ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਯਾਨੀ EPFO ਵਲੋਂ ਪ੍ਰੋਵੀਡੈਂਟ ਫੰਡ ਕਵਰੇਜ ਦੀ ਤਨਖਾਹ ਲਿਮਿਟ 15000 ਰੁਪਏ ਤੋਂ ਵਧਾ ਕੇ 25000 ਰੁਪਏ ਪ੍ਰਤੀ ਮਹੀਨਾ ਕਰਨ ਤੋਂ ਬਾਅਦ ਹੁਣ ਜ਼ਿਆਦਾ ਮੁਲਾਜ਼ਮਾਂ ਦਾ ਇੱਕ ਹਿੱਸਾ ਸਿੱਧਾ ਪੈਨਸ਼ਨ ਯੋਜਨਾ ਭਾਵ ਕਿ EPS ਵਿੱਚ ਡਾਇਵਰਟ ਹੋਣ ਲੱਗਿਆ ਹੈ। ਇਸ ਨਵੇਂ ਬਦਲਾਅ ਦੇ ਤਹਿਤ 25,000 ਰੁਪਏ ਦੀ ਬੇਸਿਕ ਤਨਖਾਹ ਵਾਲੇ ਕਰਮਚਾਰੀਆਂ ਦੇ ਨਿਯੋਕਤਾ ਦੇ ਯੋਗਦਾਨ ਦਾ ਇੱਕ ਹਿੱਸਾ ਹੁਣ ਪੀਐਫ ਖਾਤੇ ਦੀ ਬਜਾਏ ਪੈਨਸ਼ਨ ਵਿੱਚ ਜਾਵੇਗਾ।
ਇਸ ਨਵੇਂ ਨਿਯਮ ਤੋਂ ਬਾਅਦ ਰਿਟਾਇਰਮੈਂਟ ਵੇਲੇ ਮਿਲਣ ਵਾਲਾ ਕੁੱਲ ਇੱਕਮੁਸ਼ਤ ਪੀਐਫ ਫੰਡ ਲਗਭਗ 20 ਲੱਖ ਰੁਪਏ ਦੀ ਘੱਟ ਹੋ ਜਾਵੇਗਾ ਪਰ ਬਦਲੇ ਵਿੱਚ, 58 ਸਾਲ ਦੀ ਉਮਰ ਤੋਂ ਬਾਅਦ ਹਰ ਮਹੀਨੇ 9600 ਰੁਪਏ ਦੀ ਪੱਕੀ ਪੈਨਸ਼ਨ ਮਿਲੇਗੀ।
ਨਵੇਂ ਬਦਲਾਅ ਤੋਂ ਬਾਹਰ ਨਹੀਂ ਨਿਕਲ ਸਕਦੇ ਕਰਮਚਾਰੀ
ਇਹ ਆਮ ਤੌਰ ‘ਤੇ ਉਹ ਕਰਮਚਾਰੀ ਹੁੰਦੇ ਹਨ, ਜਿਨ੍ਹਾਂ ਦਾ ਸਾਲਾਨਾ ਤਨਖਾਹ ਪੈਕੇਜ ਲਗਭਗ ₹6 ਲੱਖ ਜਾਂ ਇਸ ਤੋਂ ਘੱਟ ਹੁੰਦਾ ਹੈ, ਕਿਉਂਕਿ ਮੂਲ ਤਨਖਾਹ ਆਮ ਤੌਰ ‘ਤੇ ਪੈਕੇਜ ਦੇ ਅੱਧੇ ਹਿੱਸੇ ਦੇ ਬਰਾਬਰ ਹੁੰਦੀ ਹੈ। ਸਰਕਾਰ ਨੇ ਇਸ ਸਾਲ 17 ਸਤੰਬਰ ਤੋਂ ਪੀਐਫ ਕਵਰੇਜ ਲਈ ਤਨਖਾਹ ਲਿਮਿਟ ₹15,000 ਤੋਂ ਵਧਾ ਕੇ ₹25,000 ਕਰ ਦਿੱਤੀ ਹੈ। ਇਹ ਬਦਲਾਅ ਆਪਣੇ ਆਪ ਲਾਗੂ ਹੋ ਜਾਵੇਗਾ, ਅਤੇ ਕਰਮਚਾਰੀ ਬਾਹਰ ਨਹੀਂ ਨਿਕਲ ਸਕਦੇ।
