Sports News: ਕ੍ਰਿਕਟ ਜਗਤ ਤੋਂ ਮੰਦਭਾਗੀ ਖਬਰ ਸਾਹਮਣੇ ਆ ਰਹੀ ਹੈ, ਦੱਸ ਦੇਈਏ ਕਿ ਇੱਕ ਰੋਜ਼ਾ ਕ੍ਰਿਕਟ ਵਿਚਾਲੇ ਖਿਡਾਰੀਆਂ ਵਿਚਾਲੇ ਮਾਤਮ ਪਸਰਿਆ ਹੋਇਆ ਹੈ। ਜਾਣਕਾਰੀ ਅਨੁਸਾਰ ਰਾਇਲ ਚੈਲੇਂਜਰਜ਼ ਬੰਗਲੌਰ (RCB) ਨੂੰ ਵੱਡਾ ਝਟਕਾ ਲੱਗਾ। ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਖੇਡੇ ਜਾਣ ਵਾਲੇ ਪਹਿਲੇ ਮੈਚ ਤੋਂ ਹੀ ਟੀਮ ਦੇ ਨਾਲ ਰਹੇ ਡ੍ਰਮਰ ਦੇਵਾ ਦਾ ਦੇਹਾਂਤ ਹੋ ਗਿਆ ਹੈ। ਬੰਗਲੌਰ ਨੇ ਬੀਤੇ ਐਤਵਾਰ (27 ਸਤੰਬਰ) ਨੂੰ ਦੇਵਾ ਦੇ ਦੇਹਾਂਤ ਦੀ ਦੁਖਦਾਈ ਖ਼ਬਰ ਸਾਂਝੀ ਕੀਤੀ। ਡ੍ਰਮ ਵਜਾਉਂਦੇ ਦੇਵਾ ਦੀਆਂ ਕੁਝ ਤਸਵੀਰਾਂ ਦੇ ਨਾਲ ਉਨ੍ਹਾਂ ਨੂੰ ਯਾਦ ਕਰਦੇ ਹੋਏ ਇੱਕ ਭਾਵੁਕ ਕੈਪਸ਼ਨ ਲਿਖਿਆ ਗਿਆ।
ਲੰਬੇ ਸਮੇਂ ਤੋਂ ਟੀਮ ਦੇ ਮੈਂਬਰ ਰਹੇ ਦੇਵਾ ਨੂੰ ਸਿਹਤ ਸੰਬੰਧੀ ਸਮੱਸਿਆਵਾਂ ਸਨ। ਫਰੈਂਚਾਇਜ਼ੀ ਨੇ ਦੱਸਿਆ ਕਿ, “ਸਿਹਤ ਸੰਬੰਧੀ ਸਮੱਸਿਆਵਾਂ ਕਾਰਨ ਅਸੀ ਦੇਵਾ ਨੂੰ ਗੁਆ ਦਿੱਤਾ ਹੈ। ਉਹ ਆਰਸੀਬੀ ਪਰਿਵਾਰ ਦਾ ਇੱਕ ਅਨਿੱਖੜਵਾਂ ਅੰਗ ਸੀ।”
ਹਮੇਸ਼ਾ RCB ਦਾ ਹਿੱਸਾ ਰਹਿਣਗੇ
ਪੋਸਟ ਦੇ ਕੈਪਸ਼ਨ ਵਿੱਚ ਲਿਖਿਆ ਗਿਆ, “ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਖੇਡੇ ਗਏ ਪਹਿਲੇ IPL ਮੈਚ ਤੋਂ ਲੈ ਕੇ ਸਟੇਡੀਅਮ ਵਿੱਚ ਬਿਤਾਈਆਂ ਗਈਆਂ ਕਈ ਯਾਦਗਾਰੀ ਰਾਤਾਂ ਤੱਕ, ਦੇਵਾ ਦੇ ਢੋਲ RCB ਮੈਚ-ਡੇ ਦੇ ਅਨੁਭਵ ਦਾ ਇੱਕ ਅਨਿੱਖੜਵਾਂ ਅੰਗ ਰਹੇ ਹਨ।”
