ਹਿਮਾਚਲ ਪ੍ਰਦੇਸ਼ ’ਚ ਬਰਫ਼ਬਾਰੀ ਦਾ ਕਹਿਰ, ਕਈ ਸੜਕਾਂ ਬੰਦ; ਇਨ੍ਹਾਂ ਥਾਵਾਂ ’ਚ ਫਸੇ ਲੋਕ: ਘਰੋਂ ਨਿਕਲਣ ਤੋਂ ਪਹਿਲਾ

<p><strong>Snowfall in Himachal Pradesh:</strong> ਦੇਸ਼ ਦੇ ਪਹਾੜੀ ਰਾਜਾਂ ਵਿੱਚ ਇਨ੍ਹੀਂ ਦਿਨੀਂ ਭਾਰੀ ਬਰਫ਼ਬਾਰੀ ਹੋ ਰਹੀ ਹੈ। ਜਿਸ ਨਾਲ ਕਈ ਸੂਬਿਆਂ ਵਿੱਚ ਠੰਡ ਕਾਰਨ ਕੰਬਣੀ ਵੱਧਦੀ ਜਾ ਰਹੀ ਹੈ। ਦੱਸ ਦੇਈਏ ਕਿ ਬਰਫ਼ਬਾਰੀ ਕਾਰਨ ਹਰ ਜਗ੍ਹਾ ਸੈਲਾਨੀ ਵੱਡੀ ਗਿਣਤੀ ਵਿੱਚ ਮੌਜੂਦ ਹਨ। ਇਸ ਮੌਸਮ ਦਾ ਲੋਕ ਖੂਬ ਆਨੰਦ ਵੀ ਮਾਣ ਰਹੇ ਹਨ। ਹਾਲਾਂਕਿ ਇਹ ਯਾਤਰੀਆਂ ਲਈ ਮੁਸ਼ਕਿਲਾਂ ਖੜ੍ਹੀਆਂ ਕਰ ਰਿਹਾ ਹੈ।&nbsp;</p>
<p><strong>ਲੰਬੇ ਟ੍ਰੈਫਿਕ ਜਾਮ ਕਾਰਨ ਜਨਜੀਵਨ ਪ੍ਰਭਾਵਿਤ</strong></p>
<p>ਦੱਸ ਦੇਈਏ ਕਿ ਸੈਲਾਨੀਆਂ ਦੇ ਹਿਮਾਚਲ ਸਫਰ ਨੂੰ ਲੈ ਕੇ ਕਈ ਥਾਵਾਂ ‘ਤੇ ਹੋਟਲ ਭਰੇ ਹੋਏ ਹਨ। ਇਸ ਤੋਂ ਇਲਾਵਾ, ਲੰਬੇ ਟ੍ਰੈਫਿਕ ਜਾਮ ਨੇ ਜਨਜੀਵਨ ਨੂੰ ਦੁਰਬਲ ਬਣਾ ਦਿੱਤਾ ਹੈ। ਮੌਸਮ ਵਿਭਾਗ ਦੇ ਅਨੁਸਾਰ, ਬਰਫ਼ਬਾਰੀ ਜਾਰੀ ਰਹੇਗੀ, ਜਿਸ ਕਾਰਨ ਆਉਣ ਵਾਲੇ ਦਿਨਾਂ ਲਈ ਅਲਰਟ ਜਾਰੀ ਕੀਤਾ ਗਿਆ ਹੈ। ਲਗਭਗ ਤਿੰਨ ਮਹੀਨਿਆਂ ਦੇ ਸੋਕੇ ਤੋਂ ਬਾਅਦ ਇਹ ਸੀਜ਼ਨ ਦੀ ਪਹਿਲੀ ਬਰਫ਼ਬਾਰੀ ਹੈ। ਮਨਾਲੀ ਦੇ ਨੇੜੇ 100 ਤੋਂ ਵੱਧ ਵਾਹਨ ਬਰਫ਼ ਵਿੱਚ ਫਸ ਗਏ ਹਨ। ਜੰਮੂ-ਕਸ਼ਮੀਰ ਵਿੱਚ ਵੀ ਵੱਡੀ ਗਿਣਤੀ ਵਿੱਚ ਲੋਕ ਫਸੇ ਹੋਏ ਹਨ।</p>
<p>ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਅਚਾਨਕ ਹੋਈ ਬਰਫ਼ਬਾਰੀ ਅਤੇ ਮੀਂਹ ਕਾਰਨ ਉੱਤਰੀ ਭਾਰਤ ਵਿੱਚ ਸਰਦੀਆਂ ਦੀ ਠੰਢ ਤੇਜ਼ ਹੋ ਗਈ ਹੈ। ਹਿਮਾਚਲ ਪ੍ਰਦੇਸ਼ ਵਿੱਚ, ਬਰਫ਼ਬਾਰੀ ਕਾਰਨ ਦੋ ਰਾਸ਼ਟਰੀ ਰਾਜਮਾਰਗਾਂ ਸਮੇਤ 680 ਤੋਂ ਵੱਧ ਸੜਕਾਂ ਬੰਦ ਹੋ ਗਈਆਂ ਹਨ। ਕਸ਼ਮੀਰ ਵਿੱਚ, ਬਰਫ਼ਬਾਰੀ ਕਾਰਨ ਰਾਸ਼ਟਰੀ ਰਾਜਮਾਰਗ ਵੀ ਬੰਦ ਹੋ ਗਏ ਹਨ।</p>
