Dharmendra Death News: ਅੱਜ ਹਿੰਦੀ ਸਿਨੇਮਾ ਨੇ ਆਪਣਾ ਮੈਗਾਸਟਾਰ ਗੁਆ ਦਿੱਤਾ ਹੈ। ਧਰਮਿੰਦਰ, ਸਾਡੇ ਧਰਮ ਭਾਜੀ, ਜਿਨ੍ਹਾਂ ਨੇ ਦਹਾਕਿਆਂ ਤੱਕ ਲੋਕਾਂ ਦੇ ਦਿਲਾਂ ‘ਤੇ ਰਾਜ ਕੀਤਾ, ਹੁਣ ਸਾਡੇ ਵਿੱਚ ਨਹੀਂ ਰਹੇ ਹਨ। ਉਹ ਸੋਮਵਾਰ, 24 ਨਵੰਬਰ ਦੀ ਸਵੇਰ ਨੂੰ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਹਏ। ਬਾਲੀਵੁੱਡ ਦੇ “ਹੀ-ਮੈਨ” ਦੇ ਜਾਣ ਦਾ ਦੁੱਖ ਕਦੇ ਖਤਮ ਨਹੀਂ ਹੋਵੇਗਾ। ਉਨ੍ਹਾਂ ਨੂੰ ਫਿਲਮ ਇੰਡਸਟਰੀ ਦੇ ਹਰ ਵਿਅਕਤੀ ਅਤੇ ਹਰ ਸਿਨੇਮਾ ਪ੍ਰੇਮੀ ਦੁਆਰਾ ਯਾਦ ਕੀਤਾ ਜਾਵੇਗਾ।
ਧਰਮਿੰਦਰ ਦੀ ਉਮਰ 90 ਸਾਲ ਹੋਣ ਵਾਲੀ ਸੀ। ਉਹ ਉਮਰ ਨਾਲ ਸਬੰਧਤ ਬਿਮਾਰੀਆਂ ਤੋਂ ਪੀੜਤ ਸਨ, ਜਿਸ ਨਾਲ ਉਹ ਲੰਬੇ ਸਮੇਂ ਤੋਂ ਜੂਝ ਰਹੇ ਸਨ। ਉਹਨਾਂ ਨੂੰ ਹਾਲ ਹੀ ਵਿੱਚ 10 ਨਵੰਬਰ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਸੀ। ਕੁਝ ਦਿਨਾਂ ਬਾਅਦ, ਉਹਨਾਂ ਦੇ ਪਰਿਵਾਰ, ਜਿਨ੍ਹਾਂ ਵਿੱਚ ਹੇਮਾ ਮਾਲਿਨੀ, ਸੰਨੀ ਦਿਓਲ ਅਤੇ ਬੌਬੀ ਦਿਓਲ ਸ਼ਾਮਲ ਸਨ, ਉਹਨਾਂ ਨੂੰ ਘਰ ਲੈ ਆਏ, ਜਿੱਥੇ ਉਹਨਾਂ ਦਾ ਇਲਾਜ ਜਾਰੀ ਰਿਹਾ। 24 ਨਵੰਬਰ ਨੂੰ, ਧਰਮਿੰਦਰ ਨੇ ਮੁੰਬਈ ਵਿੱਚ ਆਪਣੇ ਘਰ ਵਿੱਚ ਆਖਰੀ ਸਾਹ ਲਏ।
