ਬੰਗਲੁਰੂ, 13 ਦਸੰਬਰ
Atul Subhash Suicide Case: ਸਹੁਰੇ ਪਰਿਵਾਰ ਵੱਲੋਂ ਕਥਿਤ 3 ਕਰੋੜ ਰੁਪਏ ਦੀ ਮੰਗ ਅਤੇ ਚੱਲ ਰਹੇ ਕੇਸਾਂ ਕਾਰਨ ਖੁਦਕੁਸ਼ੀ ਕਰਨ ਵਾਲੇ ਅਤੁਲ ਸੁਭਾਸ਼ ਦੀ ਸੱਸ ਅਤੇ ਸਾਲੇ ਨੂੰ ਕਰਨਾਟਕ ਪੁਲੀਸ ਨੇ ਗ੍ਰਿਫ਼ਤਾਰ ਕੀਤਾ ਹੈ। ਹਾਲ ਹੀ ਵਿਚ ਵਾਪਰੇ ਇਸ ਸਨਸਨੀਖੇਜ਼ ਮਾਮਲੇ ਨੇ ਦੇਸ਼ ਵਿੱਚ ਵਿਆਹੁਤਾ ਪੁਰਸ਼ਾਂ ਨੂੰ ਤੰਗ-ਪ੍ਰੇਸ਼ਾਨ ਕਰਨ ਅਤੇ ਦਹੇਜ ਵਿਵਸਥਾ ਦੀ ਦੁਰਵਰਤੋਂ ਨੂੰ ਲੈ ਕੇ ਬਹਿਸ ਛੇੜ ਦਿੱਤੀ ਹੈ। ਅਤੁਲ ਸੁਭਾਸ਼ ਨੇ ਸੋਮਵਾਰ ਨੂੰ 40 ਪੰਨਿਆਂ ਦਾ ਇੱਕ ਸੁਸਾਇਡ ਨੋਟ ਅਤੇ 90 ਮਿੰਟ ਦਾ ਵੀਡੀਓ ਛੱਡ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ, ਜਿਸ ਵਿੱਚ ਦੱਸਿਆ ਗਿਆ ਹੈ ਕਿ ਕਿਸ ਤਰ੍ਹਾਂ ਉਸਦੀ ਪਤਨੀ ਵੱਲੋਂ ਕਥਿਤ ਤੌਰ ‘ਤੇ ਤਸ਼ੱਦਦ ਕੀਤਾ ਗਿਆ ਸੀ।
ਕਰਨਾਟਕ ਪੁਲੀਸ ਨੇ ਵੀਰਵਾਰ ਰਾਤ ਅਤੁਲ ਦੀ ਸੱਸ ਨਿਸ਼ਾ ਸਿੰਘਾਨੀਆ ਅਤੇ ਸਾਲੇ ਅਨੁਰਾਗ ਸਿੰਘਾਨੀਆ ਨੂੰ ਗ੍ਰਿਫਤਾਰ ਕੀਤਾ ਹੈ। ਹਾਲਾਂਕਿ ਅਤੁਲ ਦੀ ਪਤਨੀ ਨਿਕਿਤਾ ਸਿੰਘਾਨੀਆ ਫਰਾਰ ਹੈ ਅਤੇ ਪੁਲੀਸ ਨੇ ਉਸ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਮੁਲਜ਼ਮਾਂ ਨੂੰ ਉੱਤਰ ਪ੍ਰਦੇਸ਼ ਦੇ ਜੌਨਪੁਰ ਥਾਣਾ ਦੀ ਹੱਦ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ ਜੌਨਪੁਰ ਪੁਲੀਸ ਸਟੇਸ਼ਨ ਵਿੱਚ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਜਾਣਕਾਰੀ ਅਨੁਸਾਰ ਕਰਨਾਟਕ ਪੁਲੀਸ ਅਦਾਲਤ ਤੋਂ ਇਜਾਜ਼ਤ ਲੈ ਕੇ ਸ਼ੁੱਕਰਵਾਰ ਨੂੰ ਉਨ੍ਹਾਂ ਨੂੰ ਬੈਂਗਲੁਰੂ ਲੈ ਕੇ ਆਵੇਗੀ।
#WATCH | Techie dies by suicide in Bengaluru | Jaunpur, Uttar Pradesh: Bengaluru Police paste notice outside the residence of the wife of Atul Subhash, the techie who died by suicide.
