ਜੈਪੁਰ, 11 ਸਤੰਬਰ
ਪਾਕਿਸਤਾਨ ਵਿੱਚ ਅੱਜ ਆਏ ਭੂਚਾਲ ਕਾਰਨ ਰਾਜਸਥਾਨ ਦੇ ਸਰਹੱਦੀ ਜ਼ਿਲ੍ਹਿਆਂ ਵਿੱਚ ਹਲਕੇ ਝਟਕੇ ਮਹਿਸੂਸ ਕੀਤੇ ਗਏ। ਹਾਲਾਂਕਿ, ਇਸ ਵਿੱਚ ਜਾਨ-ਮਾਲ ਦਾ ਕੋਈ ਨੁਕਸਾਨ ਨਹੀਂ ਹੋਇਆ। ਮੌਸਮ ਵਿਭਾਗ ਮੁਤਾਬਕ ਭੂਚਾਲ ਦੁਪਹਿਰ 12.58 ਵਜੇ ਆਇਆ। ਸੂਬੇ ਦੇ ਗੰਗਾਨਗਰ, ਜੈਸਲਮੇਰ, ਹਨੂਮਾਨਗੜ੍ਹ ਅਤੇ ਚੁਰੂ ਦੇ ਕੁੱਝ ਹਿੱਸਿਆਂ ਵਿੱਚ ਝਟਕੇ ਮਹਿਸੂਸ ਕੀਤੇ ਗਏ। ਕੁੱਝ ਥਾਵਾਂ ’ਤੇ ਭੂਚਾਲ ਦੇ ਝਟਕੇ ਮਹਿਸੂਸ ਹੋਣ ਮਗਰੋਂ ਲੋਕ ਘਰਾਂ ਅਤੇ ਆਪਣੇ ਦਫ਼ਤਰਾਂ ਵਿੱਚੋਂ ਬਾਹਰ ਆ ਗਏ। ਇਹ 5.8 ਸ਼ਿੱਦਤ ਦਾ ਭੂਚਾਲ ਪਾਕਿਸਤਾਨ ਦੇ ਵਾਹੋਵਾ ਸੂਬੇ ਨੇੜੇ ਆਇਆ। ਇਸ ਦਾ ਕੇਂਦਰ ਜ਼ਮੀਨ ਤੋਂ 33 ਕਿਲੋਮੀਟਰ ਹੇਠਾਂ ਸੀ।