Loretta Swit Passed Away: ਮਨੋਰੰਜਨ ਜਗਤ ਤੋਂ ਇੱਕ ਦੁਖਦਾਈ ਖ਼ਬਰ ਆਈ ਹੈ, ਜਿਸ ਨਾਲ ਇੰਡਸਟਰੀ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ। ਐਮੀ ਅਵਾਰਡ ਜੇਤੂ ਅਦਾਕਾਰਾ ਲੋਟੇਰਾ ਸਵਿਫਟ ਦਾ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ 87 ਸਾਲ ਦੀ ਉਮਰ ਵਿੱਚ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਕਲਾਸਿਕ ਅਮਰੀਕੀ ਕਾਮੇਡੀ ਸ਼ੋਅ MASH* ਵਿੱਚ ਮੇਜਰ ਮਾਰਗਰੇਟ ‘ਹੌਟ ਲਿਪਸ’ ਹੌਲੀਹਾਨ ਦੇ ਕਿਰਦਾਰ ਨਾਲ ਪ੍ਰਸਿੱਧ ਹੋਈ ਲੋਟੇਰਾ ਸਵਿਫਟ ਦੀ ਮੌਤ ਦਾ ਕਾਰਨ ਕੁਦਰਤੀ ਮੰਨਿਆ ਜਾ ਰਿਹਾ ਹੈ।
ਨਿਊਯਾਰਕ ਵਿੱਚ ਲਿਆ ਆਖਰੀ ਸਾਹ
ਅਦਾਕਾਰਾ ਲੋਟੇਰਾ ਸਵਿਫਟ ਨੇ ਨਿਊਯਾਰਕ ਸਿਟੀ ਵਿੱਚ ਆਪਣੇ ਘਰ ਵਿੱਚ ਆਖਰੀ ਸਾਹ ਲਿਆ ਹੈ। ਹਾਲਾਂਕਿ, ਉਨ੍ਹਾਂ ਦੇ ਪਰਿਵਾਰ ਵੱਲੋਂ ਅਜੇ ਤੱਕ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ ਕਿ ਉਨ੍ਹਾਂ ਦੀ ਮੌਤ ਦਾ ਅਸਲ ਕਾਰਨ ਕੀ ਸੀ? ਉਨ੍ਹਾਂ ਦੇ ਪ੍ਰਸ਼ੰਸਕ ਇਸ ਦੁਖਦਾਈ ਖ਼ਬਰ ਤੋਂ ਬਹੁਤ ਹੈਰਾਨ ਹਨ। ਉਹ ਸੋਸ਼ਲ ਮੀਡੀਆ ਰਾਹੀਂ ਉਸਨੂੰ ਸ਼ਰਧਾਂਜਲੀ ਦੇ ਰਹੇ ਹਨ ਅਤੇ ਉਸਦੇ ਕੰਮ ਨੂੰ ਯਾਦ ਕਰ ਰਹੇ ਹਨ।
ਕਿਉਂ ਮਸ਼ਹੂਰ ਹੋਈ ਸੀ ਲੋਟੇਰਾ ਸਵਿਫਟ ?
ਅਦਾਕਾਰਾ ਲੋਟੇਰਾ ਸਵਿਫਟ ਨੇ ਆਪਣੇ ਕਰੀਅਰ ਵਿੱਚ ਕਈ ਵਧੀਆ ਸ਼ੋਅ ਕੀਤੇ ਹਨ। ਇਸ ਤੋਂ ਇਲਾਵਾ, ਉਹ ਐਲਨ ਐਲਡਾ ਨਾਲ MASH ਵਿੱਚ ਆਪਣੇ ਕਿਰਦਾਰ ਲਈ ਪ੍ਰਸਿੱਧ ਹੋਈ। ਇਹ ਸਭ ਤੋਂ ਲੰਮਾ ਸਮਾਂ ਚੱਲਣ ਵਾਲਾ ਸ਼ੋਅ 1972 ਤੋਂ 1983 ਤੱਕ ਟੀਵੀ ‘ਤੇ ਪ੍ਰਸਾਰਿਤ ਕੀਤਾ ਗਿਆ ਸੀ। ਇੱਕ ਫਿਲਮ ਅਤੇ ਇੱਕ ਨਾਵਲ ‘ਤੇ ਆਧਾਰਿਤ, ਇਸ CBS ਸੀਰੀਜ਼ ਵਿੱਚ ਕੋਰੀਆਈ ਯੁੱਧ ਦੌਰਾਨ ਇੱਕ ਘਟਨਾ ਨੂੰ ਦਰਸਾਇਆ ਗਿਆ ਸੀ। MASH ਹੁਣ ਤੱਕ ਸਭ ਤੋਂ ਵੱਧ ਦੇਖਿਆ ਜਾਣ ਵਾਲਾ ਟੀਵੀ ਸ਼ੋਅ ਬਣ ਗਿਆ ਹੈ।
ਸ਼ੋਅ ਨੂੰ ਮਿਲੇ ਸੀ ਪੁਰਸਕਾਰ
1972-1983 ਤੱਕ ਚੱਲਣ ਵਾਲੇ ਸ਼ੋਅ MASH ਲਈ ਲੋਟੇਰਾ ਸਵਿਫਟ ਨੂੰ ਦੋ ਬੇਸਟ ਸਹਿ-ਅਦਾਕਾਰਾ ਐਮੀ ਅਵਾਰਡ ਅਤੇ 10 ਹੋਰ ਨਾਮਜ਼ਦਗੀਆਂ ਪ੍ਰਾਪਤ ਹੋਈਆਂ ਸੀ। ਇਸ ਸ਼ੋਅ ਵਿੱਚ, ਉਨ੍ਹਾਂ ਨੇ ਮੇਜਰ ਮਾਰਗਰੇਟ ‘ਹੌਟ ਲਿਪਸ’ ਹੌਲੀਹਾਨ ਦੀ ਭੂਮਿਕਾ ਨਿਭਾਈ। ਉਹ ਇੱਕ ਕਾਮੁਕ, ਸਖ਼ਤ ਪਰ ਕਮਜ਼ੋਰ ਦੇਸ਼ਭਗਤ ਨਰਸ ਦੀ ਭੂਮਿਕਾ ਵਿੱਚ ਦਿਖਾਈ ਦਿੱਤੀ। ਉਨ੍ਹਾਂ ਦੇ ਕਿਰਦਾਰ ਨੂੰ ਦਰਸ਼ਕਾਂ ਨੇ ਬਹੁਤ ਪਸੰਦ ਕੀਤਾ। ਇਹੀ ਕਾਰਨ ਹੈ ਕਿ ਉਹ ਹਮੇਸ਼ਾ ਲਈ ਯਾਦਗਾਰ ਬਣ ਗਈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ ‘ਤੇ ਵੀ ਫੋਲੋ ਕਰ ਸਕਦੇ ਹੋ।