“There are reasonable grounds to interrogate you to ascertain the facts and circumstances. You… pic.twitter.com/oIg0uHBRiY
— ANI (@ANI) December 13, 2024
ਪੁਲੀਸ ਸੂਤਰਾਂ ਨੇ ਦੱਸਿਆ ਕਿ ਦੋਸ਼ੀ ਨੂੰ ਪਤਾ ਲੱਗਣ ’ਤੇ ਕਿ ਕਰਨਾਟਕ ਪੁਲਸ ਉਨ੍ਹਾਂ ਨੂੰ ਹਿਰਾਸਤ ‘ਚ ਲੈਣ ਪਹੁੰਚ ਰਹੀ ਹੈ, ਦੋਸ਼ੀ ਨਿਸ਼ਾ ਸਿੰਘਾਨੀਆ ਅਤੇ ਅਨੁਰਾਗ ਸਿੰਘਾਨੀਆ ਨੇ ਆਪਣੇ ਘਰ ਨੂੰ ਤਾਲਾ ਲਗਾ ਕੇ ਆਪਣੇ ਘਰ ਤੋਂ ਭੱਜਣ ਦੀ ਕੋਸ਼ਿਸ਼ ਕੀਤੀ। ਉਧਰ ਪੁਲੀਸ ਨੇ ਮੁਲਜ਼ਮਾਂ ਬਾਰੇ ਜਾਣਕਾਰੀ ਇਕੱਠੀ ਕੀਤੀ ਅਤੇ ਉਨ੍ਹਾਂ ਨੂੰ ਆਸਪਾਸ ਤੋਂ ਕਾਬੂ ਕਰ ਲਿਆ।
ਅਤੁਲ ਸੁਭਾਸ਼ ਨੇ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਅਤੇ ਸੁਪਰੀਮ ਕੋਰਟ ਨੂੰ ਮੇਲ ਭੇਜ ਕੇ ਉਨ੍ਹਾਂ ਨੂੰ ਪਰੇਸ਼ਾਨ ਪਤੀਆਂ ਦੇ ਬਚਾਅ ਲਈ ਆਉਣ ਅਤੇ ਉਸ ਦੇ ਕੇਸ ਵਿੱਚ ਦੋਸ਼ੀ ਵਿਅਕਤੀਆਂ, ਉਸਦੀ ਪਤਨੀ, ਸੱਸ ਅਤੇ ਹੋਰਾਂ ਨੂੰ ਗ੍ਰਿਫਤਾਰ ਕਰਨ ਦੀ ਅਪੀਲ ਕੀਤੀ ਸੀ। 34 ਸਾਲਾ ਅਤੁਲ ਸੁਭਾਸ਼ ਦੇ ਪਿੱਛੇ ਛੱਡੇ ਗਏ ਸੁਸਾਈਡ ਨੋਟ ਦੇ ਇੱਕ ਹਿੱਸੇ ਨੇ ਹੈਰਾਨ ਕਰਨ ਵਾਲੇ ਵੇਰਵਿਆਂ ਦਾ ਖੁਲਾਸਾ ਕਰਨ ਤੋਂ ਇਲਾਵਾ, ਉਸ ਦੀ ਇੱਛਾ ਪ੍ਰਗਟ ਕੀਤੀ ਕਿ ਜੇਕਰ ਉਸ ਨੂੰ ਤੰਗ ਕਰਨ ਵਾਲੇ ਦੋਸ਼ੀ ਨਾ ਪਾਏ ਗਏ ਤਾਂ ਅਦਾਲਤ ਦੇ ਬਾਹਰ ਇੱਕ ਗਟਰ ਵਿੱਚ ਉਸਦੀਆਂ ਅਸਥੀਆਂ ਵਹਾਈਆਂ ਜਾਣ।
