ਹਾਲ ਹੀ ਵਿੱਚ ਕੈਂਸਰ ‘ਤੇ ਹੋਈ ਇੱਕ ਰਿਸਰਚ ਦੱਸਦੀ ਹੈ ਕਿ ਇੱਕ ਖ਼ਤਰਨਾਕ ਫੰਗਸ (ਫਫੂੰਦ) ਵੀ ਕੈਂਸਰ ਦੇ ਇਲਾਜ ਵਿੱਚ ਮਦਦਗਾਰ ਸਾਬਤ ਹੋ ਸਕਦੀ ਹੈ। ਕੈਂਸਰ ਇੱਕ ਜਾਨਲੇਵਾ ਅਤੇ ਗੰਭੀਰ ਬਿਮਾਰੀ ਹੈ। ਇਸ ਦਾ ਇਲਾਜ ਤਾਂ ਸੰਭਵ ਹੈ ਪਰ ਹਰ ਮਰੀਜ਼ ਲਈ ਇਹ ਸਫਲ ਹੋਵੇ, ਇਹ ਲਾਜ਼ਮੀ ਨਹੀਂ। ਕਈ ਵਾਰ ਪੂਰੇ ਇਲਾਜ ਅਤੇ ਥੈਰੇਪੀ ਤੋਂ ਬਾਅਦ ਵੀ ਮੌਤ ਹੋ ਜਾਂਦੀ ਹੈ। ਕੁਝ ਕੇਸਾਂ ਵਿੱਚ ਕੈਂਸਰ ਮੁੜ ਠੀਕ ਵੀ ਹੋ ਜਾਂਦਾ ਹੈ। ਹੁਣ ਅਮਰੀਕੀ ਵਿਗਿਆਨੀਆਂ ਨੇ ਇਕ ਜ਼ਹਿਰੀਲੀ ਫਫੂੰਦ ਵਿੱਚ ਇਹ ਸਮਰਥਾ ਲੱਭੀ ਹੈ ਕਿ ਇਹ ਕੈਂਸਰ ਦੇ ਸੈੱਲਾਂ ਨੂੰ ਨਸ਼ਟ ਕਰ ਸਕਦੀ ਹੈ। ਆਓ ਜਾਣੀਏ ਇਸ ਬਾਰੇ ਹੋਰ।
ਰੀਸਰਚ ਕੀ ਕਹਿੰਦੀ ਹੈ?
ਅਮਰੀਕਾ ਦੇ ਵਿਗਿਆਨੀਆਂ ਨੇ ਹਾਲ ਹੀ ਵਿੱਚ ਕੀਤੀ ਇੱਕ ਨਵੀਂ ਅਧਿਐਨ ਵਿੱਚ ਇਹ ਦਾਅਵਾ ਕੀਤਾ ਹੈ ਕਿ ਖੇਤਾਂ ਵਿੱਚ ਮਿਲਣ ਵਾਲੀ ਜ਼ਹਿਰੀਲੀ ਫਫੂੰਦ ਐਸਪਰਗਿਲਸ ਫਲੇਵਸ ਵਿੱਚ ਇੱਕ ਵਿਸ਼ੇਸ਼ ਕਿਸਮ ਦਾ ਰਸਾਇਣ ਪਾਇਆ ਜਾਂਦਾ ਹੈ। ਇਸ ਰਸਾਇਣ ਨੂੰ ਕੱਢ ਕੇ ਇੱਕ ਅਜਿਹੀ ਦਵਾਈ ਬਣਾਈ ਜਾਂਦੀ ਹੈ ਜੋ ਕੈਂਸਰ ਦੇ ਸੈੱਲਾਂ ਨੂੰ ਨਸ਼ਟ ਕਰਨ ਦੀ ਸਮਰਥਾ ਰੱਖਦੀ ਹੈ। ਇਸ ਦਵਾਈ ਨੂੰ FDA ਤੋਂ ਮਨਜ਼ੂਰੀ ਮਿਲੀ ਹੋਈ ਹੈ ਅਤੇ ਭਵਿੱਖ ਵਿੱਚ ਇਹ ਕੈਂਸਰ ਦੇ ਇਲਾਜ ਲਈ ਇੱਕ ਸਫਲ ਵਿਕਲਪ ਸਾਬਤ ਹੋ ਸਕਦੀ ਹੈ।
ਇਹ ਰੀਸਰਚ ਖਾਸ ਕਿਉਂ ਹੈ?
