Patanjali Yogpeeth Haridwar : ਉਤਰਾਖੰਡ ਦੇ ਹਰਿਦੁਆਰ ਵਿੱਚ ਸਥਿਤ ਪਤੰਜਲੀ ਯੋਗਪੀਠ ਨੂੰ ਇੱਕ ਅਜਿਹੇ ਸਿਹਤ ਕੇਂਦਰ ਵਜੋਂ ਵਿਕਸਤ ਕੀਤਾ ਗਿਆ ਹੈ ,ਜਿੱਥੇ ਇੱਕੋ ਸਮੇਂ ਸਰੀਰਕ, ਮਾਨਸਿਕ ਅਤੇ ਅਧਿਆਤਮਿਕ ਸਿਹਤ ਦਾ ਧਿਆਨ ਦਿੱਤਾ ਜਾਂਦਾ ਹੈ। ਸ਼ਾਂਤ ਕੁਦਰਤੀ ਵਾਤਾਵਰਣ ਵਿੱਚ ਸਥਿਤ ਇਹ ਹੈਲਥ ਕੇਂਦਰ ਰਵਾਇਤੀ ਭਾਰਤੀ ਇਲਾਜ ਪ੍ਰਣਾਲੀਆਂ ਅਤੇ ਸਹਾਇਕ ਥੈਰੇਪੀਆਂ ਦਾ ਮਿਸ਼ਰਣ ਪੇਸ਼ ਕਰਦਾ ਹੈ,ਜਿਸ ਦਾ ਉਦੇਸ਼ ਪੁਰਾਣੀਆਂ ਬਿਮਾਰੀਆਂ, ਲਾਈਫ਼ ਸਟਾਈਲ ਨਾਲ ਸਬੰਧਤ ਚਿੰਤਾਵਾਂ ਅਤੇ ਤਣਾਅ ਨੂੰ ਦੂਰ ਕਰਨਾ ਹੈ।
ਇਹ ਕੇਂਦਰ ਆਯੁਰਵੇਦ, ਕੁਦਰਤੀ ਇਲਾਜ, ਯੋਗਾ ਅਤੇ ਪੰਚਕਰਮਾ ਨੂੰ ਇੱਕ ਹੀ ਛੱਤ ਨੀਚੇ ਸਮਾਹਿਤ ਕਰਦਾ ਹੈ। ਯੋਗਗ੍ਰਾਮ ਅਤੇ ਨਿਰਮਯਮ ਤੋਂ ਬਾਅਦ ਇਹ ਪਤੰਜਲੀ ਵੈਲਨੈਸ ਨੈੱਟਵਰਕ ਦੀ ਸਭ ਤੋਂ ਵੱਡੀਆਂ ਸਹੂਲਤਾਂ ਵਿੱਚੋਂ ਇੱਕ ਹੈ। ਕੇਂਦਰ ਦੇ ਅਨੁਸਾਰ ਇੱਥੇ ਮਰੀਜ਼ਾਂ ਨੂੰ ਉਨ੍ਹਾਂ ਦੀ ਜ਼ਰੂਰਤ ਦੇ ਹਿਸਾਬ ਨਾਲ ਵੱਖ-ਵੱਖ ਇਲਾਜਾਂ ਨੂੰ ਮਿਲਾ ਕੇ ਇੱਕ ਖਾਸ ਟ੍ਰੀਟਮੈਂਟ ਤਿਆਰ ਕੀਤਾ ਗਿਆ ਹੈ ਤਾਂ ਜੋ ਉਨ੍ਹਾਂ ਨੂੰ ਲੰਬੇ ਸਮੇਂ ਤੱਕ ਫ਼ਾਇਦਾ ਮਿਲ ਸਕੇ।
ਵੱਖ-ਵੱਖ ਇਲਾਜ ਸਹੂਲਤਾਂ
ਹਰਿਦੁਆਰ ਸਥਿਤ ਇਸ ਕੇਂਦਰ ਵਿੱਚ ਕਈ ਤਰ੍ਹਾਂ ਦੇ ਉਪਾਅ ਉਪਲਬਧ ਹਨ ,ਜਿਵੇਂ ਯੋਗਾ ਥੈਰੇਪੀ, ਆਯੁਰਵੈਦਿਕ ਇਲਾਜ, ਕੁਦਰਤੀ ਇਲਾਜ, ਪੰਚਕਰਮਾ ਅਤੇ ਡਾਈਟ ਨਾਲ ਸਬੰਧਤ ਥੈਰੇਪੀਆਂ ਸਮੇਤ ਕਈ ਤਰ੍ਹਾਂ ਦੇ ਇਲਾਜ ਪੇਸ਼ ਕਰਦਾ ਹੈ। ਇਸ ਦੇ ਇਲਾਵਾ ਫਿਜ਼ੀਓਥੈਰੇਪੀ, ਐਕਿਊਪ੍ਰੈਸ਼ਰ, ਐਕਿਊਪੰਕਚਰ, ਸ਼ਤਕਰਮ, ਸ਼ਿੰਗੀ, ਦੰਦਾਂ ਦੀ ਦੇਖਭਾਲ, ਅਤੇ ਓਜ਼ੋਨ ਥੈਰੇਪੀ ਵੀ ਉਪਲਬਧ ਹਨ।
