<p>ਅਦਾਕਾਰ-ਨਿਰਮਾਤਾ ਅਤੇ ਟੀ-ਸੀਰੀਜ਼ ਦੇ ਸਹਿ-ਮਾਲਕ ਕ੍ਰਿਸ਼ਨ ਕੁਮਾਰ ਦੇ ਪਰਿਵਾਰ ਨਾਲ ਜੁੜੀ ਇੱਕ ਦੁਖਦਾਈ ਖ਼ਬਰ ਸਾਹਮਣੇ ਆ ਰਹੀ ਹੈ। ਦਰਅਸਲ ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਦੀ ਬੇਟੀ ਤੀਸ਼ਾ ਕੁਮਾਰ ਦੀ 18 ਜੁਲਾਈ ਨੂੰ ਮੌਤ ਹੋ ਗਈ। ਉਹ ਸਿਰਫ਼ 20 ਸਾਲਾਂ ਦੀ ਸੀ। ਅਭਿਨੇਤਾ ਦੀ ਧੀ ਪਿਛਲੇ ਕੁਝ ਸਮੇਂ ਤੋਂ ਕੈਂਸਰ ਦੀ ਲੜਾਈ ਲੜ ਰਹੀ ਸੀ, ਪਰ ਅੰਤ ਵਿੱਚ ਉਸ ਨੂੰ ਬਚਾਇਆ ਨਹੀਂ ਜਾ ਸਕਿਆ।</p>
<p><strong>ਬੁਲਾਰੇ ਨੇ ਕੀਤੀ ਮੌਤ ਦੀ ਪੁਸ਼ਟੀ</strong><br />ਜ਼ੂਮ ‘ਤੇ ਇਕ ਰਿਪੋਰਟ ਮੁਤਾਬਕ ਕ੍ਰਿਸ਼ਨ ਕੁਮਾਰ ਦੀ ਬੇਟੀ ਤੀਸ਼ਾ ਕੁਮਾਰ ਦਾ ਕੈਂਸਰ ਨਾਲ ਲੰਬੀ ਲੜਾਈ ਤੋਂ ਬਾਅਦ ਦਿਹਾਂਤ ਹੋ ਗਿਆ। ਤੀਸ਼ਾ ਭੂਸ਼ਣ ਕੁਮਾਰ ਦੀ ਚਚੇਰੀ ਭੈਣ ਹੈ ਅਤੇ ਉਹ ਪਿਛਲੇ ਕਾਫੀ ਸਮੇਂ ਤੋਂ ਜਰਮਨੀ ‘ਚ ਰਹਿ ਰਹੀ ਸੀ ਅਤੇ ਕੈਂਸਰ ਦਾ ਇਲਾਜ ਕਰਵਾ ਰਹੀ ਸੀ ਅਤੇ ਬੀਤੇ ਦਿਨ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ।</p>
<p><iframe class="vidfyVideo" style="border: 0px;" src="https://punjabi.abplive.com/web-stories/health/what-are-the-side-effects-of-eating-too-much-mango-810540" width="631" height="381" scrolling="no"></iframe></p>
<p>ਟੀ-ਸੀਰੀਜ਼ ਦੇ ਬੁਲਾਰੇ ਨੇ ਬਿਆਨ ਜਾਰੀ ਕਰਕੇ ਕਿਹਾ ਕਿ ਪਰਿਵਾਰ ਲਈ ਇਹ ਮੁਸ਼ਕਲ ਸਮਾਂ ਹੈ ਅਤੇ ਅਸੀਂ ਸਾਰਿਆਂ ਨੂੰ ਪਰਿਵਾਰ ਦੀ ਨਿੱਜਤਾ ਦਾ ਸਨਮਾਨ ਕਰਨ ਦੀ ਬੇਨਤੀ ਕਰਦੇ ਹਾਂ। ਇਸ ਖਬਰ ਨੂੰ ਸੁਣਨ ਤੋਂ ਬਾਅਦ ਹਰ ਕੋਈ ਸੋਸ਼ਲ ਮੀਡੀਆ ‘ਤੇ ਆਪਣਾ ਦੁੱਖ ਪ੍ਰਗਟ ਕਰ ਰਿਹਾ ਹੈ ਅਤੇ ਤੀਸ਼ਾ ਨੂੰ ਸ਼ਰਧਾਂਜਲੀ ਦੇ ਰਿਹਾ ਹੈ।</p>
