ਆਉਣਾ ਵੀ ਸੁਣਨ ਦੀ ਸਮਰੱਥਾ ਘਟਣ ਦਾ ਸੰਕੇਤ ਹੋ ਸਕਦਾ ਹੈ। ਸਾਹਮਣੇ-ਸਾਹਮਣੇ ਗੱਲਬਾਤ ਦੌਰਾਨ ਚਿਹਰੇ ਦੇ ਹਾਵ-ਭਾਵ ਅਤੇ ਹੋਠਾਂ ਦੀ ਹਰਕਤ ਗੱਲ ਸਮਝਣ ਵਿੱਚ ਮਦਦ ਕਰਦੀ ਹੈ, ਪਰ ਫੋਨ ‘ਤੇ ਸਿਰਫ਼ ਆਵਾਜ਼ ਦੇ ਆਧਾਰ ‘ਤੇ ਗੱਲ ਸਮਝਣੀ ਪੈਂਦੀ ਹੈ। ਇਸ ਕਾਰਨ ਸੁਣਨ ਦੀ ਹਲਕੀ ਕਮੀ ਵੀ ਸਪਸ਼ਟ ਨਜ਼ਰ ਆ ਸਕਦੀ ਹੈ।</p>
<p><strong>&nbsp;ਕੰਨਾਂ ਵਿੱਚ ਘੰਟੀ, ਭਿਨਭਿਨਾਹਟ ਜਾਂ ਸੀਟੀ ਵਰਗੀ ਆਵਾਜ਼</strong></p>
<p>ਇਸ ਤੋਂ ਇਲਾਵਾ, ਕੰਨਾਂ ਵਿੱਚ ਲਗਾਤਾਰ ਘੰਟੀ ਵੱਜਣ, ਭਿਨਭਿਨਾਹਟ ਜਾਂ ਸੀਟੀ ਵਰਗੀ ਆਵਾਜ਼ ਸੁਣਾਈ ਦੇਣਾ ਵੀ ਚਿੰਤਾ ਦਾ ਵਿਸ਼ਾ ਹੋ ਸਕਦਾ ਹੈ। ਇਸ ਹਾਲਤ ਨੂੰ ਟਿਨਾਈਟਸ (Tinnitus) &nbsp;ਕਿਹਾ ਜਾਂਦਾ ਹੈ, ਜੋ ਕਈ ਵਾਰ ਕਿਸੇ ਲੁਕਵੀਂ ਸੁਣਨ ਸੰਬੰਧੀ ਸਮੱਸਿਆ ਦਾ ਸੰਕੇਤ ਹੁੰਦੀ ਹੈ।</p>
<p>ਡਾ. ਸੰਜੇ ਭਾਟੀਆ ਚੇਤਾਵਨੀ ਦਿੰਦੇ ਹਨ ਕਿ ਸੁਣਨ ਦੀ ਸਮੱਸਿਆ ਨੂੰ ਅਣਡਿੱਠਾ ਕਰਨਾ ਸਿਰਫ਼ ਕੰਨਾਂ ਤੱਕ ਸੀਮਿਤ ਨਹੀਂ ਰਹਿੰਦਾ। ਸਮੇਂ ਦੇ ਨਾਲ ਇਹ ਸਮਾਜਿਕ ਦੂਰੀ, ਨਿਰਾਸ਼ਾ, ਤਣਾਅ ਅਤੇ ਡਿਪ੍ਰੈਸ਼ਨ ਦਾ ਕਾਰਨ ਵੀ ਬਣ ਸਕਦਾ ਹੈ। ਇਸ ਲਈ ਜੇਕਰ ਇਹ ਲੱਛਣ ਲਗਾਤਾਰ ਨਜ਼ਰ ਆਉਣ, ਤਾਂ ਕਿਸੇ ਮਾਹਿਰ ਡਾਕਟਰ ਦੀ ਸਲਾਹ ਲੈਣੀ ਜ਼ਰੂਰੀ ਹੈ।</p>
<p>Disclaimer : &nbsp;ਇਹ ਜਾਣਕਾਰੀ ਖੋਜ ਅਧਿਐਨਾਂ ਅਤੇ ਮਾਹਿਰਾਂ ਦੀ ਰਾਏ ‘ਤੇ ਆਧਾਰਿਤ ਹੈ। ਇਸਨੂੰ ਡਾਕਟਰੀ ਸਲਾਹ ਦਾ ਬਦਲ ਨਾ ਮੰਨਿਆ ਜਾਵੇ। ਕੋਈ ਵੀ ਨਵੀਂ ਗਤੀਵਿਧੀ ਜਾਂ ਇਲਾਜ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਜਾਂ ਸੰਬੰਧਿਤ ਮਾਹਿਰ ਨਾਲ ਸਲਾਹ ਜ਼ਰੂਰ ਕਰੋ।</p>



News Source link