Nikita Rawal Viral Video : ਨਿਕਿਤਾ ਰਾਵਲ ਨਾਲ ਹਾਲ ਹੀ ਵਿੱਚ ਰੈੱਡ ਕਾਰਪੇਟ ‘ਤੇ ਕੁਝ ਅਜਿਹਾ ਹੋਇਆ, ਜਿਸਦੀ ਸ਼ਾਇਦ ਅਦਾਕਾਰਾ ਨੇ ਵੀ ਉਮੀਦ ਨਹੀਂ ਕੀਤੀ ਹੋਵੇਗੀ। ਇਵੈਂਟ ਦੌਰਾਨ ਇੱਕ ਮਹਿਲਾ ਫੈਨ ਸੈਲਫੀ ਲੈਣ ਲਈ ਉਨ੍ਹਾਂ ਕੋਲ ਪਹੁੰਚੀ। ਨਿਕਿਤਾ ਨੇ ਵੀ ਖੁਸ਼ੀ-ਖੁਸ਼ੀ ਉਸਦੇ ਨਾਲ ਤਸਵੀਰ ਖਿਚਵਾਈ ਅਤੇ ਇਸ ਦੌਰਾਨ ਮੁਸਕਰਾਉਂਦੀ ਨਜ਼ਰ ਆਈ ਪਰ ਇਸ ਤੋਂ ਬਾਅਦ ਫੈਨ ਨੇ ਅਚਾਨਕ ਕੁਝ ਅਜਿਹਾ ਕਰ ਦਿੱਤਾ, ਜਿਸ ਨਾਲ ਨਿਕਿਤਾ ਦੇ ਨਾਲ-ਨਾਲ ਉੱਥੇ ਮੌਜੂਦ ਲੋਕ ਅਤੇ ਸੋਸ਼ਲ ਮੀਡੀਆ ਯੂਜ਼ਰ ਵੀ ਹੈਰਾਨ ਰਹਿ ਗਏ।
ਨਿਕਿਤਾ ਰਾਵਲ ਇਨ੍ਹੀਂ ਦਿਨੀਂ ਕਾਫੀ ਚਰਚਾ ਵਿੱਚ ਹਨ। ਹਾਲ ਹੀ ਵਿੱਚ ਉਨ੍ਹਾਂ ਨੇ ‘ਰਾਮਾਇਣ’ ਵਿੱਚ ਰਣਬੀਰ ਕਪੂਰ ਦੇ ਰਾਮ ਬਣਨ ‘ਤੇ ਨਾਰਾਜ਼ਗੀ ਜ਼ਾਹਰ ਕੀਤੀ ਸੀ ਅਤੇ ਉਨ੍ਹਾਂ ਦਾ ਬਿਆਨ ਕਾਫੀ ਵਾਇਰਲ ਹੋਇਆ ਸੀ। ਇਸੇ ਵਿਚਕਾਰ ਅਦਾਕਾਰਾ ਇੱਕ ਵਾਰ ਫਿਰ ਚਰਚਾ ਵਿੱਚ ਆ ਗਈ ਹੈ। ਇਸ ਵਾਰ ਵਜ੍ਹਾ ਇੱਕ ਵਾਇਰਲ ਕਲਿੱਪ ਹੈ, ਜਿਸ ਵਿੱਚ ਇੱਕ ਮਹਿਲਾ ਫੈਨ ਅਦਾਕਾਰਾ ਨੂੰ ਸਭ ਦੇ ਸਾਹਮਣੇ ਲਿਪ-ਲਾਕ ਕਰਦੀ ਦਿਖਾਈ ਦੇ ਰਹੀ ਹੈ।
ਨਿਕਿਤਾ ਰਾਵਲ ਨੂੰ ਫੈਨ ਨੇ ਕੀਤਾ ਕਿਸ
8 ਅਗਸਤ ਨੂੰ ਨਿਕਿਤਾ ਰਾਵਲ ਇੱਕ ਇਵੈਂਟ ਦੇ ਰੈੱਡ ਕਾਰਪੇਟ ‘ਤੇ ਪੈਪਰਾਜ਼ੀ ਲਈ ਪੋਜ਼ ਦੇ ਰਹੀ ਸੀ। ਇਸੇ ਦੌਰਾਨ ਇੱਕ ਮਹਿਲਾ ਫੈਨ ਉਨ੍ਹਾਂ ਕੋਲ ਆਈ ਅਤੇ ਸੈਲਫੀ ਲੈਣ ਲਈ ਕਹਿਣ ਲੱਗੀ। ਅਦਾਕਾਰਾ ਨੇ ਉਸਦੀ ਗੱਲ ਮੰਨ ਲਈ ਅਤੇ ਉਸਦੇ ਨਾਲ ਤਸਵੀਰ ਖਿਚਵਾਉਣ ਲੱਗੀ। ਫੋਟੋ ਕਲਿੱਕ ਹੋਣ ਤੋਂ ਬਾਅਦ ਉਸ ਫੈਨ ਨੇ ਪਹਿਲਾਂ ਨਿਕਿਤਾ ਦੇ ਗੱਲ੍ਹ ‘ਤੇ ਕਿਸ ਕੀਤਾ ਅਤੇ ਫਿਰ ਅਦਾਕਾਰਾ ਨੂੰ ਆਪਣੇ ਵੱਲ ਖਿੱਚ ਕੇ ਅਚਾਨਕ ਹੋਠਾਂ ‘ਤੇ ਕਿਸ ਕਰ ਦਿੱਤਾ।
