ਫਿੱਟਕਰੀ ਵਾਲਾ ਪਾਣੀ ਗੱਟ ਹੈਲਥ ਲਈ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਇਹ ਪੇਟ ਦੀਆਂ ਸਮੱਸਿਆਵਾਂ ਜਿਵੇਂ ਕਿ ਕਬਜ਼, ਗੈਸ ਅਤੇ ਅਪਚ ਨੂੰ ਦੂਰ ਕਰਨ ਵਿੱਚ ਮਦਦ ਕਰ ਸਕਦਾ ਹੈ।
ਫਿੱਟਕਰੀ ਵਿੱਚ ਪਾਏ ਜਾਣ ਵਾਲੇ ਤੱਤ ਅੰਤੜੀਆਂ ਦੀ ਸਿਹਤ ਨੂੰ ਸੁਧਾਰਦੇ ਹਨ। ਪਰ ਇਹ ਜ਼ਰੂਰੀ ਹੈ ਕਿ ਇਸਦਾ ਸਹੀ ਮਾਤਰਾ ਵਿੱਚ ਅਤੇ ਢੰਗ ਨਾਲ ਹੀ ਸੇਵਨ ਕੀਤਾ ਜਾਵੇ।
ਗਲੇ ਦੀ ਖ਼ਰਾਸ਼ ਜਾਂ ਸੋਜ ਤੋਂ ਆਰਾਮ ਪਾਉਣ ਲਈ ਫਿੱਟਕਰੀ ਵਾਲੇ ਪਾਣੀ ਦੀ ਵਰਤੋਂ ਕਰਨੀ ਲਾਭਕਾਰੀ ਹੋ ਸਕਦੀ ਹੈ। ਜਦੋਂ ਮੌਸਮ ਬਦਲਦਾ ਹੈ, ਤਾਂ ਅਕਸਰ ਗਲੇ ਦੀ ਇਨਫੈਕਸ਼ਨ ਜਾਂ ਜਲਣ ਦੀ ਸਮੱਸਿਆ ਹੋ ਜਾਂਦੀ ਹੈ। ਫਿੱਟਕਰੀ ਵਿੱਚ ਪਾਏ ਜਾਣ ਵਾਲੇ ਐਂਟੀ-ਇੰਫਲਾਮੇਟਰੀ ਅਤੇ ਐਂਟੀ-ਬੈਕਟੀਰੀਅਲ ਗੁਣ ਗਲੇ ਦੀ ਸੋਜ ਨੂੰ ਘਟਾਉਣ ਅਤੇ ਬੈਕਟੀਰੀਆ ਨੂੰ ਮਾਰਨ ਵਿੱਚ ਮਦਦ ਕਰਦੇ ਹਨ। ਇਸ ਲਈ, ਕੋਸੇ ਪਾਣੀ ‘ਚ ਫਿੱਟਕਰੀ ਮਿਲਾ ਕੇ ਗਰਾਰੇ ਕਰਨਾ ਫਾਇਦੇਮੰਦ ਸਾਬਤ ਹੋ ਸਕਦਾ ਹੈ।
ਜੇ ਤੁਸੀਂ ਹਾਈ ਬਲੱਡ ਪ੍ਰੈਸ਼ਰ ਨਾਲ ਪਰੇਸ਼ਾਨ ਹੋ, ਤਾਂ ਫਿੱਟਕਰੀ ਵਾਲਾ ਪਾਣੀ ਤੁਹਾਡੇ ਲਈ ਫਾਇਦੇਮੰਦ ਹੋ ਸਕਦਾ ਹੈ। ਇਸ ਵਿੱਚ ਮੌਜੂਦ ਪੋਟੈਸ਼ੀਅਮ ਦਿਲ ਦੀ ਸਿਹਤ ਨੂੰ ਸੁਧਾਰਣ ਵਿੱਚ ਮਦਦ ਕਰਦਾ ਹੈ ਅਤੇ ਦਿਲ ਦੀਆਂ ਬਿਮਾਰੀਆਂ ਦੇ ਖ਼ਤਰੇ ਨੂੰ ਘਟਾਉਂਦਾ ਹੈ। ਇਹ ਪੈਰਾਂ ਦੀ ਸੋਜ ਨੂੰ ਵੀ ਘਟਾ ਸਕਦਾ ਹੈ।
ਫਿੱਟਕਰੀ ਵਾਲਾ ਪਾਣੀ ਬਣਾਉਣ ਲਈ ਇੱਕ ਕੱਪ ਕੋਸਾ ਪਾਣੀ ਲਓ ਅਤੇ ਉਸ ਵਿੱਚ ਚੁਟਕੀ ਭਰ ਫਿੱਟਕਰੀ ਮਿਲਾਓ। ਇਹ ਪਾਣੀ ਰੋਜ਼ ਸਵੇਰੇ ਜਾਂ ਰਾਤ ਨੂੰ ਖਾਲੀ ਪੇਟ ਪੀ ਸਕਦੇ ਹੋ। ਪਰ ਧਿਆਨ ਰੱਖੋ ਕਿ ਇਸਦੀ ਵਰਤੋਂ ਹਫ਼ਤੇ ਵਿੱਚ 2-3 ਵਾਰੀ ਤੋਂ ਵੱਧ ਨਾ ਕਰੋ।
ਫਿੱਟਕਰੀ ਵਾਲਾ ਪਾਣੀ ਵਰਤਣ ਤੋਂ ਪਹਿਲਾਂ ਕੁਝ ਲੋਕਾਂ ਨੂੰ ਸਾਵਧਾਨੀ ਰੱਖਣੀ ਚਾਹੀਦੀ ਹੈ। ਜਿਵੇਂ ਕਿ ਗਰਭਵਤੀ ਔਰਤਾਂ, ਛੋਟੇ ਬੱਚੇ ਜਾਂ ਜਿਨ੍ਹਾਂ ਨੂੰ ਕਿਡਨੀ ਦੀ ਸਮੱਸਿਆ ਹੋਵੇ, ਉਹ ਇਹ ਪਾਣੀ ਡਾਕਟਰ ਦੀ ਸਲਾਹ ਨਾਲ ਹੀ ਵਰਤਣ। ਫਿੱਟਕਰੀ ਦੀ ਵੱਧ ਮਾਤਰਾ ਸਰੀਰ ਲਈ ਨੁਕਸਾਨਦਾਇਕ ਹੋ ਸਕਦੀ ਹੈ ਅਤੇ ਇਸ ਨਾਲ ਸਾਈਡ ਇਫੈਕਟ ਵੀ ਹੋ ਸਕਦੇ ਹਨ, ਇਸ ਲਈ ਇਸਦੀ ਸਹੀ ਮਾਤਰਾ ਤੇ ਸਮੇਂ ਦੀ ਪਾਬੰਦੀ ਜ਼ਰੂਰੀ ਹੈ।
Published at : 30 Jul 2025 01:56 PM (IST)