ਰੋਜ਼ਾਨਾ ਯੋਗਾ ਸੈਸ਼ਨ ਇਲਾਜ ਪ੍ਰਕਿਰਿਆ ਦਾ ਇੱਕ ਅਨਿੱਖੜਵਾਂ ਅੰਗ ਹਨ। ਇਹ ਸੈਸ਼ਨ ਸਵੇਰੇ ਅਤੇ ਸ਼ਾਮ ਦੋਵੇਂ ਸਮੇਂ ਆਯੋਜਿਤ ਕੀਤੇ ਜਾਂਦੇ ਹਨ, ਅਕਸਰ ਹੀ ਵਿਅਕਤੀ ਦੀ ਸਿਹਤ ਦੇ ਅਨੁਸਾਰ ਤਿਆਰ ਕੀਤੇ ਜਾਂਦੇ ਹਨ। ਕੇਂਦਰ ਦਾ ਕਹਿਣਾ ਹੈ ਕਿ ਯੋਗ ਨੂੰ ਪੰਚਕਰਮ ਅਤੇ ਕੁਦਰਤੀ ਇਲਾਜ ਵਿਧੀਆਂ ਦੇ ਨਾਲ ਇਲਾਜ ਦਾ ਅਸਰ ਹੋਰ ਜ਼ਿਆਦਾ ਬੇਹਤਰ ਹੁੰਦਾ ਹੈ।
ਆਸਾਨ ਬੁਕਿੰਗ ਅਤੇ ਭਰਤੀ ਪ੍ਰਕਿਰਿਆ
ਕੇਂਦਰ ਨੇ ਇਲਾਜ ਜਾਂ ਸਿਹਤ ਲਾਭ ਚਾਹੁਣ ਵਾਲਿਆਂ ਲਈ ਇੱਕ ਸਧਾਰਨ ਔਨਲਾਈਨ ਬੁਕਿੰਗ ਪ੍ਰਣਾਲੀ ਤਿਆਰ ਕੀਤੀ ਹੈ। ਨਵੇਂ ਉਪਭੋਗਤਾਵਾਂ ਨੂੰ ਮੈਡੀਕਲ ਰਿਕਾਰਡ ਨੰਬਰ ਪ੍ਰਾਪਤ ਕਰਨ ਲਈ ਰਜਿਸਟਰ ਕਰਨਾ ਹੋਵੇਗਾ , ਜਦੋਂ ਕਿ ਮੌਜੂਦਾ ਉਪਭੋਗਤਾ ਸਿੱਧੇ ਲੌਗਇਨ ਕਰ ਸਕਦੇ ਹਨ।
ਫਿਰ ਮਰੀਜ਼ ਨੂੰ ਇੱਕ IPD ਬੁਕਿੰਗ ਲਈ ਆਵੇਦਨ ਕਰਨਾ ਹੋਵੇਗਾ , ਜਿਸਦੀ ਪੁਸ਼ਟੀ ਕੇਂਦਰ ਦੀ ਟੀਮ ਦੁਆਰਾ ਕੀਤੀ ਜਾਂਦੀ ਹੈ, ਅਤੇ ਫਿਰ ਇੱਕ ਕਮਰੇ ਦਾ ਪ੍ਰਬੰਧ ਕੀਤਾ ਜਾਂਦਾ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ ਪ੍ਰਕਿਰਿਆ ਦਾ ਉਦੇਸ਼ ਮਰੀਜ਼ ਦੇ ਪਹੁੰਚਣ ਤੋਂ ਪਹਿਲਾਂ ਉਹਨਾਂ ਲਈ ਇੱਕ ਬਿਹਤਰ ਇਲਾਜ ਯੋਜਨਾ ਵਿਕਸਤ ਕਰਨਾ ਹੈ।
ਰਵਾਇਤੀ ਅਤੇ ਆਧੁਨਿਕ ਇਲਾਜ ਦਾ ਮਿਸ਼ਰਣ
ਹਰਿਦੁਆਰ ਸਥਿਤ ਪਤੰਜਲੀ ਯੋਗਪੀਠ ਰਵਾਇਤੀ ਤਰੀਕਿਆਂ ਅਤੇ ਆਧੁਨਿਕ ਸਹਾਇਕ ਥੈਰੇਪੀਆਂ ਨੂੰ ਜੋੜ ਕੇ ਲੋਕਾਂ ਨੂੰ ਬਿਹਤਰ ਸਿਹਤ ਦੇਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਹ ਕੇਂਦਰ ਉਨ੍ਹਾਂ ਲੋਕਾਂ ਲਈ ਲਾਭਦਾਇਕ ਹੈ ਜੋ ਕੁਦਰਤੀ ਇਲਾਜ ਅਤੇ ਬਿਹਤਰ ਜੀਵਨ ਸ਼ੈਲੀ ਅਪਣਾਉਣਾ ਚਾਹੁੰਦੇ ਹਨ।
ਹੋਰ ਪੜ੍ਹੋ