ODI And T20I Squad Announcement: ਕ੍ਰਿਕਟ ਜਗਤ ਤੋਂ ਅਹਿਮ ਖਬਰ ਸਾਹਮਣੇ ਆ ਰਹੀ ਹੈ। ਦੱਸ ਦੇਈਏ ਕਿ ਤਿੰਨ ਵਨਡੇ ਮੈਚਾਂ ਦੀ ਸੀਰੀਜ਼ ਲਈ ਟੀਮ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਦਰਅਸਲ, ਆਸਟ੍ਰੇਲੀਆਈ ਕ੍ਰਿਕਟ ਟੀਮ ਨੇ ਪਾਕਿਸਤਾਨ ਅਤੇ ਬੰਗਲਾਦੇਸ਼ ਦੇ ਆਉਣ ਵਾਲੇ ਦੌਰਿਆਂ ਲਈ ਆਪਣੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਚੋਣ ਦੀ ਸਭ ਤੋਂ ਅਹਿਮ ਗੱਲ ਇਹ ਹੈ ਕਿ ਟੀਮ ਦੇ ਤਿੰਨ ਪ੍ਰਮੁੱਖ ਤੇਜ਼ ਗੇਂਦਬਾਜ਼ ਪੈਟ ਕਮਿੰਸ, ਮਿਚੇਲ ਸਟਾਰਕ ਅਤੇ ਜੋਸ਼ ਹੇਜ਼ਲਵੁੱਡ ਨੂੰ ਟੀਮ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ ਹੈ। ਇਨ੍ਹਾਂ ਦਿੱਗਜਾਂ ਦੀ ਗੈਰ-ਮੌਜੂਦਗੀ ਵਿੱਚ ਮਿਚੇਲ ਮਾਰਸ਼ ਕਪਤਾਨੀ ਦੀ ਜ਼ਿੰਮੇਵਾਰੀ ਸੰਭਾਲਦੇ ਹੋਏ ਨਜ਼ਰ ਆਉਣਗੇ।
ਜਾਣੋ ਕਦੋਂ ਸ਼ੁਰੂ ਹੋਣਗੇ ਮੁਕਾਬਲੇ?
ਆਸਟ੍ਰੇਲੀਆ ਅਤੇ ਪਾਕਿਸਤਾਨ ਵਿਚਾਲੇ ਤਿੰਨ ਵਨਡੇ ਮੈਚਾਂ ਦੀ ਸੀਰੀਜ਼ ਇਸੇ ਮਹੀਨੇ ਦੇ ਅਖੀਰ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ, ਜਿਸ ਦਾ ਪਹਿਲਾ ਮੁਕਾਬਲਾ 30 ਮਈ ਨੂੰ ਖੇਡਿਆ ਜਾਵੇਗਾ। ਮੰਨਿਆ ਜਾ ਰਿਹਾ ਹੈ ਕਿ ਇਸੇ ਸੀਰੀਜ਼ ਰਾਹੀਂ ਆਸਟ੍ਰੇਲੀਆਈ ਟੀਮ ਨੇ ਵਨਡੇ ਵਿਸ਼ਵ ਕੱਪ 2027 ਲਈ ਆਪਣੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਪਾਕਿਸਤਾਨ ਤੋਂ ਬਾਅਦ ਟੀਮ ਬੰਗਲਾਦੇਸ਼ ਦੇ ਦੌਰੇ ‘ਤੇ ਜਾਵੇਗੀ, ਜਿੱਥੇ ਤਿੰਨ ਵਨਡੇ ਅਤੇ ਤਿੰਨ ਟੀ-20 ਅੰਤਰਰਾਸ਼ਟਰੀ ਮੈਚਾਂ ਦੀ ਸੀਰੀਜ਼ ਖੇਡੀ ਜਾਵੇਗੀ।