ਇਹ ਮੁੰਬਈ ਦਾ ਉਹ ਘਰ ਹੈ ਜਿਸ ਨੂੰ ਧਰਮਿੰਦਰ ਭਾਜੀ ਨੇ ਆਪਣੀ ਮਿਹਨਤ ਨਾਲ ਬਣਾਇਆ ਸੀ, ਪਰ ਅੱਜ ਅਸੀਂ ਤੁਹਾਨੂੰ ਉਹ ਘਰ ਦਿਖਾਉਂਦੇ ਹਾਂ ਜਿੱਥੇ ਧਰਮਿੰਦਰ ਦਾ ਜਨਮ ਹੋਇਆ ਅਤੇ ਵੱਡੇ ਹੋਏ। ਲੁਧਿਆਣਾ ਵਿੱਚ ਉਨ੍ਹਾਂ ਨੇ ਆਪਣਾ ਬਚਪਨ ਬਿਤਾਇਆ, ਖੇਡਦੇ ਅਤੇ ਸਕੂਲ ਜਾਂਦੇ ਸਨ। ਇਨ੍ਹਾਂ ਗਲੀਆਂ ਨੇ ਦੇਸ਼ ਨੂੰ ਧਰਮ ਭਾਜੀ ਦਿੱਤੇ ਸਨ।
ਅਸੀਂ ਲੁਧਿਆਣਾ ਦੇ ਸਾਹਨੇਵਾਲ ਪਿੰਡ ਬਾਰੇ ਗੱਲ ਕਰ ਰਹੇ ਹਾਂ, ਜਿੱਥੇ ਧਰਮਿੰਦਰ ਭਾਜੀ ਦੇ ਬਚਪਨ ਦਾ ਘਰ ਸਥਿਤ ਹੈ, ਜਿੱਥੇ ਉਹ ਆਪਣੇ ਮਾਪਿਆਂ ਨਾਲ ਰਹਿੰਦੇ ਸੀ। ਇਹ ਘਰ ਅੱਜ ਵੀ ਉਦਾਂ ਦਾ ਹੀ ਹੈ। ਧਰਮਿੰਦਰ ਦਾ ਜਨਮ ਅਸਲ ਵਿੱਚ ਸਾਹਨੇਵਾਲ ਤੋਂ ਲਗਭਗ 25 ਕਿਲੋਮੀਟਰ ਦੂਰ ਨਸਰਾਲੀ ਪਿੰਡ ਵਿੱਚ ਹੋਇਆ ਸੀ। ਬਾਅਦ ਵਿੱਚ, ਉਹ ਸਾਹਨੇਵਾਲ ਚਲੇ ਗਏ, ਜਿੱਥੇ ਉਨ੍ਹਾਂ ਦੇ ਪਿਤਾ ਇੱਕ ਸਕੂਲ ਦੇ ਹੈੱਡਮਾਸਟਰ ਸਨ। ਧਰਮਿੰਦਰ ਨੇ ਆਪਣੀ ਮੁੱਢਲੀ ਸਿੱਖਿਆ ਵੀ ਉਸੇ ਸਕੂਲ ਵਿੱਚ ਹਾਸਲ ਕੀਤੀ।
ਸਾਹਨੇਵਾਲ ਵਿੱਚ ਰਹਿਣ ਵਾਲਾ ਹਰ ਕੋਈ ਧਰਮਿੰਦਰ ਪਾਜੀ ਦਾ ਬਹੁਤ ਵੱਡਾ ਪ੍ਰਸ਼ੰਸਕ ਹੈ। ਉਹ ਕਹਿੰਦੇ ਹਨ ਕਿ ਇਸ ਪਿੰਡ ਬਾਰੇ ਕੋਈ ਨਹੀਂ ਜਾਣਦਾ ਸੀ। ਧਰਮਿੰਦਰ ਨੇ ਇਸ ਪਿੰਡ ਨੂੰ ਨਾਮ ਦਿੱਤਾ। ਅੱਜ, ਲੋਕ ਕਹਿੰਦੇ ਹਨ ਕਿ ਇਹ ਧਰਮਿੰਦਰ ਦਾ ਪਿੰਡ ਹੈ। ਪਿੰਡ ਵਾਸੀਆਂ ਨੂੰ ਅਜੇ ਵੀ ਉਹ ਸਮਾਂ ਯਾਦ ਹੈ ਜਦੋਂ ਧਰਮਿੰਦਰ ਦੇ ਪਿਤਾ ਹੈੱਡਮਾਸਟਰ ਸਨ। ਉਨ੍ਹਾਂ ਦਾ ਸੁਭਾਅ ਬਹੁਤ ਸਖ਼ਤ ਸੀ, ਅਤੇ ਵਿਦਿਆਰਥੀ ਉਨ੍ਹਾਂ ਤੋਂ ਡਰਦੇ ਵੀ ਸਨ।
ਹੋਰ ਪੜ੍ਹੋ