ਜਾਵੇਦ ਅਖ਼ਤਰ ਨੇ ‘ਗੱਦਾਰ ਦਾ ਪੁੱਤਰ’ ਕਹਿਣ ’ਤੇ ਸੋਸ਼ਲ ਮੀਡੀਆ ਯੂਜ਼ਰ ਨੂੰ ਖ਼ਰੀਆਂ-ਖ਼ਰੀਆਂ ਸੁਣਾਈਆਂ

ਵੱਖ-ਵੱਖ ਵਿਸ਼ਿਆਂ ’ਤੇ ਆਪਣੇ ਵਿਚਾਰਾਂ ਲਈ ਜਾਣੇ ਜਾਂਦੇ ਅਖ਼ਤਰ ਨੇ ਸ਼ਨਿਚਰਵਾਰ ਨੂੰ ਯੂਜ਼ਰ ਨੂੰ ਜਵਾਬ ਦਿੰਦੇ ਹੋਏ ਕਿਹਾ, ‘‘ਇਹ ਤੈਅ ਕਰਨਾ ਮੁਸ਼ਕਲ ਹੈ ਕਿ ਤੁਸੀਂ ਪੂਰੀ ਤਰ੍ਹਾਂ ਅਗਿਆਨੀ ਹੋ ਜਾਂ ਪੂਰੀ ਤਰ੍ਹਾਂ ਬੇਵਕੂਫ।’’ ਉਨ੍ਹਾਂ ਕਿਹਾ, ‘‘1857 ਤੋਂ ਮੇਰਾ ਪਰਿਵਾਰ ਆਜ਼ਾਦੀ ਸੰਗਰਾਮ ਵਿੱਚ ਸ਼ਾਮਲ ਰਿਹਾ ਹੈ ਅਤੇ ਜੇਲ੍ਹ ਤੇ ਕਾਲਾ ਪਾਣੀ ਗਿਆ ਹੈ, ਜਦੋਂ ਸੰਭਵ ਤੌਰ ’ਤੇ ਤੁਹਾਡੇ ਬਾਪ-ਦਾਦਾ ਅੰਗਰੇਜ਼ ਸਰਕਾਰ ਦੇ ਤਲਵੇ ਚੱਟ ਰਹੇ ਸਨ।’’ ਜਾਵੇਦ ਅਖ਼ਤਰ (79) ਲੇਖਕ-ਗੀਤਕਾਰ-ਕਵੀ ਜਾਂਨਿਸਾਰ ਅਖ਼ਤਰ ਅਤੇ ਲੇਖਿਕਾ ਸਾਫੀਆ ਸਿਰਾਜ-ਉਲ ਹੱਕ ਦੇ ਪੁੱਤਰ ਹਨ। -ਪੀਟੀਆਈ