ਕਰਨਾਟਕ ਵਿੱਚ ਆਖ਼ਰੀ ਨਕਸਲੀ ਦੱਸੀ ਜਾਂਦੀ ਲਕਸ਼ਮੀ ਵੱਲੋਂ ਆਤਮ-ਸਮਰਪਣ

ਕਰਨਾਟਕ ਵਿੱਚ ਆਖ਼ਰੀ ਨਕਸਲੀ ਦੱਸੀ ਜਾਂਦੀ ਲਕਸ਼ਮੀ ਨੇ ਅੱਜ ਉਡੁਪੀ ਦੀ ਡਿਪਟੀ ਕਮਿਸ਼ਨਰ ਵਿੱਦਿਆ ਕੁਮਾਰੀ ਅਤੇ ਐੱਸਪੀ ਅਰੁਣ ਕੁਮਾਰ ਦੇ ਸਾਹਮਣੇ ਬਿਨਾਂ ਸ਼ਰਤ ਆਤਮ-ਸਪਰਪਣ ਕਰ ਦਿੱਤਾ। ਪੁਲੀਸ ਮੁਤਾਬਕ ਲਕਸ਼ਮੀ ਆਂਧਰਾ ਪ੍ਰਦੇਸ਼ ਵਿੱਚ ਛੁਪੀ ਹੋਈ ਸੀ ਅਤੇ ਉਸ ’ਤੇ ਉਡੁਪੀ ਜ਼ਿਲ੍ਹੇ ਵਿੱਚ ਕੁੰਦਾਪੁਰ ਤਹਿਸੀਲ ਦੇ ਅਮਾਸੇਬੇਲ ਅਤੇ ਸ਼ੰਕਰਨਾਰਾਇਣ ਥਾਣਿਆਂ ਵਿੱਚ ਤਿੰਨ ਕੇਸ ਦਰਜ ਹਨ। ਇਹ ਮਾਮਲੇ 2007-2008 ਦੇ ਹਨ ਅਤੇ ਇਹ ਪੁਲੀਸ ਨਾਲ ਮੁਕਾਬਲੇ, ਹਮਲਾ ਕਰਨ ਅਤੇ ਪਿੰਡਾਂ ਤੇ ਸ਼ਹਿਰਾਂ ਵਿੱਚ ਮਾਓਵਾਦੀ ਸਾਹਿਤ ਸਮੱਗਰੀ ਪਹੁੰਚਾਉਣ ਨਾਲ ਸਬੰਧਤ ਹਨ। ਪੁਲੀਸ ਮੁਤਾਬਕ ਲਕਸ਼ਮੀ ਮੂਲ ਰੂਪ ਤੋਂ ਕੁੰਡਾਪੁਰਾ ਤਹਿਸੀਲ ਦੇ ਪਿੰਡ ਚੱਚਾਤੂ ਦੇ ਥੌਂਬਾਟੂ ਦੀ ਰਹਿਣ ਵਾਲੀ ਹੈ। ਜਦੋਂ ਉਹ ਆਤਮ-ਸਮਰਪਣ ਕਰਨ ਲਈ ਪੁੱਜੀ ਤਾਂ ਉਸ ਦੇ ਨਾਲ ਸੂਬਾ ਨਕਸਲੀ ਆਤਮ-ਸਮਰਪਣ ਕਮੇਟੀ ਦਾ ਮੈਂਬਰ ਸ੍ਰੀਪਾਲ ਅਤੇ ਉਸ ਦਾ ਪਤੀ ਸਲੀਮ ਸੀ। -ਪੀਟੀਆਈ