Punjabi Singer Inder Kaur Murder Case: ਪੰਜਾਬੀ ਗਾਇਕਾ ਇੰਦਰ ਕੌਰ ਉਰਫ਼ ਯਸ਼ਿੰਦਰ ਦੇ ਕਤਲ ਮਾਮਲੇ ਸਬੰਧੀ ਪੁਲਿਸ ਅੱਜ ਇੱਕ ਪ੍ਰੈਸ ਕਾਨਫਰੰਸ ਕਰੇਗੀ। ਡੀਸੀਪੀ ਜਸਕਿਰਨਜੀਤ ਸਿੰਘ ਤੇਜਾ ਦੁਪਹਿਰ 3:30 ਵਜੇ ਪੁਲਿਸ ਲਾਈਨਜ਼ ਵਿਖੇ ਪੂਰੀ ਕਤਲ ਸਾਜ਼ਿਸ਼ ਦਾ ਵੇਰਵਾ ਦੇਣਗੇ। ਪੁਲਿਸ ਕਤਲ ਵਿੱਚ ਗ੍ਰਿਫ਼ਤਾਰ ਕੀਤੇ ਗਏ ਤਿੰਨ ਮੁਲਜ਼ਮਾਂ ਦੀ ਭੂਮਿਕਾ ਦਾ ਵੀ ਖੁਲਾਸਾ ਕਰੇਗੀ। ਇਹ ਧਿਆਨ ਦੇਣ ਯੋਗ ਹੈ ਕਿ ਯਸ਼ਿੰਦਰ ਦੀ ਲਾਸ਼ ਸਮਰਾਲਾ ਸਿਵਲ ਹਸਪਤਾਲ ਦੇ ਮੁਰਦਾਘਰ ਵਿੱਚ ਰੱਖੀ ਗਈ ਹੈ। ਅੱਜ ਪੋਸਟਮਾਰਟਮ ਨਹੀਂ ਕੀਤਾ ਜਾਵੇਗਾ। ਪਰਿਵਾਰ ਦਾ ਕਹਿਣਾ ਹੈ ਕਿ ਉਹ ਅਜੇ ਵੀ ਮਾਮਲੇ ਦੀ ਜਾਂਚ ਕਰ ਰਹੇ ਹਨ।
ਮੋਗਾ ਦਾ ਰਹਿਣ ਵਾਲਾ ਹੈ ਕਾਤਲ
ਯਸ਼ਿੰਦਰ ਕੌਰ ਦੀ ਮੁਲਾਕਾਤ ਮੋਗਾ ਦੇ ਰਹਿਣ ਵਾਲੇ ਸੁਖਵਿੰਦਰ ਸਿੰਘ, ਉਰਫ਼ ਸੁੱਖੀ ਬਰਾੜ ਨਾਲ ਇੰਸਟਾਗ੍ਰਾਮ ‘ਤੇ ਹੋਈ ਸੀ। ਉਹ ਗੱਲਬਾਤ ਕਰਦੇ ਰਹੇ ਅਤੇ ਦੋਸਤ ਬਣ ਗਏ। ਕੁਝ ਦਿਨਾਂ ਦੀ ਦੋਸਤੀ ਤੋਂ ਬਾਅਦ, ਉਨ੍ਹਾਂ ਨੂੰ ਪਿਆਰ ਹੋ ਗਿਆ ਅਤੇ ਉਨ੍ਹਾਂ ਨੇ ਇੱਕ ਦੂਜੇ ਨਾਲ ਵਿਆਹ ਕਰਨ ਦਾ ਵਾਅਦਾ ਕੀਤਾ। ਉਹ ਲਗਭਗ ਛੇ ਸਾਲਾਂ ਤੋਂ ਕਰੀਬੀ ਦੋਸਤ ਹਨ। ਜਦੋਂ ਵੀ ਸੁੱਖੀ ਬਰਾੜ ਕੈਨੇਡਾ ਤੋਂ ਪੰਜਾਬ ਵਾਪਸ ਆਉਂਦਾ ਸੀ, ਉਹ ਅਕਸਰ ਇੰਦਰ ਕੌਰ ਨੂੰ ਮਿਲਣ ਜਾਂਦਾ ਸੀ।
11 ਜਨਵਰੀ ਨੂੰ ਯਸ਼ਿੰਦਰ ਕੌਰ ਦਾ ਜਨਮਦਿਨ ਮਨਾਉਣ ਸੁੱਖੀ ਬਰਾੜ ਵੀ ਉਨ੍ਹਾਂ ਦੇ ਘਰ ਪਹੁੰਚਿਆਂ। ਜਾਂਦੇ ਸਮੇਂ ਉਸਨੇ ਕਿਹਾ ਕਿ ਉਹ ਮਾਰਚ ਵਿੱਚ ਵਿਆਹ ਕਰਵਾਉਣਗੇ। ਇੰਦਰ ਕੌਰ ਨੇ ਮਾਰਚ ਵਿੱਚ ਵਿਆਹ ਦਾ ਸੁਪਨਾ ਦੇਖਿਆ, ਪਰ ਉਹ ਵਿਆਹ ਕਰਵਾਉਣ ਨਹੀਂ ਆਇਆ। ਉਸਨੇ ਕੁਝ ਦਿਨ ਰੁਕਣ ਅਤੇ ਫਿਰ ਵਿਆਹ ਕਰਨ ਦੀ ਗੱਲ ਕਹੀ।