ਅਚਾਨਕ ਹੋਈ ਹਰਕਤ ਨਾਲ ਹੈਰਾਨ ਹੋ ਗਈ ਨਿਕਿਤਾ
ਇਸ ਅਚਾਨਕ ਹੋਈ ਹਰਕਤ ਨਾਲ ਨਿਕਿਤਾ ਰਾਵਲ ਕੁਝ ਪਲਾਂ ਲਈ ਪੂਰੀ ਤਰ੍ਹਾਂ ਹੈਰਾਨ ਰਹਿ ਗਈ। ਵੀਡੀਓ ਵਿੱਚ ਅਦਾਕਾਰਾ ਉਸਨੂੰ ਰੋਕਣ ਅਤੇ ਆਪਣੇ ਤੋਂ ਦੂਰ ਕਰਨ ਦੀ ਕੋਸ਼ਿਸ਼ ਕਰਦੀ ਨਜ਼ਰ ਆ ਰਹੀ ਹੈ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਤੁਰੰਤ ਆਪਣੇ ਹੋਠਾਂ ‘ਤੇ ਹੱਥ ਰੱਖਿਆ ਅਤੇ ਹੈਰਾਨੀ ਭਰੇ ਹਾਵ-ਭਾਵ ਦਿੱਤੇ।
ਹਾਲਾਂਕਿ, ਮਹਿਲਾ ਫੈਨ ਇੱਥੇ ਨਹੀਂ ਰੁਕੀ। ਉਸਨੇ ਨਿਕਿਤਾ ਨੂੰ ਆਪਣੇ ਨੇੜੇ ਫੜੀ ਰੱਖਿਆ ਅਤੇ ਦੁਬਾਰਾ ਕਿਸ ਕਰਨ ਦੀ ਕੋਸ਼ਿਸ਼ ਕੀਤੀ। ਇਸ ਦੌਰਾਨ ਅਦਾਕਾਰਾ ਕਾਫੀ ਅਸਹਿਜ ਨਜ਼ਰ ਆਈ। ਉੱਥੋਂ ਜਾਣ ਤੋਂ ਪਹਿਲਾਂ ਵੀ ਮਹਿਲਾ ਨੇ ਇੱਕ ਵਾਰ ਫਿਰ ਨਿਕਿਤਾ ਦੇ ਗੱਲ੍ਹ ‘ਤੇ ਕਿਸ ਕੀਤਾ ਅਤੇ ਉੱਥੋਂ ਚਲੀ ਗਈ।
ਕੌਣ ਹੈ ਨਿਕਿਤਾ ਰਾਵਲ?
ਨਿਕਿਤਾ ਰਾਵਲ ਬਾਲੀਵੁੱਡ ਦੇ ਨਾਲ-ਨਾਲ ਸਾਊਥ ਫਿਲਮ ਇੰਡਸਟਰੀ ਵਿੱਚ ਵੀ ਕੰਮ ਕਰ ਚੁੱਕੀ ਹੈ। ਮੁੰਬਈ ਵਿੱਚ ਜਨਮੀ ਨਿਕਿਤਾ ਨੇ ‘ਬਲੈਕ ਐਂਡ ਵਾਈਟ’ ਵਿੱਚ ਅਨਿਲ ਕਪੂਰ ਅਤੇ ਸ਼ੈਫਾਲੀ ਸ਼ਾਹ ਨਾਲ ਕੰਮ ਕੀਤਾ ਹੈ। ਇਸ ਤੋਂ ਇਲਾਵਾ ਉਹ ‘ਮਿਸਟਰ ਹਾਟ ਮਿਸਟਰ ਕੂਲ’, ‘ਦ ਹੀਰੋ-ਅਭਿਮਨਿਊ’, ‘ਅੰਮਾ ਕੀ ਬੋਲੀ’, ‘ਗਰਮ ਮਸਾਲਾ’ ਅਤੇ ‘ਕਿਊਟ ਕਮੀਨਾ’ ਵਰਗੀਆਂ ਫਿਲਮਾਂ ਵਿੱਚ ਵੀ ਨਜ਼ਰ ਆ ਚੁੱਕੀ ਹੈ।
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਨਿਕਿਤਾ ਰਾਵਲ ਜਲਦ ਹੀ ਫਿਲਮ ‘ਰੋਟੀ ਕੱਪੜਾ ਔਰ ਰੋਮਾਂਸ* ਵਿੱਚ ਨਜ਼ਰ ਆਵੇਗੀ। ਇਸ ਫਿਲਮ ਵਿੱਚ ਉਨ੍ਹਾਂ ਦੇ ਨਾਲ ਅਰਸ਼ਦ ਵਾਰਸੀ ਅਤੇ ਚੰਕੀ ਪਾਂਡੇ ਵੀ ਅਹਿਮ ਭੂਮਿਕਾਵਾਂ ਵਿੱਚ ਦਿਖਾਈ ਦੇਣਗੇ।