ਇਹ ਅਧਿਐਨ ਅਮਰੀਕਾ ਦੀ ਪੈਂਸਿਲਵੇਨੀਆ ਯੂਨੀਵਰਸਿਟੀ ਦੇ ਵਿਗਿਆਨੀਆਂ ਵੱਲੋਂ ਕੀਤਾ ਗਿਆ ਹੈ। ਉਨ੍ਹਾਂ ਨੇ ਫੰਗਸ ਤੋਂ ਇੱਕ ਨਵੇਂ ਤਰ੍ਹਾਂ ਦਾ ਯੌਗਿਕ (ਕੰਪਾਊਂਡ) ਤਿਆਰ ਕੀਤਾ ਹੈ, ਜਿਸਨੂੰ ਐਸਪਰਜਿਸਿਨ ਨਾਮ ਦਿੱਤਾ ਗਿਆ ਹੈ। ਇਸ ਯੌਗਿਕ ਨੂੰ ਲਿਊਕੀਮੀਆ (ਖੂਨ ਦੇ ਕੈਂਸਰ) ਦੇ ਸੈੱਲਾਂ ‘ਤੇ ਟੈਸਟ ਕੀਤਾ ਗਿਆ, ਜਿਸਦਾ ਨਤੀਜਾ ਕਾਫੀ ਪ੍ਰਭਾਵਸ਼ਾਲੀ ਰਿਹਾ ਹੈ।
ਖਾਸ ਪ੍ਰਕਿਰਿਆ ਨਾਲ ਬਣੀ ਦਵਾਈ
ਦੱਸਣ ਯੋਗ ਹੈ ਕਿ ਆਮ ਤੌਰ ‘ਤੇ ਫੰਗਸ ਨੂੰ ਕਦੇ ਵੀ ਇਲਾਜ ਲਈ ਵਰਤਿਆ ਨਹੀਂ ਜਾਂਦਾ। ਇਸ ਮਾਮਲੇ ਵਿੱਚ ਵੀ ਸ਼ੁਰੂ ਵਿੱਚ ਵਿਗਿਆਨੀਆਂ ਨੂੰ ਇਹ ਨਹੀਂ ਪਤਾ ਸੀ ਕਿ ਫੰਗਸ ਵਿੱਚ ਰਿਪਸ ਵਰਗੇ ਪੈਪਟਾਈਡਸ ਵੀ ਹੁੰਦੇ ਹਨ। ਨਵੀਂ ਟੈਸਟਿੰਗ ਤਕਨੀਕਾਂ ਰਾਹੀਂ ਇਹ ਪਤਾ ਲੱਗਾ ਕਿ ਫੰਗਸ ਕੁਝ ਅਜਿਹੇ ਯੌਗਿਕ ਤਿਆਰ ਕਰ ਸਕਦੀ ਹੈ ਜੋ ਕੈਂਸਰ ਦੇ ਖਿਲਾਫ ਪ੍ਰਭਾਵੀ ਸਾਬਤ ਹੋ ਰਹੇ ਹਨ।
ਅਧਿਐਨ ਦੌਰਾਨ ਵਿਗਿਆਨੀਆਂ ਨੇ 12 ਤਰ੍ਹਾਂ ਦੀਆਂ ਫੰਗਸ ਦੀਆਂ ਕਿਸਮਾਂ ਦੀ ਜਾਂਚ ਕੀਤੀ। ਇਨ੍ਹਾਂ ਵਿੱਚੋਂ ਐ. ਫਲੈਕਸ ਫੰਗਸ ਸਭ ਤੋਂ ਪ੍ਰਭਾਵਸ਼ਾਲੀ ਪਾਈ ਗਈ, ਜੋ ਕਿ ਕੈਂਸਰ ਦੇ ਇਲਾਜ ਵਿੱਚ ਵਰਤੀ ਜਾ ਸਕਦੀ ਹੈ।
ਦਵਾਈ ਕਿਵੇਂ ਕੰਮ ਕਰਦੀ ਹੈ?
ਇਹ ਯੌਗਿਕ ਸਿਰਫ਼ ਕੈਂਸਰ ਦੇ ਸੈੱਲਾਂ ‘ਤੇ ਹੀ ਅਸਰ ਕਰਦਾ ਹੈ। ਹਾਲਾਂਕਿ, ਰੀਸਰਚ ਵਿੱਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਇਹ ਛਾਤੀ, ਜਿਗਰ ਜਾਂ ਫੇਫੜਿਆਂ ਦੇ ਕੈਂਸਰ ‘ਤੇ ਵਧੀਆ ਅਸਰ ਨਹੀਂ ਕਰਦਾ।
ਭਵਿੱਖ ਲਈ, ਇਸ ਫੰਗਸ ਨੂੰ ਹੁਣ ਸਿਰਫ ਲਿਊਕੀਮੀਆ (ਖੂਨ ਦੇ ਕੈਂਸਰ) ਲਈ ਵੱਖ-ਵੱਖ ਪੱਖਾਂ ਤੋਂ ਜਾਂਚ ਕੇ ਇਲਾਜ ਵਾਸਤੇ ਤਿਆਰ ਕੀਤਾ ਜਾਵੇਗਾ।
ਇਸ ਰੀਸਰਚ ਰਾਹੀਂ ਇਹ ਵੀ ਪਤਾ ਲੱਗਿਆ ਹੈ ਕਿ ਫੰਗਸ ਦੀ ਮਦਦ ਨਾਲ ਦਵਾਈ ਬਣਾਈ ਜਾ ਸਕਦੀ ਹੈ, ਜਿਸਦਾ ਮਤਲਬ ਹੈ ਕਿ ਭਵਿੱਖ ਵਿੱਚ ਹੋਰ ਕਿਸਮਾਂ ਦੀਆਂ ਫੰਗਸ ‘ਤੇ ਵੀ ਰੀਸਰਚ ਹੋ ਸਕਦੀ ਹੈ।