ਦੋਵਾਂ ਵਿਚਕਾਰ ਸਭ ਕੁਝ ਠੀਕ ਚੱਲ ਰਿਹਾ ਸੀ ਪਰ ਸੁੱਖੀ ਬਰਾੜ ਨੇ ਇੱਕ ਅਹਿਮ ਸੱਚਾਈ ਯਸ਼ਿੰਦਰ ਕੌਰ ਤੋਂ ਲੁਕਾਈ ਰੱਖੀ ਕਿ ਉਹ ਵਿਆਹਿਆ ਹੋਇਆ ਹੈ। ਪਰਿਵਾਰਕ ਮੈਂਬਰਾਂ ਮੁਤਾਬਕ ਇਹੀ ਝੂਠ ਇੰਦਰ ਦੇ ਕਤਲ ਦਾ ਕਾਰਨ ਬਣਿਆ, ਕਿਉਂਕਿ ਇੰਦਰ ਉਸਨੂੰ ਵਿਆਹ ਕਰਵਾਉਣ ਲਈ ਕਹਿ ਰਹੀ ਸੀ ਅਤੇ ਉਹ ਪਹਿਲਾਂ ਹੀ ਵਿਆਹਿਆ ਹੋਇਆ ਸੀ।
ਕਾਤਲ ਸੁੱਖੀ ਨੇਪਾਲ ਰਾਹੀਂ ਕੈਨੇਡਾ ਭੱਜ ਗਿਆ
ਜਦੋਂ ਯਸ਼ਿੰਦਰ ਨੇ ਉਸ ‘ਤੇ ਵਿਆਹ ਕਰਨ ਲਈ ਦਬਾਅ ਪਾਇਆ, ਤਾਂ ਸੁੱਖੀ ਬਰਾੜ ਨੇ ਆਪਣੇ ਪਿਤਾ ਅਤੇ ਹੋਰ ਸਾਥੀਆਂ ਨਾਲ ਮਿਲ ਕੇ ਯੋਜਨਾ ਬਣਾਈ ਅਤੇ ਇੰਦਰ ਕੌਰ ਦਾ ਕਤਲ ਕਰ ਦਿੱਤਾ। ਕਤਲ ਤੋਂ ਬਾਅਦ ਸੁੱਖੀ ਬਰਾੜ ਨੇਪਾਲ ਰਾਹੀਂ ਕੈਨੇਡਾ ਭੱਜ ਗਿਆ।
ਇੰਦਰ ਦੇ ਭਰਾ ਜੋਤਿੰਦਰ ਸਿੰਘ ਨੇ ਦੱਸਿਆ ਕਿ ਉਸਦੀ ਭੈਣ ਗ੍ਰੋਸਰੀ ਦਾ ਸਮਾਨ ਲੈਣ ਗਈ ਸੀ। ਜਦੋਂ ਉਹ ਵਾਪਸ ਆ ਰਹੀ ਸੀ, ਤਾਂ ਸੁੱਖੀ ਬਰਾੜ ਅਤੇ ਉਸਦੇ ਸਾਥੀ ਉਸਨੂੰ ਮਿਲੇ। ਸੁੱਖੀ ਬਰਾੜ ਨੇ ਉਸਨੂੰ ਦੱਸਿਆ ਕਿ ਉਹ ਕੈਨੇਡਾ ਜਾ ਰਿਹਾ ਹੈ ਅਤੇ ਉਸਨੂੰ ਛੱਡਣ ਆਜਾ। ਜਦੋਂ ਉਸਨੇ ਇਨਕਾਰ ਕਰ ਦਿੱਤਾ, ਤਾਂ ਉਹ ਉਸਨੂੰ ਜ਼ਬਰਦਸਤੀ ਆਪਣੇ ਨਾਲ ਲੈ ਗਿਆ। ਜੋਤਿੰਦਰ ਨੇ ਕਿਹਾ ਕਿ ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ਨੇ ਪੁਲਿਸ ਨੂੰ ਦੱਸਿਆ ਕਿ ਸੁੱਖੀ ਇੰਦਰ ਦੀ ਕਾਰ ਵਿੱਚ ਬੈਠ ਗਿਆ ਅਤੇ ਦੋਵੇਂ ਟੈਕਸੀਆਂ ਪਿੱਛੇ ਜਾਣ ਲੱਗੀਆਂ। ਜਮਾਲਪੁਰ ਤੋਂ, ਉਹ ਚੰਡੀਗੜ੍ਹ ਰੋਡ ਵੱਲ ਨਿਕਲ ਗਏ।
ਜੋਤਇੰਦਰ ਸਿੰਘ ਨੇ ਦੱਸਿਆ ਕਿ ਜਦੋਂ ਕਾਰ ਨੂੰ ਨਹਿਰ ਵਿੱਚੋਂ ਬਾਹਰ ਕੱਢਿਆ ਗਿਆ ਤਾਂ ਪੁਲਿਸ ਨੂੰ ਅੰਦਰੋਂ ਇੱਕ ਗੋਲੀ ਦਾ ਖੋਲ ਮਿਲਿਆ ਹੈ ਅਤੇ ਕਾਰ ਦੀ ਸੀਟ ‘ਤੇ ਖੂਨ ਲੱਗਿਆ ਮਿਲਿਆ ਸੀ। ਇਸ ਤੋਂ ਸਾਫ਼ ਪਤਾ ਲੱਗਦਾ ਹੈ ਕਿ ਉਸਦੀ ਭੈਣ ਨੂੰ ਗੋਲੀ ਮਾਰ ਕੇ ਮਾਰਿਆ ਗਿਆ।
ਹੋਰ ਪੜ੍ਹੋ