Hormuz Block : ਪਿਛਲੇ ਦਿਨਾਂ ਖਬਰਾਂ ਆਈਆਂ ਸਨ ਕਿ ਈਰਾਨ ਅਤੇ ਅਮਰੀਕਾ ਵਿਚਾਲੇ ਚੱਲ ਰਿਹਾ ਤਣਾਅ ਖਤਮ ਹੋਣ ਵਾਲਾ ਹੈ ਅਤੇ ਦੋਵੇਂ ਦੇਸ਼ਾਂ ਵਿਚਕਾਰ ਸ਼ਾਂਤੀ ਵਾਰਤਾ ਹੋ ਚੁੱਕੀ ਹੈ। ਇਸ ਨਾਲ ਦੁਨੀਆ ਭਰ ਵਿੱਚ ਰਾਹਤ ਦਾ ਮਾਹੌਲ ਬਣਿਆ ਸੀ ਪਰ ਹੁਣ ਮੁੜ ਅਜਿਹੀਆਂ ਰਿਪੋਰਟਾਂ ਸਾਹਮਣੇ ਆ ਰਹੀਆਂ ਹਨ ਕਿ ਗੱਲਬਾਤ ਸਫਲ ਨਹੀਂ ਹੋਈ ਅਤੇ ਈਰਾਨ ਇੱਕ ਵਾਰ ਫਿਰ ਨਾਰਾਜ਼ ਹੋ ਗਿਆ ਹੈ। ਅਜਿਹੇ ਵਿੱਚ ਉਹ ਹੋਰਮੁਜ਼ ਜਲਡੰਡੀ (Strait of Hormuz) ਨੂੰ ਬਲਾਕ ਕਰ ਸਕਦਾ ਹੈ, ਜਿਸ ਨਾਲ ਤੇਲ-ਗੈਸ ਦੀ ਕਮੀ ਅਤੇ ਮਹਿੰਗਾਈ ਵਧ ਸਕਦੀ ਹੈ।
ਈਰਾਨ ਫਿਰ ਹੋਇਆ ਨਾਰਾਜ਼
CNN ਦੀ ਇੱਕ ਰਿਪੋਰਟ ਮੁਤਾਬਕ ਅਮਰੀਕੀ ਖੁਫੀਆ ਏਜੰਸੀਆਂ ਦਾ ਮੰਨਣਾ ਹੈ ਕਿ ਈਰਾਨ ਜਦੋਂ ਚਾਹੇ ਹੋਰਮੁਜ਼ ਜਲਡੰਡੀ ਵਿੱਚ ਰੁਕਾਵਟ ਪੈਦਾ ਕਰ ਸਕਦਾ ਹੈ। ਹਾਲੀਆ ਟਕਰਾਅ ਤੋਂ ਬਾਅਦ ਇਸ ਖੇਤਰ ਵਿੱਚ ਤਾਕਤ ਦਾ ਸੰਤੁਲਨ ਬਦਲ ਗਿਆ ਹੈ ਅਤੇ ਤੇਲ-ਗੈਸ ਦੀ ਸਪਲਾਈ ਲਈ ਸਭ ਤੋਂ ਅਹਿਮ ਰਸਤੇ ‘ਤੇ ਈਰਾਨ ਦਾ ਪ੍ਰਭਾਵ ਵਧ ਗਿਆ ਹੈ। ਇੱਕ ਅਮਰੀਕੀ ਸਰੋਤ ਨੇ CNN ਨੂੰ ਦੱਸਿਆ ਕਿ, “ਹੁਣ ਈਰਾਨ ਕੋਲ ਇਸ ਜਲਮਾਰਗ ‘ਤੇ ਅਜਿਹਾ ਪ੍ਰਭਾਵ ਹੈ ਜੋ ਕਿਸੇ ਪਰਮਾਣੂ ਹਥਿਆਰ ਨਾਲੋਂ ਵੀ ਵੱਧ ਤਾਕਤਵਰ ਸਾਬਤ ਹੋ ਸਕਦਾ ਹੈ।”
ਪੈਟਰੋਲ-ਡੀਜ਼ਲ ਹੋ ਸਕਦੇ ਹਨ ਮਹਿੰਗੇ
ਇਸ ਰਿਪੋਰਟ ਦੇ ਸਾਹਮਣੇ ਆਉਣ ਤੋਂ ਬਾਅਦ ਲੋਕਾਂ ਦੀ ਚਿੰਤਾ ਵੱਧ ਗਈ ਹੈ। ਜੇਕਰ ਈਰਾਨ ਹੋਰਮੁਜ਼ ਜਲਡੰਡੀ ਨੂੰ ਬਲਾਕ ਕਰ ਦਿੰਦਾ ਹੈ ਤਾਂ ਕੱਚੇ ਤੇਲ ਅਤੇ ਗੈਸ ਦੀ ਸਪਲਾਈ ਪ੍ਰਭਾਵਿਤ ਹੋ ਸਕਦੀ ਹੈ। ਇਸ ਦਾ ਸਿੱਧਾ ਅਸਰ ਪੈਟਰੋਲ, ਡੀਜ਼ਲ ਅਤੇ ਰਸੋਈ ਗੈਸ ਦੀਆਂ ਕੀਮਤਾਂ ‘ਤੇ ਪੈ ਸਕਦਾ ਹੈ।
ਪਿਛਲੇ ਮਹੀਨੇ ਵੀ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਕਈ ਵਾਰ ਵਾਧਾ ਹੋਇਆ ਸੀ, ਜਿਸ ਕਾਰਨ ਲੋਕਾਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਜੇ ਸਪਲਾਈ ਵਿੱਚ ਰੁਕਾਵਟ ਆਉਂਦੀ ਹੈ ਤਾਂ ਮਹਿੰਗਾਈ ਦਰ ਵੀ ਵੱਧ ਸਕਦੀ ਹੈ ਅਤੇ ਆਮ ਲੋਕਾਂ ਦੀ ਜੇਬ ‘ਤੇ ਹੋਰ ਬੋਝ ਪੈ ਸਕਦਾ ਹੈ।
ਫਿਲਹਾਲ ਪੱਕੀ ਪੁਸ਼ਟੀ ਨਹੀਂ
ਹਾਲਾਂਕਿ ਇਸ ਵੇਲੇ ਈਰਾਨ ਵੱਲੋਂ ਹੋਰਮੁਜ਼ ਜਲਡੰਡੀ ਨੂੰ ਬਲਾਕ ਕਰਨ ਬਾਰੇ ਕੋਈ ਅਧਿਕਾਰਕ ਐਲਾਨ ਜਾਂ ਪੱਕੀ ਪੁਸ਼ਟੀ ਨਹੀਂ ਹੋਈ ਹੈ। ਇਹ ਸਿਰਫ਼ ਕੁਝ ਰਿਪੋਰਟਾਂ ਅਤੇ ਅਨੁਮਾਨਾਂ ‘ਤੇ ਆਧਾਰਿਤ ਦਾਅਵੇ ਹਨ। ਫਿਰ ਵੀ ਵਿਸ਼ਵ ਊਰਜਾ ਬਾਜ਼ਾਰ ਇਸ ਸਥਿਤੀ ‘ਤੇ ਨਜ਼ਰ ਰੱਖੇ ਹੋਏ ਹਨ।
10 ਲੱਖ ਯੋਜਨਾ ‘ਤੇ ਨਵਾਂ ਅਪਡੇਟ! CM ਮਾਨ ਦੀ ਵੱਡੀ ਗੱਲ