ਇੱਥੇ ਇੱਕ ਆਟੋਮੋਬਾਈਲ ਕੰਪਨੀ ਵਿੱਚ ਕੰਮ ਕਰਨ ਵਾਲੇ ਅਤੁਲ ਸੁਭਾਸ਼ ਨੇ ਕਥਿਤ ਤੌਰ ’ਤੇ ਖੁਦਕੁਸ਼ੀ ਕਰ ਲਈ ਕਿਉਂਕਿ ਪਤਨੀ ਵੱਲੋਂ ਤਲਾਕ ਲਈ 3 ਕਰੋੜ ਰੁਪਏ ਦੀ ਮੰਗ ਕੀਤੀ ਜਾ ਰਹੀ ਸੀ। ਸੁਭਾਸ਼ ਨੇ ਮੰਗਲਵਾਰ ਤੜਕੇ ਆਪਣੇ ਅਪਾਰਟਮੈਂਟ ਵਿੱਚ ਆਪਣੀ ਜੀਵਨ ਲੀਲ੍ਹਾ ਸਮਾਪਤ ਕਰ ਲਈ, ਇੱਕ 90 ਮਿੰਟ ਦੀ ਵੀਡੀਓ ਅਤੇ 40 ਪੰਨਿਆਂ ਦਾ ਇੱਕ ਸੁਸਾਈਡ ਦਾ ਨੋਟ ਛੱਡਿਆ, ਜਿਸ ਵਿੱਚ ਦੱਸਿਆ ਗਿਆ ਕਿ ਕਿਵੇਂ ਉਸਦੀ ਪਤਨੀ ਨਿਕਿਤਾ ਸਿੰਘਾਨੀਆ ਅਤੇ ਉਸਦੇ ਪਰਿਵਾਰ ਦੁਆਰਾ ਤੰਗ-ਪ੍ਰੇਸ਼ਾਨ ਕਰਕੇ ਉਸਨੂੰ ਇਹ ਕਦਮ ਚੁੱਕਣ ਲਈ ਮਜਬੂਰ ਕੀਤਾ ਗਿਆ।
ਉਸ ਦੁਆਰਾ ਛੱਡੇ ਗਏ ਨੋਟ ਵਿੱਚ ਲਿਖਿਆ ਹੈ: “ਜੇਕਰ ਅਦਾਲਤ ਇਹ ਫੈਸਲਾ ਕਰਦੀ ਹੈ ਕਿ ਭ੍ਰਿਸ਼ਟ ਜੱਜ ਅਤੇ ਮੇਰੀ ਪਤਨੀ ਅਤੇ ਹੋਰ ਤੰਗ ਕਰਨ ਵਾਲੇ ਦੋਸ਼ੀ ਨਹੀਂ ਹਨ, ਤਾਂ ਮੇਰੀ ਸੁਆਹ ਅਦਾਲਤ ਦੇ ਬਾਹਰ ਕਿਸੇ ਗਟਰ ਵਿੱਚ ਪਾ ਦਿਓ, ਉਦੋਂ ਤੱਕ ਮੇਰਾ ‘ਅਸਥੀ ਵਿਸਰਜਨ’ ਨਾ ਕਰੋ ਜਦੋਂ ਤੱਕ ਮੇਰੇ ਸਤਾਉਣ ਵਾਲਿਆਂ ਨੂੰ ਸਜ਼ਾ ਨਹੀਂ ਮਿਲ ਜਾਂਦੀ।
ਹਾਲਾਂਕਿ, ਪਰਿਵਾਰ ਨੇ ਬੁੱਧਵਾਰ ਨੂੰ ਬੰਗਲੁਰੂ ਸ਼ਮਸ਼ਾਨਘਾਟ ਤੋਂ ‘ਅਸਥੀਆਂ’ ਇਕੱਠੀਆਂ ਕੀਤੀਆਂ ਜਿੱਥੇ ਅਤੁਲ ਦਾ ਅੰਤਿਮ ਸੰਸਕਾਰ ਕੀਤਾ ਗਿਆ ਸੀ। ਪਰਿਵਾਰ ਨੇ ਦੱਸਿਆ ਕਿ ਅਸਥੀਆਂ ਨੂੰ ਪਟਨਾ ਲਿਜਾਇਆ ਜਾਵੇਗਾ, ਜਿੱਥੋਂ ਇਹ ਪਰਿਵਾਰ ਮੂਲ ਰੂਪ ਤੋਂ ਹੈ ਅਤੇ ਪਰੰਪਰਾਵਾਂ ਅਨੁਸਾਰ ਇਸ ਨੂੰ ਨਦੀ ਵਿਚ ਵਹਾਇਆ ਜਾਵੇਗਾ।
ਅਤੁਲ ਨੇ ਆਪਣੇ ਪੁੱਤਰ ਲਈ ਲਿਖਿਆ ਭਾਵੁਕ ਸੰਦੇਸ਼
Peaceful candle light protest to demand #JusticeForAtulSubhash in Sec-17 Plaza, Chandigarh.
