Delhi Ganesh Death: ਮਨੋਰੰਜਨ ਜਗਤ ਵਿੱਚ ਇਸ ਸਮੇਂ ਸੋਗ ਦਾ ਮਾਹੌਲ ਬਣਿਆ ਹੋਇਆ ਹੈ। ਦੱਸ ਦੇਈਏ ਕਿ ਫਿਲਮ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਦਿੱਲੀ ਗਣੇਸ਼ ਦਾ ਦੇਹਾਂਤ ਹੋ ਗਿਆ ਹੈ। ਅਦਾਕਾਰ ਲੰਬੇ ਸਮੇਂ ਤੋਂ ਬਿਮਾਰ ਸਨ, ਜਿਸ ਤੋਂ ਬਾਅਦ ਉਹ 9 ਨਵੰਬਰ 2024 (ਸ਼ਨੀਵਾਰ) ਨੂੰ 80 ਸਾਲ ਦੀ ਉਮਰ ਵਿੱਚ ਇਸ ਸੰਸਾਰ ਨੂੰ ਅਲਵਿਦਾ ਕਹਿ ਗਏ। ਉਨ੍ਹਾਂ ਦੇ ਬੇਟੇ ਮਹਾਦੇਵਨ ਨੇ ਉਨ੍ਹਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਦੱਸ ਦੇਈਏ ਕਿ ਦਿੱਲੀ ਗਣੇਸ਼ ਨੇ ਆਪਣੇ ਫਿਲਮੀ ਕਰੀਅਰ ਵਿੱਚ 400 ਤੋਂ ਵੱਧ ਫਿਲਮਾਂ ਵਿੱਚ ਕੰਮ ਕੀਤਾ ਸੀ।
ਦਿੱਲੀ ਗਣੇਸ਼ ਦੇ ਬੇਟੇ ਮਹਾਦੇਵਨ ਨੇ ਇੰਸਟਾਗ੍ਰਾਮ ਸਟੋਰੀ ‘ਤੇ ਪੋਸਟ ਕਰਦੇ ਹੋਏ ਲਿਖਿਆ- ‘ਸਾਨੂੰ ਇਹ ਦੱਸਦੇ ਹੋਏ ਬਹੁਤ ਦੁੱਖ ਹੋ ਰਿਹਾ ਹੈ ਕਿ ਸਾਡੇ ਪਿਤਾ ਦਿੱਲੀ ਗਣੇਸ਼ ਦਾ 9 ਨਵੰਬਰ ਨੂੰ ਰਾਤ ਕਰੀਬ 11 ਵਜੇ ਦੇਹਾਂਤ ਹੋ ਗਿਆ।’
ਦਿੱਲੀ ਗਣੇਸ਼ ਦੀ ਆਖਰੀ ਫਿਲਮ ਸੀ ਕਮਲ ਹਾਸਨ ਦੀ ਇੰਡੀਅਨ 2
ਮਰਹੂਮ ਅਦਾਕਾਰ ਦਿੱਲੀ ਗਣੇਸ਼ ਨੇ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ 1976 ਵਿੱਚ ਬਾਲਚੰਦਰ ਦੀ ਫਿਲਮ ‘ਪੱਟਿਨਾ ਪ੍ਰਵੇਸ਼ਮ’ ਨਾਲ ਕੀਤੀ ਸੀ। ਉਨ੍ਹਾਂ ਨੇ ਤਾਮਿਲ, ਤੇਲਗੂ ਅਤੇ ਮਲਿਆਲਮ ਵਿੱਚ 400 ਤੋਂ ਵੱਧ ਫਿਲਮਾਂ ਵਿੱਚ ਕੰਮ ਕੀਤਾ। ਨਾਇਕਨ, ਮਾਈਕਲ ਮਧਾਨਾ ਕਾਮ ਰਾਜਨ, ਸਿੰਧੂ ਭੈਰਵੀ, ਇਰੁਵਰ ਵਰਗੀਆਂ ਕਈ ਫਿਲਮਾਂ ਵਿੱਚ ਉਨ੍ਹਾਂ ਦੀ ਅਦਾਕਾਰੀ ਦੀ ਕਾਫੀ ਤਾਰੀਫ ਹੋਈ। ਉਹ ਆਖਰੀ ਵਾਰ ਕਮਲ ਹਾਸਨ ਦੀ ਫਿਲਮ ‘ਇੰਡੀਅਨ 2’ ‘ਚ ਨਜ਼ਰ ਆਏ ਸੀ।
ਦਿੱਲੀ ਗਣੇਸ਼ ਦਿੱਲੀ ਦਾ ਰਹਿਣ ਵਾਲਾ ਸੀ ਅਤੇ ਉਨ੍ਹਾਂ ਦਾ ਇਹ ਨਾਂ ਡਾਇਰੈਕਟਰ ਬਲਾਚੰਦਰ ਨੇ ਰੱਖਿਆ ਸੀ। ਅਭਿਨੇਤਾ ਦਿੱਲੀ ਵਿੱਚ ਇੱਕ ਥੀਏਟਰ ਮੰਡਲੀ, ਦੱਖਣੀ ਭਾਰਤ ਨਾਟਕ ਸਭਾ ਦਾ ਮੈਂਬਰ ਸੀ। ਉਨ੍ਹਾਂ ਇੱਕ ਦਹਾਕੇ ਤੱਕ ਭਾਰਤੀ ਹਵਾਈ ਸੈਨਾ ਵਿੱਚ ਸੇਵਾ ਕੀਤੀ।
3 ਸਾਲ ਪਹਿਲਾਂ ਕਮਲ ਹਾਸਨ ਬਾਰੇ ਕਹੀਆਂ ਸੀ ਅਜਿਹੀਆਂ ਗੱਲਾਂ
ਸਾਲ 2021 ਵਿੱਚ ਸਿਨੇਮਾ ਐਕਸਪ੍ਰੈਸ ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ ਦਿੱਲੀ ਗਣੇਸ਼ ਨੇ ਕਿਹਾ ਸੀ ਕਿ ਕਮਲ ਹਾਸਨ ਦੇ ਨਾਲ ਕੀਤੀਆਂ ਸਾਰੀਆਂ ਫਿਲਮਾਂ ਉਨ੍ਹਾਂ ਨੂੰ ਪਸੰਦ ਹਨ। ਉਨ੍ਹਾਂ ਨੇ ਕਿਹਾ ਸੀ- ‘ਮੈਂ ਕਮਲ ਹਾਸਨ ਦੇ ਨਾਲ ਜੋ ਵੀ ਫਿਲਮਾਂ ਕੀਤੀਆਂ ਹਨ। ਉਹ ਮੈਨੂੰ ਬਹੁਤ ਪਸੰਦ ਹਨ। ਮੈਨੂੰ ਲੱਗਦਾ ਹੈ ਕਿ ਉਨ੍ਹਾਂ ਨੇ ਮੈਨੂੰ ਸਭ ਤੋਂ ਵੱਧ ਮਾਨਤਾ ਦਿਵਾਈ। ਅਵਵੈ ਸ਼ਨਮੁਘੀ, ਤੇਨਾਲੀ, ਮਾਈਕਲ ਮਦਾਨਾ ਕਾਮਾ ਰਾਜਨ ਅਤੇ ਅਪੂਰਵਾ ਸਗੋਧਰਰਗਲ ਕੁਝ ਫਿਲਮਾਂ ਹਨ ਜੋ ਮਨ ਵਿੱਚ ਆਉਂਦੀਆਂ ਹਨ। ਕਮਲ ਅਭਿਨੇਤਾਵਾਂ ਨੂੰ ਬਹੁਤ ਥਾਂ ਦਿੰਦੇੇ ਹਨ ਅਤੇ ਉਹ ਤੁਹਾਡੇ ‘ਤੇ ਭਰੋਸਾ ਕਰਦੇ ਹਨ। ਉਸ ਨਾਲ ਹੀ ਸਾਰਾ ਫਰਕ ਪੈਂਦਾ ਹੈ।’