ਮੇਜਰ ਮਨਜੀਤ ਸਿੰਘ ਤੇ ਨਾਇਕ ਦਿਲਾਵਰ ਸਿੰਘ ਨੂੰ ਕੀਰਤੀ ਚੱਕਰ – Punjabi Tribune

ਰਾਸ਼ਟਰਪਤੀ ਦਰੋਪਦੀ ਮੁਰਮੂ ਨੇ 93 ਹਥਿਆਰਬੰਦ ਬਲਾਂ ਨੂੰ ਬਹਾਦਰੀ ਪੁਰਸਕਾਰ ਦੇਣ ਦੀ ਮਨਜ਼ੂਰੀ ਦਿੱਤੀ ਹੈ। ਇਨ੍ਹਾਂ ਵਿਚ ਦੋ ਕੀਰਤੀ ਚੱਕਰ ਤੇ 14 ਸ਼ੌਰਿਆ ਚੱਕਰ ਵੀ ਸ਼ਾਮਲ ਹਨ। ਗਣਤੰਤਰ ਦਿਵਸ ਦੀ ਪੂਰਬਲੀ ਸੰਧਿਆ ਕੀਤੇ ਐਲਾਨ ਮੁਤਾਬਕ 22 ਰਾਸ਼ਟਰੀ ਰਾਈਫਲਜ਼ ਦੇ ਮੇਜਰ ਮਨਜੀਤ ਸਿੰਘ ਤੇ 28 ਰਾਸ਼ਟਰੀ ਰਾਈਫਲਜ਼ ਦੇ ਨਾਇਕ ਦਿਲਾਵਰ ਖ਼ਾਨ (ਮਰਨ ਉਪਰੰਤ) ਨੂੰ ਕੀਰਤੀ ਚੱਕਰ ਪੁਰਸਕਾਰ ਦਿੱਤਾ ਜਾਵੇਗਾ। ਸ਼ੌਰਿਆ ਚੱਕਰ ਪੁਰਸਕਾਰ ਹਾਸਲ ਕਰਨ ਵਾਲਿਆਂ ਵਿਚ ਮੇਜਰ ਆਸ਼ੀਸ਼ ਦਹੀਆ 50 ਆਰਆਰ, ਮੇਜਰ ਕੁਨਾਲ 1 ਆਰਆਰ, ਮੇਜਰ ਸਤੇਂਦਰ ਧਨਖੜ 4 ਆਰਆਰ, ਕੈਪਟਨ ਦੀਪਕ ਸਿੰਘ 48 ਆਰਆਰ (ਮਰਨ ਉਪਰੰਤ), ਸਹਾਇਕ ਕਮਾਂਡੈਂਟ ਈ.ਕਿਕੋਨ 4 ਅਸਾਮ ਰਾਈਫਲਜ਼, ਸੂਬੇਦਾਰ ਵਿਕਾਸ ਤੋਮਰ 1 ਪੈਰਾ, ਸੂਬੇਦਾਰ ਮੋਹਨ ਰਾਮ, 20 ਜਾਟ ਰੈਜੀਮੈਂਟ, ਹਵਲਦਾਰ ਰੋਹਿਤ ਕੁਮਾਰ ਡੋਗਰਾ (ਮਰਨ ਉਪਰੰਤ), ਹਵਲਦਾਰ ਪ੍ਰਕਾਸ਼ ਤਮਾਂਗ 32 ਆਰਆਰ, ਫਲਾਈਟ ਲੈਫਟੀਨੈਂਟ ਅਮਨ ਸਿੰਘ ਹੰਸਾ, ਕੋਰਪੋਰਲ ਡਾਬੀ ਸੰਜੈ ਐੱਚ ਈਸਾ, ਵਿਜਯਨ ਕੁੱਟੀ ਜੀ (ਮਰਨ ਉਪਰੰਤ), ਵਿਕਰਾਂਤ ਕੁਮਾਰ ਡਿਪਟੀ ਕਮਾਂਡੈਂਟ ਸੀਆਰਪੀਐੱਫ ਤੇ ਜੈਫ਼ਰੀ ਹਮਿੰਗਚੁਲਸ ਇੰਸਪੈਕਟਰ ਸੀਆਰਪੀਐੱਫ ਸ਼ਾਮਲ ਹਨ। -ਪੀਟੀਆਈ