Budgeting Tips : ਮਹੀਨੇ ਦਾ ਪਹਿਲਾ ਹਫ਼ਤਾ ਤਾਂ ਰਾਜਿਆਂ ਵਾਂਗ ਲੰਘਦਾ ਹੈ, ਪਰ 15 ਤਾਰੀਖ ਆਉਂਦੇ-ਆਉਂਦੇ ਵਾਲਿਟ ਖਾਲੀ ਅਤੇ ਬੈਂਕ ਅਕਾਊਂਟ ਵਿੱਚ ਬੈਲੇਂਸ ‘ਨਿਲ’ ਹੋਣ ਲੱਗਦਾ ਹੈ। ਜੇ ਤੁਹਾਡੀ ਤਨਖਾਹ ਵੀ ਮਹੀਨੇ ਦੇ ਵਿਚਕਾਰ ਹੀ ਖ਼ਤਮ ਹੋ ਜਾਂਦੀ ਹੈ ਅਤੇ ਬਾਕੀ ਦੇ 15 ਦਿਨ ਉਧਾਰ ਜਾਂ ਕ੍ਰੈਡਿਟ ਕਾਰਡ ਦੇ ਸਹਾਰੇ ਕੱਟਣੇ ਪੈਂਦੇ ਹਨ, ਤਾਂ ਤੁਸੀਂ ਇਕੱਲੇ ਨਹੀਂ ਹੋ। ਮਿਡਲ ਕਲਾਸ ਨੌਕਰੀਪੇਸ਼ਾ ਲੋਕਾਂ ਲਈ ਇਹ ਇੱਕ ਆਮ ਸਮੱਸਿਆ ਬਣ ਚੁੱਕੀ ਹੈ।
RBI ਅਤੇ ਵਿੱਤੀ ਮਾਹਿਰਾਂ ਦੀਆਂ ਰਿਪੋਰਟਾਂ ਮੁਤਾਬਕ, ਲਗਭਗ 60% ਤਨਖਾਹਦਾਰ ਲੋਕ ਸਹੀ Money Management ਨਾ ਹੋਣ ਕਾਰਨ ਹਰ ਮਹੀਨੇ ਇਸ ਵਿੱਤੀ ਸੰਕਟ ਦਾ ਸਾਹਮਣਾ ਕਰਦੇ ਹਨ। ਸਹੀ ਰਣਨੀਤੀ ਅਪਣਾ ਕੇ ਤੁਸੀਂ ਨਾ ਸਿਰਫ਼ ਬਾਕੀ ਦੇ 15 ਦਿਨ ਬਿਨਾਂ ਤਣਾਅ ਕੱਢ ਸਕਦੇ ਹੋ, ਸਗੋਂ ਭਵਿੱਖ ਲਈ ਬਚਤ ਵੀ ਕਰ ਸਕਦੇ ਹੋ।
ਬਾਕੀ ਦੇ 15 ਦਿਨ ਬਿਨਾਂ ਉਧਾਰ ਕਿਵੇਂ ਕੱਟੀਏ?
ਜੇ ਇਸ ਮਹੀਨੇ ਤੁਹਾਡੀ ਜੇਬ 15 ਤਾਰੀਖ ਨੂੰ ਹੀ ਖਾਲੀ ਹੋ ਚੁੱਕੀ ਹੈ ਤਾਂ ਤੁਰੰਤ ਇਹ ਐਮਰਜੈਂਸੀ ਕਦਮ ਚੁੱਕੋ:
ਗੈਰ-ਜ਼ਰੂਰੀ ਖਰਚਿਆਂ ’ਤੇ ਬ੍ਰੇਕ : ਬਾਹਰ ਦਾ ਖਾਣਾ, Online Shopping ਅਤੇ OTT Subscriptions ਵਰਗੇ ਖਰਚਿਆਂ ’ਤੇ ਤੁਰੰਤ ਰੋਕ ਲਗਾਓ।
ਸਿਰਫ਼ ‘Needs’ ’ਤੇ ਧਿਆਨ : ਰਾਸ਼ਨ, ਦੁੱਧ, ਬਿਜਲੀ ਦਾ ਬਿੱਲ ਅਤੇ ਮੈਡੀਕਲ ਵਰਗੇ ਜ਼ਰੂਰੀ ਖਰਚਿਆਂ ਦੀ ਸੂਚੀ ਬਣਾਓ ਅਤੇ ਸਿਰਫ਼ ਇਨ੍ਹਾਂ ’ਤੇ ਪੈਸਾ ਖਰਚ ਕਰੋ।
No-Spend Days : ਹਫ਼ਤੇ ਵਿੱਚ 2 ਦਿਨ ਅਜਿਹੇ ਤੈਅ ਕਰੋ ਜਦੋਂ ਤੁਸੀਂ ਇੱਕ ਵੀ ਰੁਪਇਆ ਖਰਚ ਨਾ ਕਰੋ।
ਕ੍ਰੈਡਿਟ ਕਾਰਡ ਦੇ ਜਾਲ ਤੋਂ ਬਚੋ : ਬਾਕੀ ਦਿਨਾਂ ਲਈ ਕ੍ਰੈਡਿਟ ਕਾਰਡ ਰਾਹੀਂ ਫ਼ਜ਼ੂਲ ਖਰਚ ਨਾ ਕਰੋ। ਇਸ ਨਾਲ ਅਗਲੇ ਮਹੀਨੇ ਦਾ ਬਜਟ ਵੀ ਵਿਗੜ ਸਕਦਾ ਹੈ।
ਹਰ ਮਹੀਨੇ ਲਈ ਸਹੀ ਬਜਟ ਕਿਵੇਂ ਸੈੱਟ ਕਰੀਏ?