<p><strong>ਕੌਣ ਹਨ ਤੀਸ਼ਾ ਦੇ ਪਿਤਾ ਕ੍ਰਿਸ਼ਨ ਕੁਮਾਰ?</strong><br />ਤੁਹਾਨੂੰ ਦੱਸ ਦੇਈਏ ਕਿ ਕ੍ਰਿਸ਼ਨ ਕੁਮਾਰ ਟੀ-ਸੀਰੀਜ਼ ਦੇ ਮਾਲਕ ਮਰਹੂਮ ਗੁਲਸ਼ਨ ਕੁਮਾਰ ਦੇ ਛੋਟੇ ਭਰਾ ਹਨ। ਕ੍ਰਿਸ਼ਨਾ ਨੇ ਕਈ ਫਿਲਮਾਂ ‘ਚ ਕੰਮ ਕੀਤਾ ਹੈ। ਉਨ੍ਹਾਂ ਨੇ 1993 ‘ਚ ‘ਆਜਾ ਮੇਰੀ ਜਾਨ’ ਅਤੇ 1995 ‘ਚ ‘ਬੇਵਫਾ ਸਨਮ’ ਵਰਗੀਆਂ ਕਈ ਫਿਲਮਾਂ ‘ਚ ਕੰਮ ਕੀਤਾ ਹੈ। ਉਨ੍ਹਾਂ ਨੇ ‘ਏਅਰਲਿਫਟ’, ‘ਸੱਤਿਆਮੇਵ ਜਯਤੇ’ ਸਮੇਤ ਕਈ ਫਿਲਮਾਂ ਦਾ ਸਹਿ-ਨਿਰਮਾਣ ਵੀ ਕੀਤਾ ਹੈ। </p>
<p><iframe class="vidfyVideo" style="border: 0px;" src="https://punjabi.abplive.com/web-stories/health/what-can-be-the-cause-of-daily-headache-810538" width="631" height="381" scrolling="no"></iframe></p>
<p><strong>ਕ੍ਰਿਸ਼ਨ ਕੁਮਾਰ ਟੀ-ਸੀਰੀਜ਼ ਦੇ ਸਹਿ-ਮਾਲਕ ਹਨ</strong><br />ਕ੍ਰਿਸ਼ਨ ਕੁਮਾਰ ਦੁਆ ਦਾ ਜਨਮ ਇੱਕ ਪੰਜਾਬੀ ਪਰਿਵਾਰ ਵਿੱਚ ਹੋਇਆ ਸੀ। ਉਸਦੇ ਪਿਤਾ ਚੰਦਰਭਾਨ ਫਲ ਵੇਚਣ ਵਾਲੇ ਸਨ ਜੋ ਵੰਡ ਤੋਂ ਬਾਅਦ ਦਿੱਲੀ ਆ ਗਏ ਸਨ। ਕ੍ਰਿਸ਼ਨਾ ਗੁਲਸ਼ਨ ਕੁਮਾਰ ਦਾ ਛੋਟਾ ਭਰਾ ਹੈ, ਜੋ ਸੁਪਰ ਕੈਸੇਟਸ ਇੰਡਸਟਰੀਜ਼ ਦੇ ਸੰਸਥਾਪਕ ਹੈ, ਜਿਸਨੂੰ ਅਸੀਂ ਟੀ-ਸੀਰੀਜ਼ ਵੱਜੋਂ ਜਾਣਦੇ ਹਾਂ। ਉਸਦਾ ਵਿਆਹ ਅਭਿਨੇਤਰੀ ਤਾਨਿਆ ਸਿੰਘ ਨਾਲ ਹੋਇਆ ਹੈ, ਜੋ ਕਿ ਸੰਗੀਤਕਾਰ ਅਜੀਤ ਸਿੰਘ ਦੀ ਧੀ ਹੈ। ਐਕਟਿੰਗ ‘ਚ ਸਫਲਤਾ ਨਾ ਮਿਲਣ ‘ਤੇ ਕ੍ਰਿਸ਼ਨ ਕੁਮਾਰ ਨੇ ਟੀ-ਸੀਰੀਜ਼ ਦੀ ਕਮਾਨ ਸੰਭਾਲ ਲਈ। ਹੁਣ ਉਹ ਆਪਣੇ ਭਤੀਜੇ ਭੂਸ਼ਣ ਕੁਮਾਰ ਨਾਲ ਮਿਲ ਕੇ ਇਹ ਕੰਪਨੀ ਚਲਾਉਂਦਾ ਹੈ। ਟੀ-ਸੀਰੀਜ਼ ਦੁਆਰਾ ਬਣਾਈਆਂ ਗਈਆਂ ਕਈ ਫਿਲਮਾਂ ਬਾਕਸ ਆਫਿਸ ‘ਤੇ ਬਲਾਕਬਸਟਰ ਰਹੀਆਂ ਹਨ।</p>
<p> </p>
News Source link