ਟ੍ਰਿਬਿਊਨ ਨਿਊਜ਼ ਸਰਵਿਸ
ਫ਼ਿਰੋਜ਼ਪੁਰ, 26 ਨਵੰਬਰ
ਗੁਰੂਹਰਸਹਾਏ ਦੇ ਨਜ਼ਦੀਕ ਬੀਤੀ ਰਾਤ ਕਰੀਬ 2:30 ਵਜੇ ਬੀਐੱਸਐੱਫ ਚੌਕੀ ਬਹਾਦਰ ਕੇ ਪਿੱਲਰ ਨੰਬਰ 217/8 ਦੇ ਨਜ਼ਦੀਕ ਗੁਬਾਰੇ ਵਰਗੀ ਚੀਜ਼ ਬਿਨ੍ਹਾਂ ਕਿਸੇ ਆਵਾਜ਼ ਤੋਂ ਪਾਕਿਸਤਾਨ ਪਾਸੋਂ ਜ਼ੀਰੋ ਲਾਈਨ ਟੱਪ ਕੇ ਭਾਰਤ ਵੱਲ ਦਾਖ਼ਲ ਹੋਈ ਤੇ ਥੋੜ੍ਹੀ ਦੇਰ ਬਾਅਦ ਡਿੱਗ ਗਈ। ਇਸ ਤੋਂ ਬਾਅਦ ਜਦ ਬੀਐੱਸਐੱਫ ਦੇ ਜਵਾਨਾਂ ਵਲੋਂ ਪਾਕਿਸਤਾਨ ਵਲੋਂ ਆਏ ਗੁਬਾਰੇ ਦੀ ਜਾਂਚ ਕੀਤੀ ਗਈ ਤਾਂ ਪਤਾ ਲੱਗਾ ਕਿ ਇਸ ਦੇ ਨਾਲ ਪਾਕਿਸਤਾਨੀ ਕਰੰਸੀ ਦਾ ਦੱਸ ਰੁਪਏ ਦਾ ਨੋਟ ਸੀ ਤੇ ਕਾਗਜ਼ ਦੇ ਟੁਕੜੇ ਉਪਰ ਉਰਦੂ ਵਿਚ ਕੁੱਝ ਲਿਖਿਆ ਹੋਇਆ ਸੀ। ਬੀਐੱਸਐੱਫ ਵਲੋਂ ਗੁਬਾਰੇ ਨੂੰ ਕਬਜ਼ੇ ਵਿੱਚ ਲੈ ਲਿਆ ਗਿਆ ਹੈ।