ਨਵੀਂ ਦਿੱਲੀ, 8 ਜੂਨ
ਭਾਰਤੀ ਖੇਡ ਅਥਾਰਟੀ (ਸਾਈ) ਨੇ ਮਹਿਲਾ ਸਾਈਕਲਿਸਟ ਵੱਲੋਂ ਮੁੱਖ ਕੋਚ ਆਰਕੇ ਸ਼ਰਮਾ ‘ਤੇ ‘ਗਲਤ ਵਿਵਹਾਰ’ ਦਾ ਦੋਸ਼ ਲਾਉਣ ਤੋਂ ਬਾਅਦ ਸਿਖਲਾਈ ਅਤੇ ਮੁਕਾਬਲਿਆਂ ਵਿਚ ਹਿੱਸਾ ਲੈਣ ਲਈ ਸਲੋਵੇਨੀਆ ਗਈ ਪੂਰੀ ਭਾਰਤੀ ਟੀਮ ਨੂੰ ਵਾਪਸ ਬੁਲਾਉਣ ਦਾ ਫੈਸਲਾ ਕੀਤਾ ਹੈ। ਭਾਰਤੀ ਟੀਮ ਵਿੱਚ ਪੰਜ ਪੁਰਸ਼ ਅਤੇ ਇੱਕ ਮਹਿਲਾ ਸਾਈਕਲਿਸਟ ਸ਼ਾਮਲ ਹੈ ਅਤੇ ਉਸ ਨੇ ਪਹਿਲਾਂ ਦੇ ਪ੍ਰੋਗਰਾਮ ਅਨੁਸਾਰ 14 ਜੂਨ ਨੂੰ ਸਲੋਵੇਨੀਆ ਤੋਂ ਪਰਤਣਾ ਸੀ। ਸਾਈ ਨੇ ਦੋਸ਼ ਲਾਉਣ ਵਾਲੀ ਸਾਈਕਲਿਸਟ ਨੂੰ ਪਹਿਲਾਂ ਹੀ ਵਾਪਸ ਸੱਦ ਲਿਆ ਸੀ ਤੇ ਮਾਮਲੇ ਦੀਜਾਂਚ ਲਈ ਕਮੇਟੀ ਕਾਇਮ ਕਰ ਦਿੱਤੀ ਹੈ।