ਰਾਂਚੀ, 3 ਮਾਰਚ
ਆਈਪੀਐਲ ਵਿੱਚ ਗੁਜਰਾਤ ਟਾਈਟਨਜ਼ ਵੱਲੋਂ ਖੇਡਿਆ ਵਿਕਟਕੀਪਰ ਤੇ ਬੱਲੇਬਾਜ਼ ਰੌਬਿਨ ਮਿੰਟਜ਼ ਸੜਕ ਹਾਦਸੇ ਵਿਚ ਜ਼ਖ਼ਮੀ ਹੋ ਗਿਆ ਹੈ। ਉਸ ਦੇ ਪਿਤਾ ਫਰਾਂਸਿਸ ਨੇ ਦੱਸਿਆ ਕਿ ਉਸ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਜਾਣਕਾਰੀ ਅਨੁਸਾਰ ਉਹ ਮੋਟਰਸਾਈਕਲ ’ਤੇ ਜਾ ਰਿਹਾ ਸੀ ਕਿ ਅੱਗੇ ਤੋਂ ਆਉਂਦੇ ਵਾਹਨ ਵੱਲੋਂ ਹਲਕੀ ਫੇਟ ਵੱਜਣ ਕਾਰਨ ਉਸ ਦਾ ਸੰਤੁਲਨ ਵਿਗੜ ਗਿਆ ਤੇ ਵਾਹਨ ਹਾਦਸਾਗ੍ਰਸਤ ਹੋ ਗਿਆ। ਦੱਸਣਾ ਬਣਦਾ ਹੈ ਕਿ ਆਈਪੀਐਲ ਵਿਚ ਟਾਈਟਨਸ ਨੇ ਰੌਬਿਨ ਨੂੰ 3.6 ਕਰੋੜ ਰੁਪਏ ਦੀ ਬੋਲੀ ’ਤੇ ਖਰੀਦਿਆ ਸੀ।