ਟ੍ਰਿਬਿਊਨ ਨਿਊਜ਼ ਸਰਵਿਸ
ਲੁਧਿਆਣਾ, 7 ਨਵੰਬਰ
ਜ਼ਿਲ੍ਹਾ ਮੋਗਾ ਅਧੀਨ ਆਉਂਦੇ ਬਾਘਾ ਪੁਰਾਣਾ ਦੇ ਦੁਕਾਨਦਾਰ ਜਸਵੀਰ ਸਿੰਘ ਦੀ ਨਾਗਾਲੈਂਡ ਸਟੇਟ ਦੀ ‘ਡੀਅਰ 500 ਬਾਇ-ਮੰਥਲੀ ਲਾਟਰੀ’ ਤਹਿਤ ਢਾਈ ਕਰੋੜ ਰੁਪਏ ਦੀ ਲਾਟਰੀ ਲੱਗੀ ਹੈ। ਇਸ ਲਾਟਰੀ ਦਾ ਡਰਾਅ ਲੰਘੀ 5 ਨਵੰਬਰ ਨੂੰ ਕੋਹਿਮਾ ਵਿੱਚ ਕੱਢਿਆ ਗਿਆ ਸੀ। ਜਸਵੀਰ ਸਿੰਘ ਦਾ ਢਾਈ ਕਰੋੜ ਦਾ ਇਹ ਡਰਾਅ ਲਾਟਰੀ ਟਿਕਟ ਨੰਬਰ ਏ-261876 ਰਾਹੀਂ ਨਿਕਲਿਆ ਹੈ। ਜਸਵੀਰ ਐਲੂਮੀਨੀਅਮ ਦੀ ਇਕ ਛੋਟੀ ਜਿਹੀ ਦੁਕਾਨ ਚਲਾਉਂਦਾ ਹੈ। ਉਸ ਨੇ ਕਿਹਾ ਕਿ ਉਸ ਨੇ ਲਾਟਰੀ ਦੀ ਟਿਕਟ ਮੋਗਾ ਸਥਿਤ ਸਟਾਲ ਤੋਂ ਖਰੀਦੀ ਸੀ।