ਇਹ ਧਿਆਨ ਦੇਣ ਯੋਗ ਹੈ ਕਿ ਸਤੰਬਰ 2014 ਤੋਂ ਬਾਅਦ ਭਰਤੀ ਕੀਤੇ ਗਏ ਕਰਮਚਾਰੀ, ਜਿਨ੍ਹਾਂ ਦੀ ਮਾਸਿਕ ਮੂਲ ਆਮਦਨ ₹15,001 ਅਤੇ ₹25,000 ਦੇ ਵਿਚਕਾਰ ਹੈ, ਅਤੇ ਜੋ ਪਹਿਲਾਂ ਪੈਨਸ਼ਨ ਸਕੀਮ ਦੇ ਅਧੀਨ ਨਹੀਂ ਆਉਂਦੇ ਸਨ, ਹੁਣ ਕਵਰ ਕੀਤੇ ਗਏ ਹਨ।
ਮੰਥਲੀ ਪੈਨਸ਼ਨ ਦਾ ਗਣਿਤ ਸਮਝੋ
ਜੇਕਰ ਤੁਸੀਂ 25 ਸਾਲ ਕੰਮ ਕੀਤਾ ਹੈ, ਤਾਂ ਤੁਹਾਡੀ ਕੁੱਲ ਸੇਵਾ 27 ਸਾਲ ਮੰਨੀ ਜਾਂਦੀ ਹੈ, ਜਿਸ ਵਿੱਚ 20 ਸਾਲਾਂ ਤੋਂ ਵੱਧ ਸੇਵਾ ਕਰਨ ‘ਤੇ ਦੋ ਸਾਲਾਂ ਦਾ ਬੋਨਸ ਵੀ ਸ਼ਾਮਲ ਹੈ। ਇਸ ਅਨੁਸਾਰ, ਤੁਹਾਨੂੰ ਲਗਭਗ ₹9,643 ਦੀ ਮਹੀਨਾਵਾਰ ਪੈਨਸ਼ਨ ਮਿਲੇਗੀ। ਪੈਨਸ਼ਨ ਪ੍ਰਾਪਤ ਕਰਨ ਲਈ ਘੱਟੋ-ਘੱਟ 10 ਸਾਲ ਨੌਕਰੀ ਕਰਨ ਦੀ ਲੋੜ ਹੈ।
ਜੇਕਰ ਕੋਈ ਕਰਮਚਾਰੀ ਮਰ ਜਾਂਦਾ ਹੈ, ਤਾਂ ਉਸਦੇ ਜੀਵਨ ਸਾਥੀ ਨੂੰ ਜੀਵਨ ਭਰ ਲਈ ਪੈਨਸ਼ਨ ਮਿਲਦੀ ਹੈ। ਇਸ ਤੋਂ ਇਲਾਵਾ, ਉਸਦੇ 25 ਸਾਲ ਦੀ ਉਮਰ ਤੱਕ ਦੇ ਦੋ ਬੱਚਿਆਂ ਨੂੰ ਵੀ ਪੈਨਸ਼ਨ ਲਾਭ ਮਿਲਦਾ ਹੈ।
ਮਿਲਦਾ 7 ਲੱਖ ਤੱਕ ਦਾ ਬੀਮਾ ਕਲੇਮ
PF ਖਾਤਾ ਧਾਰਕਾਂ ਨੂੰ ਕੰਪਨੀ ਦੁਆਰਾ ਮੁਫ਼ਤ ਜੀਵਨ ਬੀਮਾ (EDLI) ਵੀ ਪ੍ਰਦਾਨ ਕੀਤਾ ਜਾਂਦਾ ਹੈ। ਜੇਕਰ ਕਿਸੇ ਕਰਮਚਾਰੀ ਦੀ ਨੌਕਰੀ ਦੌਰਾਨ ਮੌਤ ਹੋ ਜਾਂਦੀ ਹੈ, ਤਾਂ ਉਸਦੇ ਪਰਿਵਾਰ ਨੂੰ ₹2.5 ਲੱਖ ਤੋਂ ₹7 ਲੱਖ ਤੱਕ ਦਾ ਬੀਮਾ ਦਾਅਵਾ ਪ੍ਰਾਪਤ ਹੁੰਦਾ ਹੈ।
ਕੁੱਲ ਮਿਲਾ ਕੇ, ਤੁਸੀਂ ਹੁਣ ਕੰਪਨੀ ਦੇ ਯੋਗਦਾਨ ਦਾ ਇੱਕ ਹਿੱਸਾ ਨਹੀਂ ਕਢਵਾ ਸਕਦੇ, ਉਦਾਹਰਨ ਦੇ ਤੌਰ ‘ਤੇ ₹2083 ਪ੍ਰਤੀ ਮਹੀਨਾ ਨਾ ਤਾਂ ਤੁਸੀਂ ਕਢਵਾ ਸਕਦੇ ਹੋ ਤੇ ਨਾ ਹੀ ਤੁਸੀਂ ਨਿਵੇਸ਼ ਕਰ ਸਕਦੇ ਹੋ। ਤੁਹਾਨੂੰ ਇਹ ਪੈਸਾ ਸਿਰਫ਼ ਮਹੀਨਾਵਾਰ ਪੈਨਸ਼ਨ ਵਜੋਂ ਮਿਲੇਗਾ।