Home ਪ੍ਰਵਾਸੀ ਤਬਲਾਵਾਦਕ ਜ਼ਾਕਿਰ ਹੁਸੈਨ ਦੀ ਹਾਲਤ ਅਤਿ ਨਾਜ਼ੁਕ

ਤਬਲਾਵਾਦਕ ਜ਼ਾਕਿਰ ਹੁਸੈਨ ਦੀ ਹਾਲਤ ਅਤਿ ਨਾਜ਼ੁਕ

By
Mehra Media Team
-
0
152


ਨਵੀਂ ਦਿੱਲੀ, 15 ਦਸੰਬਰਵਿਸ਼ਵ ਪ੍ਰਸਿੱਧ ਭਾਰਤੀ ਤਬਲਾਵਾਦਕ ਜ਼ਾਕਿਰ ਹੁਸੈਨ(73) ਦੀ ਹਾਲਤ ਅਤਿ ਨਾਜ਼ੁਕ ਹੈ। ਹੁਸੈਨ ਇਸ ਵੇਲੇ ਸਾਂ ਫਰਾਂਸਿਸਕੋ ਦੇ ਇਕ ਹਸਪਤਾਲ ਵਿਚ ਆਈਸੀਯੂ ’ਚ ਜ਼ੇਰੇ ਇਲਾਜ ਹੈ। ਖ਼ਬਰ ਏਜੰਸੀ ਆਈਏਐੱਨਐੱਸ ਨੇ ਹਾਲਾਂਕਿ ਪਹਿਲਾਂ ਤਬਲਾਵਾਦਕ ਦੇ ਦੇਹਾਂਤ ਦਾ ਦਾਅਵਾ ਕੀਤਾ ਸੀ। ਇਨ੍ਹਾਂ ਦਾਅਵਿਆਂ ਦਰਮਿਆਨ ਹੀ ਹੁਸੈਨ ਦੀ ਭੈਣ ਖੁਰਸ਼ੀਦ ਨੇ ਖ਼ਬਰ ਏਜੰਸੀ ਪੀਟੀਆਈ ਨੂੰ ਦੱਸਿਆ ਕਿ ਉਸ ਦੇ ਭਰਾ ਦੀ ਹਾਲਤ ‘ਬਹੁਤ ਬਹੁਤ ਨਾਜ਼ੁਕ ਹੈ’, ਪਰ ਉਹ ‘ਇਸ ਵੇਲੇ ਸਾਹ ਲੈ ਰਿਹਾ ਹੈ।’’ ਖੁਰਸ਼ੀਦ ਨੇ ਕਿਹਾ, ‘‘ਮੇਰਾ ਭਰਾ ਇਸ ਵੇਲੇ ਬਹੁਤ ਬਿਮਾਰ ਹੈ। ਅਸੀਂ ਭਾਰਤ ਰਹਿੰਦੇ ਤੇ ਕੁਲ ਆਲਮ ਦੇ ਉਸ ਦੇ ਪ੍ਰਸ਼ੰਸਕਾਂ ਨੂੰ ਕਹਿੰਦੇ ਹਾਂ ਕਿ ਉਹ ਉਸ ਦੀ ਸਿਹਤਯਾਬੀ ਲਈ ਦੁਆ ਕਰਨ। ਮੈਂ ਸਾਰੇ ਮੀਡੀਆ ਨੂੰ ਅਪੀਲ ਕਰਦੀ ਹਾਂ ਕਿ ਉਹ ਜ਼ਾਕਿਰ ਬਾਰੇ ਗ਼ਲਤ ਜਾਣਕਾਰੀ ਅੱਗੇ ਨਾ ਦੇਣ।’’ ਹੁਸੈਨ ਦੀ ਪਬਲੀਸਿਸਟ ਨੇ ਵੀ ਪੀਟੀਆਈ ਨੂੰ ਪੁਸ਼ਟੀ ਕੀਤੀ ਹੈ ਕਿ ਤਬਲਾਵਾਦਕ ਸਾਂ ਫਰਾਂਸਿਸਕੋ ਦੇ ਹਸਪਤਾਲ ਵਿਚ ਜ਼ੇਰੇ ਇਲਾਜ ਹੈ ਤੇ ‘ਉਸ ਦੀ ਮੌਤ ਨਹੀਂ ਹੋਈ।’ ਇਸ ਤੋਂ ਪਹਿਲਾਂ ਜ਼ਾਕਿਰ ਹੁਸੈਨ ਦੇ ਮੈਨੇਜਰ ਨਿਰਮਲਾ ਬਚਨੀ ਨੇ ਇੱਕ ਬਿਆਨ ’ਚ ਕਿਹਾ ਸੀ ਕਿ ਅਮਰੀਕਾ ਅਧਾਰਿਤ ਸੰਗੀਤਕਾਰ ਨੂੰ ਖੂਨ ਦੇ ਦਬਾਅ (ਬਲੱਡ ਪ੍ਰੈਸ਼ਰ) ਦੀ ਸਮੱਸਿਆ ਸੀ। ਹੁਸੈਨ ਦੇ ਦੋਸਤ ਤੇ ਬੰਸਰੀਵਾਦਕ ਰਾਕੇਸ਼ ਚੌਰਸੀਆ ਨੇ ਵੀ ਦਾਅਵਾ ਕੀਤਾ ਸੀ ਕਿ ਜ਼ਾਕਿਰ ਹੁਸੈਨ ਦਿਲ ਸਬੰਧੀ ਸਮੱਸਿਆਵਾਂ ਕਾਰਨ ਸਾਂ ਫਰਾਂਸਿਸਕੋ (ਅਮਰੀਕਾ) ਵਿੱਚ ਇੱਕ ਹਸਪਤਾਲ ਦੇ ਆਈਸੀਯੂ ’ਚ ਦਾਖਲ ਹਨ। -ਪੀਟੀਆਈ

 

 

ਸਬੰਧਿਤ ਖ਼ਬਰਾਂ



News Source link
#ਤਬਲਵਦਕ #ਜਕਰ #ਹਸਨ #ਦ #ਹਲਤ #ਅਤ #ਨਜ਼ਕ