ਗੋਦਰੇਜ ਨੇ ਰਾਜ ਕਪੂਰ ਦਾ ਬੰਗਲਾ ਖਰੀਦਿਆ, ਕੀਮਤ ਦਾ ਖੁਲਾਸਾ ਨਹੀਂ ਕੀਤਾ

ਨਵੀਂ ਦਿੱਲੀ, 17 ਫਰਵਰੀ

ਗੋਦਰੇਜ ਪ੍ਰਾਪਰਟੀਜ਼ ਲਿਮਟਿਡ ਨੇ ਅੱਜ ਕਿਹਾ ਹੈ ਕਿ ਉਸ ਨੇ ਮਹਾਨ ਫਿਲਮ ਅਭਿਨੇਤਾ, ਨਿਰਦੇਸ਼ਕ ਅਤੇ ਨਿਰਮਾਤਾ ਰਾਜ ਕਪੂਰ ਦਾ ਮੁੰਬਈ ਦੇ ਚੈਂਬੂਰ ਵਿਚਲਾ ਬੰਗਲਾ ਖਰੀਦਿਆ ਹੈ। ਕੰਪਨੀ ਇਸ ਥਾਂ ਲਗਜ਼ਰੀ ਰਿਹਾਇਸ਼ੀ ਪ੍ਰਾਜੈਕਟ ਵਿਕਸਤ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਕੰਪਨੀ ਨੇ ਸ਼ੇਅਰ ਬਾਜ਼ਾਰ ਨੂੰ ਦੱਸਿਆ ਕਿ ਇਹ ਜ਼ਮੀਨ ਰਾਜ ਕਪੂਰ ਦੇ ਕਾਨੂੰਨੀ ਵਾਰਸ ਕਪੂਰ ਪਰਿਵਾਰ ਤੋਂ ਖਰੀਦੀ ਹੈ। ਜ਼ਮੀਨ ਦਾ ਕੁੱਲ ਰਕਬਾ ਇੱਕ ਏਕੜ ਦੇ ਕਰੀਬ ਹੈ। ਇਹ ਜ਼ਮੀਨ ਖਰੀਦਣ ਲਈ ਕੀਤੇ ਗਏ ਭੁਗਤਾਨ ਦਾ ਖ਼ੁਲਾਸਾ ਨਹੀਂ ਕੀਤਾ ਗਿਆ।