PM Modi: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (PM Modi) ਦੀ ਆਮਦ ’ਤੇ ਟ੍ਰੈਫਿਕ ਪੁਲਿਸ ਨੇ ਸਵੇਰੇ 8 ਤੋਂ ਲੈਕੇ ਰਾਤ 8 ਵਜੇ ਤੱਕ ਵਿਸ਼ੇਸ਼ ਟ੍ਰੈਫਿਕ ਡਾਇਵਰਸ਼ਨ ਲਾਗੂ ਕਰ ਦਿੱਤੀ ਹੈ। ਪੁਲਿਸ ਨੇ ਲੋਕਾਂ ਨੂੰ ਡਾਇਵਰਸ਼ਨ ਵਾਲੇ ਰੂਟ ਦੀ ਹੀ ਵਰਤੋਂ ਕਰਨ ਦੀ ਅਪੀਲ ਕੀਤੀ ਹੈ ਤਾਂ ਜੋ ਸੁਰੱਖਿਆ ਦੇ ਨਾਲ-ਨਾਲ ਆਵਾਜਾਈ ਸੁਚਾਰੂ ਢੰਗ ਨਾਲ ਚੱਲਦੀ ਰਹੇ।
ਡਾਇਵਰਟ ਰੂਟ ਅਨੁਸਾਰ ਕੋਟ ਮੈਕਡੋਨਲ ਕੱਟ ਤੋਂ ਸ਼ਹਿਰ ਵਿਚ ਆਉਣ ਲਈ GND ਚੌਕ, ਦੀਪ ਨਗਰ, ਦੁਸ਼ਹਿਰਾ ਗਰਾਊਂਡ ਅਤੇ ਫਿਰ ਡਿਫੈਂਸ ਕਲੌਨੀ ਅਤੇ ਬੱਸ ਸਟੈਂਡ ਤੱਕ ਪਹੁੰਚਣਗੇ। ਥੰਮਈਆ ਪਾਰਕ ਕੈਂਟ ਤੋਂ ਸ਼ਹਿਰ ਵੱਲ ਆਉਣ ਲਈ ਟੀ-ਪੁਆਇੰਟ ਤੋਂ ਡਿਫੈਂਸ ਕਲੌਨੀ ਅਤੇ ਫਿਰ ਬੱਸ ਸਟੈਂਡ, ਰਾਮਾ ਮੰਡੀ ਤੋਂ ਆਉਣ ਵਾਲੇ ਵਾਹਨ BSF ਚੌਕ, ਰਾਮਾ ਮੰਡੀ ਫਲਾਈਓਵਰ ਤੋਂ ਪਹਿਲਾਂ ਯੂ-ਟਰਨ ਵੀ ਲੈ ਸਕਣਗੇ।
ਬੀ. ਐੱਸ. ਐੱਫ. ਚੌਕ ਦੀ ਟ੍ਰੈਫਿਕ ਨੂੰ ਡਿਫੈਂਸ ਕਲੌਨੀ, ਦੁਸਹਿਰਾ ਗਰਾਊਂਡ ਅਤੇ ਜੀਐੱਨਏ ਚੌਕ ਵੱਲ ਮੋੜਿਆ ਜਾਵੇਗਾ। ਪਠਾਨਕੋਟ ਚੌਕ ਤੋਂ ਆਉਣ ਵਾਲੇ ਵਾਹਨ ਮਕਸੂਦਾਂ ਚੌਕ, ਵਰਕਸ਼ਾਪ ਚੌਕ, ਕਪੂਰਥਲਾ ਚੌਕ ਤੋਂ ਡਾ. ਭੀਮ ਰਾਓ ਅੰਬੇਡਕਰ ਚੌਕ ਵੱਲ ਜਾਣਗੇ। ਅਕਸ਼ਰਧਾਮ ਮੰਦਰ ਤੋਂ ਚੌਗਿੱਟੀ ਅੰਡਰਬ੍ਰਿਜ ਵਾਲੇ ਵਾਹਨ ਅਕਸ਼ਰਧਾਮ ਮੰਦਰ ਕੱਟ ਤੋਂ ਯੂ-ਟਰਨ ਲੈ ਸਕਣਗੇ।
ਚੌਗਿੱਟੀ ਵੱਲੋਂ ਆਉਣ ਵਾਲੇ ਵਾਹਨ ਗੁਰੂ ਨਾਨਕਪੁਰਾ ਫਾਟਕ, ਕ੍ਰਿਸ਼ਨਾ ਫੈਕਟਰੀ ਟ੍ਰੈਫਿਕ ਲਾਈਟ ਅਤੇ ਲਾਡੋਵਾਲੀ ਰੋਡ ਤੋਂ ਬੱਸ ਸਟੈਂਡ ਪਹੁੰਚਣਗੇ। ਸ਼ਹਿਰ ਤੋਂ ਫਗਵਾੜਾ ਵੱਲ ਜਾਣ ਵਾਲੇ ਵਾਹਨ ਵੀ ਬੀ. ਐੱਸ. ਐੱਫ. ਚੌਕ ਤੋਂ ਡਿਫੈਂਸ ਕਾਲੋਨੀ, ਦੁਸਹਿਰਾ ਗਰਾਊਂਡ ਅਤੇ ਫਿਰ ਜੀ. ਐੱਨ. ਏ. ਚੌਕ ਤੋਂ ਮੈਕਡੋਨਲ ਕੱਟ ਰਾਹੀਂ ਹਾਈਵੇਅ ਤੱਕ ਪਹੁੰਚਣਗੇ।
ਚੇਨ ਸਨੈਚਰਾਂ ਦੀ ਉਲਟੀ ਪੈ ਗਈ ਚਾਲ! ਲੋਕਾਂ ਨੇ ਇੱਕ ਨੂੰ ਮੌਕੇ ‘ਤੇ ਹੀ ਦਬੋਚਿਆ