ਇਸ ਲਿਖਿਆ ਗਿਆ, “ਕੱਲ੍ਹ, 64 ਸਾਲ ਦੀ ਉਮਰ ਵਿੱਚ, ਸਿਹਤ ਸਮੱਸਿਆਵਾਂ ਕਾਰਨ ਅਸੀਂ ਕੰਨੜ ਵਿੱਚ ‘ਸ਼ਿਵਮਣੀ’ ਵਜੋਂ ਜਾਣੇ ਜਾਂਦੇ ਦੇਵਾ ਨੂੰ ਗੁਆ ਦਿੱਤਾ। ਦੇਵਾ ਦੀਆਂ ਧੁਨਾਂ ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਗੂੰਜਦੀਆਂ ਰਹਿਣਗੀਆਂ ਅਤੇ ਉਹ ਹਮੇਸ਼ਾ ਆਰਸੀਬੀ ਲੋਕਧਾਰਾ ਦਾ ਹਿੱਸਾ ਰਹਿਣਗੇ। ਇੰਨੇ ਸਾਲਾਂ ਤੱਕ ਸਾਡਾ ਮਨੋਰੰਜਨ ਕਰਨ ਲਈ ਤੁਹਾਡਾ ਧੰਨਵਾਦ। ਤੁਹਾਡੀ ਆਤਮਾ ਨੂੰ ਸ਼ਾਂਤੀ ਮਿਲੇ, ਦੇਵਾ।”
ਅਗਲੇ ਸੀਜ਼ਨ ਵਿੱਚ ਲਗਾਤਾਰ ਤੀਜਾ ਖਿਤਾਬ ਜਿੱਤਣ ‘ਤੇ RCB ਦੀਆਂ ਨਜ਼ਰਾਂ
ਬੈਂਗਲੁਰੂ ਨੇ ਪਹਿਲਾ ਖਿਤਾਬ 2025 ਵਿੱਚ ਜਿੱਤਿਆ ਸੀ। 18 ਸਾਲਾਂ ਦੇ ਇੰਤਜ਼ਾਰ ਤੋਂ ਬਾਅਦ, ਫਰੈਂਚਾਇਜ਼ੀ ਨੇ ਰਜਤ ਪਾਟੀਦਾਰ ਦੀ ਕਪਤਾਨੀ ਵਿੱਚ ਟਰਾਫੀ ਜਿੱਤੀ। ਇਸ ਤੋਂ ਪਹਿਲਾਂ, ਵਿਰਾਟ ਕੋਹਲੀ ਸਮੇਤ ਕਈ ਦਿੱਗਜਾਂ ਨੇ ਫਰੈਂਚਾਇਜ਼ੀ ਦੀ ਅਗਵਾਈ ਕੀਤੀ ਸੀ ਪਰ ਖਿਤਾਬ ਜਿੱਤਣ ਵਿੱਚ ਅਸਫਲ ਰਹੇ।
ਪਾਟੀਦਾਰ ਦੀ ਕਪਤਾਨੀ ਦੀ ਪ੍ਰਤਿਭਾ ਇੱਥੇ ਹੀ ਨਹੀਂ ਰੁਕੀ, ਕਿਉਂਕਿ ਟੀਮ ਨੇ ਅਗਲੇ ਲਗਾਤਾਰ ਦੂਜੇ ਸੀਜ਼ਨ ਯਾਵੀ 2026 ਵਿੱਚ ਲਈ ਵੀ ਟਰਾਫੀ ਆਪਣੇ ਨਾਮ ਕੀਤੀ। ਹੁਣ, ਫਰੈਂਚਾਇਜ਼ੀ ਸਪੱਸ਼ਟ ਤੌਰ ‘ਤੇ ਆਪਣਾ ਲਗਾਤਾਰ ਤੀਜਾ ਖਿਤਾਬ ਜਿੱਤਣ ਦੀ ਕੋਸ਼ਿਸ਼ ਕਰੇਗੀ। ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਮੌਜੂਦਾ ਚੈਂਪੀਅਨ ਬੰਗਲੁਰੂ ਆਉਣ ਵਾਲੇ ਸੀਜ਼ਨ ਵਿੱਚ ਕਿਵੇਂ ਪ੍ਰਦਰਸ਼ਨ ਕਰਦਾ ਹੈ।