Strict punishment must for #NikitaSinghania & others responsible for the tragical suicide of #AtulSubhash #BengaluruSuicideCase #MenToo pic.twitter.com/i9mIsVRSji
— SIF Chandigarh (@sifchandigarh) December 12, 2024
ਆਪਣੇ 2 ਸਾਲ ਦੇ ਬੱਚੇ ਨੂੰ ਸੰਬੋਧਿਤ ਕਰਦੇ ਹੋਏ “ਜਸਟਿਸ ਇਜ਼ ਡਿਉ” ਸਿਰਲੇਖ ਹੇਠ ਲਿਖੇ ਸੁਸਾਈਡ ਨੋਟ ਵਿੱਚ ਲਿਖਿਆ, ‘‘ਹੁਣ ਮੇਰੇ ਚਲੇ ਜਾਣ ਨਾਲ ਉਨ੍ਹਾਂ ਕੋਲ ਲੁੱਟਣ ਲਈ ਕੋਈ ਪੈਸਾ ਨਹੀਂ ਹੋਵੇਗਾ ਅਤੇ ਮੈਨੂੰ ਉਮੀਦ ਹੈ ਕਿ ਉਹ ਤੱਥਾਂ ਨੂੰ ਵੇਖਣਾ ਸ਼ੁਰੂ ਕਰ ਸਕਦੇ ਹਨ। ਕੇਸਾਂ ਦੇ ਕਿਸੇ ਦਿਨ ਤੁਹਾਨੂੰ ਆਪਣੀ ਮਾਂ ਅਤੇ ਉਸ ਦੇ ਲਾਲਚੀ ਪਰਿਵਾਰ ਦਾ ਅਸਲੀ ਚਿਹਰਾ ਪਤਾ ਲੱਗ ਜਾਵੇਗਾ।’’ ਅਤੁਲ ਨੇ ਲਿਖਿਅਆ ‘‘ਮੈਂ ਪ੍ਰਾਰਥਨਾ ਕਰਦਾ ਹਾਂ ਕਿ ਉਹ ਤੁਹਾਨੂੰ ਅਤੇ ਤੁਹਾਡੀ ਰੂਹ ਨੂੰ ਨਾ ਖਾ ਜਾਣ। ਮੈਂ ਅਕਸਰ ਹੱਸਦਾ ਹਾਂ ਜਦੋਂ ਮੈਨੂੰ ਯਾਦ ਆਉਂਦਾ ਹੈ ਕਿ ਜਦੋਂ ਤੁਸੀਂ ਕਾਲਜ ਜਾਓਗੇ ਤਾਂ ਮੈਂ ਇੱਕ ਕਾਰ ਲਈ ਪੈਸੇ ਬਚਾਉਣੇ ਸ਼ੁਰੂ ਕੀਤੇ ਸਨ। ਇਹ ਹਮੇਸ਼ਾ ਯਾਦ ਰੱਖੋ ਕਿ ਤੁਸੀਂ ਕਿਸੇ ਦਾ ਵੀ ਕਰਜ਼ਦਾਰ ਨਹੀਂ ਹੋ। ਸਿਸਟਮ ’ਤੇ ਭਰੋਸਾ ਨਾ ਕਰੋ।’’ ਆਈਏਐੱਨਐੱਸ