Indian Railway on Milind Soman: ਇੱਕ ਇਸ਼ਤਿਹਾਰ ਨੂੰ ਲੈ ਕੇ ਰੇਲਵੇ ਦੇ ਇੱਕ ਅਧਿਕਾਰੀ ਨੇ ਸਪੋਰਟਸਵੇਅਰ ਬਣਾਉਣ ਵਾਲੀ ਕੰਪਨੀ ਪੁਮਾ ਦੀ ਸਖਤ ਨਿੰਦਾ ਕੀਤੀ ਹੈ। ਵਿਗਿਆਪਨ ਵੀਡੀਓ ‘ਚ ਅਭਿਨੇਤਾ ਅਤੇ ਮਾਡਲ ਮਿਲਿੰਦ ਸੋਮਨ ਰੇਲਵੇ ਟ੍ਰੈਕ ‘ਤੇ ਜਾਗਿੰਗ ਕਰਦੇ ਨਜ਼ਰ ਆ ਰਹੇ ਹਨ। ਅਧਿਕਾਰੀ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਲੋਕਾਂ ਨੂੰ ਗਲਤ ਸੰਦੇਸ਼ ਜਾਵੇਗਾ ਅਤੇ ਕੰਪਨੀ ਨੂੰ ਵਿਗਿਆਪਨ ਦੇ ਨਾਲ ਡਿਸਕਲੇਮਰ ਵੀ ਦੇਣਾ ਚਾਹੀਦਾ ਹੈ।
ਅਧਿਕਾਰੀ ਨੇ ਮਿਲਿੰਦ ਸੋਮਨ ਨੂੰ ਇਹ ਵੀ ਕਿਹਾ ਕਿ ਉਸ ਨੂੰ ਵੀ ਇਸ਼ਤਿਹਾਰ ਦੀ ਸ਼ੂਟਿੰਗ ਤੋਂ ਪਹਿਲਾਂ ਤਸਦੀਕ ਕਰ ਲੈਣਾ ਚਾਹੀਦਾ ਸੀ ਅਤੇ ਅਜਿਹੀਆਂ ਗੱਲਾਂ ਵੱਲ ਧਿਆਨ ਦੇਣਾ ਚਾਹੀਦਾ ਸੀ। ਭਾਰਤੀ ਰੇਲਵੇ ਦੇ ਖਾਤਾ ਸੇਵਾ ਅਧਿਕਾਰੀ ਅਨੰਤ ਰੂਪਾਗੁੜੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਤੇ ਵਿਗਿਆਪਨ ਦਾ ਵੀਡੀਓ ਸਾਂਝਾ ਕੀਤਾ ਅਤੇ ਕਿਹਾ ਕਿ ਰੇਲਵੇ ਟਰੈਕ ਜੌਗਿੰਗ ਲਈ ਨਹੀਂ ਬਣਾਏ ਗਏ ਹਨ।
ਅਨੰਤ ਰੂਪਾਂਗੁੜੀ ਨੇ ਮਿਲਿੰਦ ਸੋਮਨ, PUMA ਅਤੇ ਰੇਲ ਮੰਤਰਾਲੇ ਨੂੰ ਟੈਗ ਕਰਦੇ ਹੋਏ, ਆਪਣੀ ਪੋਸਟ ਵਿੱਚ ਲਿਖਿਆ, ‘ਮੈਨੂੰ ਇਸ ਇਸ਼ਤਿਹਾਰ ਨਾਲ ਸਮੱਸਿਆ ਹੈ। ਜੌਗਿੰਗ ਲਈ ਰੇਲਵੇ ਟ੍ਰੈਕ ਨਹੀਂ ਬਣਾਏ ਗਏ ਹਨ। ਮਿਲਿੰਦ ਸੋਮਨ, ਤੁਹਾਨੂੰ ਵੀ ਇਸ਼ਤਿਹਾਰ ਦੀ ਸ਼ੂਟਿੰਗ ਤੋਂ ਪਹਿਲਾਂ ਤਸਦੀਕ ਕਰ ਲੈਣਾ ਚਾਹੀਦਾ ਹੈ। Puma ਨੂੰ ਇਸ਼ਤਿਹਾਰ ਵਿੱਚ ਇੱਕ ਡਿਸਕਲੇਮਰ ਵੀ ਦੇਣਾ ਚਾਹੀਦਾ ਹੈ।
I have a problem with this ad, @PUMA. Railway tracks aren’t meant for jogging and it’s treated as trespassing. @milindrunning – you should have verified this before shooting this ad. @PUMA, please put a disclaimer on this ad. #IndianRailways #Advertising @RailMinIndia @RPF_INDIA pic.twitter.com/gSqa58BNR4
— Ananth Rupanagudi (@Ananth_IRAS) May 5, 2024
ਪੁਮਾ ਦੇ ਇਸ ਐਡ ਵਿੱਚ ਮਿਲਿੰਦ ਸੋਮਨ ਜੰਗਲਾਂ ਦੇ ਵਿਚਕਾਰ ਇੱਕ ਸੜਕ ਉੱਤੇ ਨਜ਼ਰ ਆ ਰਹੇ ਹਨ, ਜਿਸ ਉੱਤੇ ਉਹ ਦੌੜ ਲਗਾ ਕੇ ਅਤੇ ਸਟ੍ਰੈਚਿੰਗ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਤੋਂ ਬਾਅਦ ਉਹ ਦੌੜਦੇ ਹੋਏ ਰੇਲਵੇ ਟ੍ਰੈਕ ‘ਤੇ ਪਹੁੰਚਦੇ ਹਨ ਅਤੇ ਫਿਰ ਰੇਲਵੇ ਟ੍ਰੈਕ ਤੋਂ ਬਾਅਦ ਇਕ ਸੁਰੰਗ ਰਾਹੀਂ ਬਾਹਰ ਨਿਕਲਦੇ ਹਨ।
ਰੇਲਵੇ ਅਧਿਕਾਰੀ ਦੀ ਇਸ ਪੋਸਟ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਯੂਜ਼ਰਸ ਵੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਕਈ ਲੋਕਾਂ ਨੇ ਰੇਲਵੇ ਅਧਿਕਾਰੀ ਦਾ ਸਮਰਥਨ ਕਰਦੇ ਹੋਏ ਕਿਹਾ ਕਿ ਲੋਕਾਂ ਨੂੰ ਰੇਲਵੇ ਟ੍ਰੈਕ ‘ਤੇ ਰੇਸ ਕਰਦੇ ਦਿਖਾਉਣਾ ਗਲਤ ਹੈ। ਕੰਪਨੀ ਇਸ ਤਰ੍ਹਾਂ ਗਲਤ ਸੰਦੇਸ਼ ਦੇ ਰਹੀ ਹੈ। ਕਈ ਯੂਜ਼ਰਸ ਦਾ ਇਹ ਵੀ ਕਹਿਣਾ ਹੈ ਕਿ ਸ਼ਾਇਦ ਇਹ ਆਰਟੀਫਿਸ਼ੀਅਲ ਟ੍ਰੈਕ ਹੈ ਪਰ ਇਸ ਤਰ੍ਹਾਂ ਰੇਸਿੰਗ ਦਿਖਾਉਣਾ ਗਲਤ ਹੈ।