ਵਿਗਿਆਨ ਦੀ ਇੱਕ ਵੱਡੀ ਛਾਲ
ਅੱਜ ਤੱਕ ਕੈਂਸਰ ਦੇ ਇਲਾਜ ਲਈ ਅਧਿਕਤਮ ਤੌਰ ‘ਤੇ ਕੀਮੋਥੈਰੇਪੀ, ਰੇਡੀਏਸ਼ਨ ਅਤੇ ਸਰਜਰੀ ਵਰਗੇ ਢੰਗ ਹੀ ਵਰਤੇ ਜਾਂਦੇ ਆਏ ਹਨ। ਪਰ ਇਹਨਾਂ ਸਾਰਿਆਂ ਦਾ ਸਰੀਰ ‘ਤੇ ਗਹਿਰਾ ਅਸਰ ਪੈਂਦਾ ਹੈ। ਜੇਕਰ ਇਹ ਨਵੀਂ ਦਵਾਈ ਸਫਲ ਰਹੀ, ਤਾਂ ਇਹ ਕੈਂਸਰ ਦੇ ਇਲਾਜ ਨੂੰ ਘੱਟ ਦਰਦਨਾਕ ਅਤੇ ਹੋਰ ਪ੍ਰਭਾਵਸ਼ਾਲੀ ਬਣਾ ਸਕਦੀ ਹੈ।
ਭਵਿੱਖ ਦੀਆਂ ਉਮੀਦਾਂ
ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਆਉਣ ਵਾਲੇ ਦੋ ਤੋਂ ਤਿੰਨ ਸਾਲਾਂ ਵਿੱਚ ਇਸ ਦਵਾਈ ਦੇ ਕਲੀਨੀਕਲ ਟਰਾਇਲ ਸ਼ੁਰੂ ਹੋ ਸਕਦੇ ਹਨ। ਜੇਕਰ ਇਹ ਦਵਾਈ ਮਨੁੱਖੀ ਸਰੀਰ ‘ਤੇ ਵੀ ਉਹਨਾਂ ਹੀ ਪ੍ਰਭਾਵਾਂ ਨਾਲ ਕੰਮ ਕਰਦੀ ਹੈ, ਜਿਵੇਂ ਕਿ ਲੈਬ ਵਿਚ ਹੋਈ ਰੀਸਰਚ ‘ਚ ਦਿਖਾਇਆ ਗਿਆ ਹੈ, ਤਾਂ ਇਹ ਕੈਂਸਰ ਪੀੜਤਾਂ ਲਈ ਇੱਕ ਇਨਕਲਾਬੀ ਬਦਲਾਅ ਸਾਬਤ ਹੋਵੇਗੀ।
ਕਦੇ ਜੋ ਫੰਗਸ ਜਾਨਲੇਵਾ ਮੰਨੀ ਜਾਂਦੀ ਸੀ, ਅੱਜ ਉਹੀ ਜੀਵਨ ਬਖ਼ਸ਼ਣ ਵਾਲੀ ਬਣ ਕੇ ਸਾਹਮਣੇ ਆਈ ਹੈ। ਇਹ ਖੋਜ ਸਿਰਫ਼ ਚਿਕਿਤਸਾ ਖੇਤਰ ਵਿੱਚ ਇੱਕ ਵੱਡਾ ਕਦਮ ਨਹੀਂ ਹੈ, ਸਗੋਂ ਇਹ ਗੱਲ ਵੀ ਸਾਬਤ ਕਰਦੀ ਹੈ ਕਿ ਕੁਦਰਤ ਦੇ ਹਰ ਤੱਤ ਦੇ ਦੋ ਚਿਹਰੇ ਹੁੰਦੇ ਹਨ – ਇੱਕ ਨਾਸ਼ ਦਾ ਤੇ ਦੂਜਾ ਜੀਵਨ ਦਾ। ਲੋੜ ਹੈ ਤਾਂ ਉਨ੍ਹਾਂ ਨੂੰ ਸਮਝਣ, ਸਵਾਰਣ ਅਤੇ ਠੀਕ ਦਿਸ਼ਾ ਵਿੱਚ ਵਰਤਣ ਦੀ। ਕੈਂਸਰ ਨਾਲ ਜੂਝ ਰਹੇ ਲੱਖਾਂ ਮਰੀਜ਼ਾਂ ਲਈ ਇਹ ਉਮੀਦ ਦੀ ਇੱਕ ਨਵੀਂ ਕਿਰਨ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ ‘ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
Calculate The Age Through Age Calculator
ਹੋਰ ਪੜ੍ਹੋ