ਤਨਖਾਹ ਪੂਰੇ 30 ਦਿਨ ਚੱਲੇ, ਇਸ ਲਈ ਦੁਨੀਆ ਭਰ ਦੇ ਕਈ Financial Advisors 50-30-20 Rule ਦੀ ਸਲਾਹ ਦਿੰਦੇ ਹਨ। ਆਪਣੀ ਤਨਖਾਹ ਨੂੰ ਇਸ ਤਰ੍ਹਾਂ ਵੰਡਿਆ ਜਾ ਸਕਦਾ ਹੈ:
ਤਨਖਾਹ ਆਉਂਦੇ ਹੀ ਸਭ ਤੋਂ ਪਹਿਲਾਂ ਕੀ ਕਰੀਏ?
ਮਹੀਨੇ ਦੀ 1 ਤਾਰੀਖ ਨੂੰ ਜਿਵੇਂ ਹੀ ਤਨਖਾਹ ਕ੍ਰੈਡਿਟ ਹੋਵੇ, ‘ਪਹਿਲਾਂ ਖਰਚ, ਫਿਰ ਬਚਤ* ਦੀ ਬਜਾਏ ‘ਪਹਿਲਾਂ ਬਚਤ, ਫਿਰ ਖਰਚ* ਦਾ ਫਾਰਮੂਲਾ ਅਪਣਾਓ।
Pay Yourself First : ਤਨਖਾਹ ਆਉਂਦੇ ਹੀ ਸਭ ਤੋਂ ਪਹਿਲਾਂ 20% ਹਿੱਸਾ ਵੱਖਰੇ Savings Account ਜਾਂ Mutual Fund ਵਿੱਚ ਟ੍ਰਾਂਸਫਰ ਕਰ ਦਿਓ।
Fixed Expenses ਦਾ ਭੁਗਤਾਨ : ਕਿਰਾਇਆ ਅਤੇ ਬਿੱਲ 5 ਤਾਰੀਖ ਤੋਂ ਪਹਿਲਾਂ ਹੀ ਭਰ ਦਿਓ, ਤਾਂ ਜੋ ਤੁਹਾਨੂੰ ਪਤਾ ਰਹੇ ਕਿ ਹੱਥ ਵਿੱਚ ਅਸਲ ਵਿੱਚ ਕਿੰਨੇ ਪੈਸੇ ਬਚੇ ਹਨ।
Daily Limit ਤੈਅ ਕਰੋ : ਬਚੇ ਹੋਏ ਪੈਸਿਆਂ ਨੂੰ 30 ਦਿਨਾਂ ਨਾਲ ਵੰਡ ਲਓ ਅਤੇ ਆਪਣਾ ਰੋਜ਼ਾਨਾ ਖਰਚ ਤੈਅ ਕਰ ਲਓ।
ਫ਼ਜ਼ੂਲ ਖਰਚ ’ਤੇ ਲਗਾਮ ਲਗਾਉਣ ਦੇ ਆਸਾਨ ਤਰੀਕੇ
ਛੋਟੀਆਂ-ਛੋਟੀਆਂ ਆਦਤਾਂ ਮਹੀਨੇ ਦੇ ਅੰਤ ਵਿੱਚ ਵੱਡਾ ਫ਼ਰਕ ਪੈਦਾ ਕਰ ਸਕਦੀਆਂ ਹਨ। ਆਪਣੇ ਖਰਚਿਆਂ ਨੂੰ Track ਕਰਨ ਲਈ Digital Diary ਜਾਂ Budget Apps, ਜਿਵੇਂ Walnut ਜਾਂ Money Manager, ਦੀ ਵਰਤੋਂ ਕਰ ਸਕਦੇ ਹੋ। ਕਿਸੇ ਵੀ ਗੈਰ-ਜ਼ਰੂਰੀ ਚੀਜ਼ ਨੂੰ ਖਰੀਦਣ ਤੋਂ ਪਹਿਲਾਂ ‘48 ਘੰਟਿਆਂ ਦਾ ਨਿਯਮ’ ਅਪਣਾਓ। ਭਾਵ ਖਰੀਦਦਾਰੀ ਕਰਨ ਤੋਂ ਪਹਿਲਾਂ ਖੁਦ ਨੂੰ 48 ਘੰਟਿਆਂ ਦਾ ਸਮਾਂ ਦਿਓ। ਅਕਸਰ ਇਸ ਦੌਰਾਨ ਚੀਜ਼ ਖਰੀਦਣ ਦੀ ਇੱਛਾ ਆਪਣੇ ਆਪ ਖ਼ਤਮ ਹੋ ਜਾਂਦੀ ਹੈ।