<p><iframe class="vidfyVideo" style="border: 0px;" src="https://punjabi.abplive.com/web-stories/bollywood/famous-artist-caught-red-handed-in-bed-with-another-woman-before-marriage-relationship-breaks-down-details-inside-866037" width="631" height="381" scrolling="no"></iframe></p>
<p><strong>ਜੰਮੂ-ਕਸ਼ਮੀਰ ਵਿੱਚ NH-44 ਬੰਦ</strong></p>
<p>ਜੰਮੂ-ਸ਼੍ਰੀਨਗਰ ਰਾਸ਼ਟਰੀ ਰਾਜਮਾਰਗ (NH-44) ਲਗਾਤਾਰ ਦੂਜੇ ਦਿਨ ਵੀ ਸਾਰੇ ਵਾਹਨਾਂ ਲਈ ਬੰਦ ਰਿਹਾ ਕਿਉਂਕਿ ਮੁਰੰਮਤ ਦਾ ਕੰਮ ਜਾਰੀ ਹੈ। ਸੈਂਕੜੇ ਵਾਹਨ ਇਸ ਸਮੇਂ ਊਧਮਪੁਰ ਦੇ ਜਖਾਨੀ ਵਿਖੇ ਫਸੇ ਹੋਏ ਹਨ, ਟ੍ਰੈਫਿਕ ਪੁਲਿਸ ਨੇ ਜਨਤਕ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਸਾਰੀ ਆਵਾਜਾਈ ਰੋਕ ਦਿੱਤੀ ਹੈ।</p>
<p>ਜੰਮੂ-ਕਸ਼ਮੀਰ ਦੇ ਕਈ ਇਲਾਕਿਆਂ ਵਿੱਚ ਬਰਫ਼ਬਾਰੀ ਜਾਰੀ ਹੈ। ਗੁਲਮਰਗ ਅਤੇ ਬਾਨੀ ਵਰਗੇ ਸਥਾਨ ਬਰਫ਼ ਦੀ ਮੋਟੀ ਚਾਦਰ ਨਾਲ ਢੱਕੇ ਹੋਏ ਹਨ, ਜਿਸ ਕਾਰਨ ਵੱਡੀ ਗਿਣਤੀ ਵਿੱਚ ਸੈਲਾਨੀ ਆ ਰਹੇ ਹਨ। ਗੁਲਮਰਗ ਵਿੱਚ ਤਾਪਮਾਨ ਮਨਫ਼ੀ 12 ਡਿਗਰੀ ਸੈਲਸੀਅਸ ਅਤੇ ਸ੍ਰੀਨਗਰ ਵਿੱਚ ਮਨਫ਼ੀ 1.4 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। ਇਸ ਬਰਫ਼ਬਾਰੀ ਕਾਰਨ ਬਹੁਤ ਸਾਰੇ ਸੈਲਾਨੀ ਫਸੇ ਹੋਏ ਹਨ। ਫੌਜ ਅਤੇ ਪ੍ਰਸ਼ਾਸਨ ਨੇ ਫਸੇ ਹੋਏ ਯਾਤਰੀਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਹੈ, ਉਨ੍ਹਾਂ ਨੂੰ ਭੋਜਨ ਅਤੇ ਆਸਰਾ ਪ੍ਰਦਾਨ ਕੀਤਾ ਹੈ। ਉਨ੍ਹਾਂ ਨੂੰ ਕੱਢਣ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ।&nbsp;</p>



News Source link