ਮੁੰਬਈ, 23 ਨਵੰਬਰ
ਮਹਾਰਾਸ਼ਟਰ ਵਿਧਾਨ ਸਭਾ ਚੋਣਾਂ ਵਿੱਚ 35 ਫੀਸਦੀ ਤੋਂ ਵੱਧ ਮੁਸਲਿਮ ਵੋਟਰਾਂ ਵਾਲੀਆਂ 11 ਸੀਟਾਂ ਲਈ ਸਥਿਤੀ ਰਲਵੀਂ ਮਿਲਵੀਂ ਰਹੀ ਜਿੱਥੇ ਇਨ੍ਹਾਂ ਸੀਟਾਂ ਲਈ ਵਿਰੋਧੀ ਗੱਠਜੋੜ ਮਹਾ ਵਿਕਾਸ ਅਗਾੜੀ (ਐੱਮਵੀਏ) ਦੇ ਛੇ ਉਮੀਦਵਾਰ ਜੇਤੂ ਰਹੇ, ਜਦਕਿ ਭਾਜਪਾ ਦੀ ਅਗਵਾਈ ਵਾਲੇ ਮਹਾਯੁਤੀ ਗੱਠਜੋੜ ਦੇ ਹਿੱਸੇ ਚਾਰ ਸੀਟਾਂ ਆਈਆਂ। ਓਵੈਸੀ ਦੀ ਅਗਵਾਈ ਵਾਲੀ ਆਲ ਇੰਡੀਆ ਮਜਲਿਸ-ਏ-ਇਤਿਹਾਦ ਮੁਸਲਿਮ (ਏਆਈਐਮਆਈਐਮ) ਜਿਸ ਦਾ ਕਿਸੇ ਨਾਲ ਗੱਠਜੋੜ ਨਹੀਂ ਹੈ, ਨੇ ਆਪਣੀ ਇਕਲੌਤੀ ਸੀਟ ਮਾਲੇਗਾਓਂ ਸੈਂਟਰਲ ਜਿੱਤੀ, ਇੱਥੋਂ ਮੁਫਤੀ ਮੁਹੰਮਦ ਖਾਲੀਕ ਨੇ 1,09,653 ਵੋਟਾਂ ਪ੍ਰਾਪਤ ਕਰਕੇ ਜਿੱਤ ਪ੍ਰਾਪਤ ਕੀਤੀ। ਸਮਾਜਵਾਦੀ ਪਾਰਟੀ (ਸਪਾ) ਦੇ ਅਬੂ ਆਸਿਮ ਆਜ਼ਮੀ ਨੇ ਮਾਨਖੁਰਦ-ਸ਼ਿਵਾਜੀ ਨਗਰ ਸੀਟ ਤੋਂ 54,780 ਵੋਟਾਂ ਲੈ ਕੇ ਆਪਣੇ ਨੇੜਲੇ ਵਿਰੋਧੀ ਏਆਈਐਮਆਈਐਮ ਦੇ ਅਤੀਕ ਅਹਿਮਦ ਖਾਨ ਨੂੰ 12,753 ਵੋਟਾਂ ਦੇ ਫਰਕ ਨਾਲ ਹਰਾਇਆ।