ਕ੍ਰਿਕਟ ਆਸਟ੍ਰੇਲੀਆ ਨੇ ਇਸ ਵਾਰ ਕਈ ਨਵੇਂ ਅਤੇ ਨੌਜਵਾਨ ਚਿਹਰਿਆਂ ‘ਤੇ ਭਰੋਸਾ ਜਤਾਇਆ ਹੈ। ਟੀਮ ਵਿੱਚ ਅੰਡਰ-19 ਦੇ ਖਿਡਾਰੀ ਲੀਆਮ ਸਕੌਟ ਅਤੇ ਓਲੀ ਪੀਕ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਇੱਕ ਹੋਰ ਹੈਰਾਨੀਜਨਕ ਫੈਸਲੇ ਵਿੱਚ, ਟੀ-20 ਸੀਰੀਜ਼ ਲਈ ਧਾਕੜ ਬੱਲੇਬਾਜ਼ ਗਲੇਨ ਮੈਕਸਵੈੱਲ ਨੂੰ ਜਗ੍ਹਾ ਨਹੀਂ ਦਿੱਤੀ ਗਈ ਹੈ। ਕਮਿੰਸ, ਸਟਾਰਕ ਅਤੇ ਹੇਜ਼ਲਵੁੱਡ ਨੂੰ ਆਰਾਮ ਦਿੱਤਾ ਗਿਆ ਹੈ ਤਾਂ ਜੋ ਉਹ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (WTC) ਦੇ ਮੁਕਾਬਲਿਆਂ ਲਈ ਤਾਜ਼ਾਦਮ ਹੋ ਕੇ ਮੈਦਾਨ ਵਿੱਚ ਉਤਰ ਸਕਣ।
ਇੱਥੇ ਜਾਣੋ ਦੌਰੇ ਦਾ ਪੂਰਾ ਸ਼ਡਿਊਲ:
ਪਾਕਿਸਤਾਨ ਬਨਾਮ ਆਸਟ੍ਰੇਲੀਆ (ਵਨਡੇ ਸੀਰੀਜ਼): 30 ਮਈ (ਰਾਵਲਪਿੰਡੀ), 2 ਜੂਨ ਅਤੇ 4 ਜੂਨ (ਲਾਹੌਰ)।
ਬੰਗਲਾਦੇਸ਼ ਬਨਾਮ ਆਸਟ੍ਰੇਲੀਆ (ਵਨਡੇ ਸੀਰੀਜ਼): 9, 11 ਅਤੇ 14 ਜੂਨ (ਢਾਕਾ)।
ਬੰਗਲਾਦੇਸ਼ ਬਨਾਮ ਆਸਟ੍ਰੇਲੀਆ (ਟੀ-20 ਸੀਰੀਜ਼): 17, 19 ਅਤੇ 21 ਜੂਨ (ਚਟਗਾਂਵ)।
ਪਾਕਿਸਤਾਨ ਦੌਰੇ ਲਈ ਆਸਟ੍ਰੇਲੀਆਈ ਵਨਡੇ ਟੀਮ:
ਮਿਚੇਲ ਮਾਰਸ਼ (ਕਪਤਾਨ), ਐਲੇਕਸ ਕੈਰੀ, ਨਾਥਨ ਐਲਿਸ, ਕੈਮਰੂਨ ਗ੍ਰੀਨ, ਜੋਸ਼ ਇੰਗਲਿਸ, ਮੈਥਿਊ ਕੁਹਨੇਮਨ, ਮਾਰਨਸ ਲਾਬੂਸ਼ੇਨ, ਰਿਲੇ ਮੇਰੇਡਿਥ, ਓਲੀਵਰ ਪੀਕ, ਮੈਥਿਊ ਰੇਨਸ਼ਾਅ, ਤਨਵੀਰ ਸੰਘਾ, ਲੀਆਮ ਸਕੌਟ, ਮੈਟ ਸ਼ਾਰਟ, ਬਿਲੀ ਸਟੈਨਲੇਕ, ਐਡਮ ਜ਼ੈਂਪਾ।
ਹੋਰ ਪੜ੍ਹੋ