Karishma K Tanna : ਟੀਵੀ ਇੰਡਸਟਰੀ ਦੀ ਮਸ਼ਹੂਰ ਅਤੇ ਖੂਬਸੂਰਤ ਅਦਾਕਾਰਾ Karishma Tanna ਆਪਣੀ ਪ੍ਰੈਗਨੈਂਸੀ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਲਗਾਤਾਰ ਚਰਚਾ ਵਿੱਚ ਰਹੀ। ਉਹ ਅਕਸਰ ਆਪਣੇ ਬੇਬੀ ਬੰਪ ਨਾਲ ਤਸਵੀਰਾਂ ਸਾਂਝੀਆਂ ਕਰਦੀ ਰਹਿੰਦੀ ਸੀ। ਹੁਣ ਉਨ੍ਹਾਂ ਦੀ ਜ਼ਿੰਦਗੀ ਵਿੱਚ ਇੱਕ ਨਵੀਂ ਸ਼ੁਰੂਆਤ ਹੋਈ ਹੈ। ਗੁਰੂ ਪੂਰਨਿਮਾ ਦੇ ਪਵਿੱਤਰ ਮੌਕੇ ‘ਤੇ ਕਰਿਸ਼ਮਾ ਮਾਂ ਬਣ ਗਈ ਹੈ।
ਪੁੱਤਰ ਨੂੰ ਦਿੱਤਾ ਜਨਮ
ਕਰਿਸ਼ਮਾ ਤੰਨਾ ਅਤੇ ਉਨ੍ਹਾਂ ਦੇ ਪਤੀ Varun Bangera ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ਰਾਹੀਂ ਮਾਤਾ-ਪਿਤਾ ਬਣਨ ਦੀ ਖੁਸ਼ਖਬਰੀ ਸਾਂਝੀ ਕੀਤੀ।ਦੋਵਾਂ ਨੇ ਪੋਸਟ ਦੇ ਕੈਪਸ਼ਨ ਵਿੱਚ ਲਿਖਿਆ ,”ਗੁਰੂ ਪੂਰਨਿਮਾ ਦੇ ਪਵਿੱਤਰ ਦਿਨ ਸਾਡੇ ਸਭ ਤੋਂ ਵੱਡੇ ਆਸ਼ੀਰਵਾਦ ਦਾ ਜਨਮ ਹੋਇਆ। 29 ਜੁਲਾਈ 2026। ਸਾਡੀ ਦੁਨੀਆ ਵਿੱਚ ਤੇਰਾ ਸੁਆਗਤ ਹੈ, ਨੰਨੇ ਮਹਿਮਾਨ। – ਕਰਿਸ਼ਮਾ ਅਤੇ ਵਰੁਣ।”
ਉਨ੍ਹਾਂ ਨੇ ਇੱਕ ਤਸਵੀਰ ਵੀ ਸਾਂਝੀ ਕੀਤੀ, ਜਿਸ ਵਿੱਚ ਬੱਚੇ ਦੇ ਨਿੱਕੇ-ਨਿੱਕੇ ਪੈਰ ਨਜ਼ਰ ਆ ਰਹੇ ਹਨ। ਤਸਵੀਰ ‘ਤੇ ਲਿਖਿਆ ਸੀ, “It’s a Boy. He’s Here.”
ਸੈਲੇਬ੍ਰਿਟੀਆਂ ਨੇ ਦਿੱਤੀਆਂ ਵਧਾਈਆਂ
ਕਰਿਸ਼ਮਾ ਅਤੇ ਵਰੁਣ ਦੇ ਮਾਤਾ-ਪਿਤਾ ਬਣਨ ‘ਤੇ ਬਾਲੀਵੁੱਡ ਅਤੇ ਟੀਵੀ ਜਗਤ ਦੇ ਕਈ ਸਿਤਾਰਿਆਂ ਨੇ ਉਨ੍ਹਾਂ ਨੂੰ ਵਧਾਈ ਦਿੱਤੀ। Smriti Irani ਨੇ ਲਿਖਿਆ, “ਬਹੁਤ-ਬਹੁਤ ਵਧਾਈ। ਰੱਬ ਦੀ ਕਿਰਪਾ ਹਮੇਸ਼ਾ ਬਣੀ ਰਹੇ।” ਇਸ ਤੋਂ ਇਲਾਵਾ Sonu Sood, Sonal Chauhan, Aamir Ali, Stebin Ben, Jasmin Bhasin, Monalisa, Wamiqa Gabbi, Amruta Khanvilkar ਅਤੇ Maheep Kapoor ਸਮੇਤ ਕਈ ਸੈਲੇਬ੍ਰਿਟੀਆਂ ਨੇ ਵੀ ਸ਼ੁਭਕਾਮਨਾਵਾਂ ਦਿੱਤੀਆਂ।
2022 ਵਿੱਚ ਹੋਇਆ ਸੀ ਵਿਆਹ
42 ਸਾਲ ਦੀ ਉਮਰ ਵਿੱਚ ਮਾਂ ਬਣੀ ਕਰਿਸ਼ਮਾ ਤੰਨਾ ਨੇ 38 ਸਾਲ ਦੀ ਉਮਰ ਵਿੱਚ ਵਿਆਹ ਕੀਤਾ ਸੀ। ਫ਼ਰਵਰੀ 2022 ਵਿੱਚ ਮੁੰਬਈ ਦੇ ਇੱਕ ਹੋਟਲ ਵਿੱਚ ਉਨ੍ਹਾਂ ਨੇ ਕਾਰੋਬਾਰੀ ਵਰੁਣ ਬੰਗੇਰਾ ਨਾਲ ਵਿਆਹ ਕੀਤਾ ਸੀ। ਵਿਆਹ ਤੋਂ ਚਾਰ ਸਾਲ ਬਾਅਦ ਹੁਣ ਦੋਵਾਂ ਨੇ ਆਪਣੇ ਪਹਿਲੇ ਬੱਚੇ ਦਾ ਸੁਆਗਤ ਕੀਤਾ ਹੈ।
ਇਨ੍ਹਾਂ ਸ਼ੋਅਜ਼ ਵਿੱਚ ਆ ਚੁੱਕੀ ਹੈ ਨਜ਼ਰ
21 ਦਸੰਬਰ 1983 ਨੂੰ ਮੁੰਬਈ ਵਿੱਚ ਜਨਮੀ ਕਰਿਸ਼ਮਾ ਤੰਨਾ ਨੇ 2001 ਵਿੱਚ ਮਸ਼ਹੂਰ ਟੀਵੀ ਧਾਰਾਵਾਹਿਕ Kyunki Saas Bhi Kabhi Bahu Thi ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਤੋਂ ਬਾਅਦ ਉਹ ਪਾਲਖੀ, Bigg Boss 8, Fear Factor: Khatron Ke Khiladi 10 ਅਤੇ Naagin 3 ਵਰਗੇ ਪ੍ਰਸਿੱਧ ਸ਼ੋਅਜ਼ ਵਿੱਚ ਵੀ ਨਜ਼ਰ ਆ ਚੁੱਕੀ ਹੈ। ਇਸ ਤੋਂ ਇਲਾਵਾ ਉਹ ਬਾਲੀਵੁੱਡ ਅਤੇ OTT ਪਲੇਟਫਾਰਮਾਂ ‘ਤੇ ਵੀ ਕੰਮ ਕਰ ਚੁੱਕੀ ਹੈ।