Blogger and Influencer Death: ਮਸ਼ਹੂਰ ਟ੍ਰੈਵਲ ਇੰਨਫਲੂਇੰਸਰ ਦੇ ਦੇਹਾਂਤ ਦੀ ਖਬਰ ਸਾਹਮਣੇ ਆ ਰਹੀ ਹੈ। ਜਿਸ ਨੇ ਇੰਟਰਨੈੱਟ ਉੱਪਰ ਹਲਚਲ ਮਚਾ ਦਿੱਤੀ ਹੈ। ਦੱਸ ਦੇਈਏ ਕਿ ਇੰਨਫਲੂਇੰਸਰ ਅਤੇ ਵਲੌਗਰ ਅਨੁਨਯ ਸੂਦ ਦਾ 32 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਅਨਨਯ ਦੇ ਪਰਿਵਾਰ ਨੇ ਇੰਸਟਾਗ੍ਰਾਮ ‘ਤੇ ਇੱਕ ਪੋਸਟ ਸਾਂਝੀ ਕੀਤੀ ਜਿਸ ਵਿੱਚ ਪ੍ਰਸ਼ੰਸਕਾਂ ਨੂੰ ਮੌਤ ਦੀ ਜਾਣਕਾਰੀ ਦਿੱਤੀ ਗਈ। ਉਨ੍ਹਾਂ ਦੀ ਮੌਤ ਦਾ ਕਾਰਨ ਅਜੇ ਤੱਕ ਸਾਹਮਣੇ ਨਹੀਂ ਆਇਆ ਹੈ। ਇੱਕ ਮਸ਼ਹੂਰ ਯਾਤਰਾ ਇੰਨਫਲੂਇੰਸਰ ਹੋਣ ਦੇ ਨਾਲ-ਨਾਲ, ਅਨਨਯ ਸੂਦ ਇੱਕ ਫੋਟੋਗ੍ਰਾਫਰ ਵੀ ਸੀ। ਇੰਸਟਾਗ੍ਰਾਮ ‘ਤੇ ਉਨ੍ਹਾਂ ਦੇ ਲੱਖਾਂ ਫਾਲੋਅਰਜ਼ ਸਨ। ਆਪਣੇ ਵੀਡੀਓਜ਼ ਰਾਹੀਂ, ਅਨੁਨਯ ਸੂਦ ਨੇ ਟ੍ਰੈਵਲ ਸੁਝਾਅ ਸਾਂਝੇ ਕੀਤੇ ਅਤੇ ਦੁਨੀਆ ਭਰ ਦੀਆਂ ਸੁੰਦਰ ਥਾਵਾਂ ਦਿਖਾਈਆਂ। ਉਨ੍ਹਾਂ ਦੀ ਮੌਤ ਤੋਂ ਪਹਿਲਾਂ ਉਨ੍ਹਾਂ ਦੀ ਆਖਰੀ ਪੋਸਟ ਲਾਸ ਵੇਗਾਸ ਤੋਂ ਸੀ।
ਇੰਸਟਾਗ੍ਰਾਮ ‘ਤੇ ਅਨਨਯ ਦੇ ਦੇਹਾਂਤ ਦੀ ਖ਼ਬਰ ਸਾਂਝੀ ਕਰਦੇ ਹੋਏ, ਉਨ੍ਹਾਂ ਦੇ ਪਰਿਵਾਰ ਨੇ ਲਿਖਿਆ, “ਸਾਨੂੰ ਅਨਨਯ ਸੂਦ ਦੇ ਦੇਹਾਂਤ ਦੀ ਖ਼ਬਰ ਸਾਂਝੀ ਕਰਦੇ ਹੋਏ ਦੁੱਖ ਹੋ ਰਿਹਾ ਹੈ। ਇਸ ਮੁਸ਼ਕਲ ਸਮੇਂ ਦੌਰਾਨ, ਅਸੀਂ ਤੁਹਾਡੀ ਹਮਦਰਦੀ ਅਤੇ ਸਾਡੀ ਨਿੱਜਤਾ ਲਈ ਸਤਿਕਾਰ ਦੀ ਬੇਨਤੀ ਕਰਦੇ ਹਾਂ। ਕਿਰਪਾ ਕਰਕੇ ਸਾਡੇ ਘਰ ਦੇ ਬਾਹਰ ਭੀੜ ਨਾ ਲਗਾਉਣਾ। ਪ੍ਰਮਾਤਮਾ ਅਨਨਯ ਸੂਦ ਦੀ ਆਤਮਾ ਨੂੰ ਸ਼ਾਂਤੀ ਦੇਣ।”
ਅਨੁਨਯ ਸੂਦ ਦੇ ਇੰਸਟਾਗ੍ਰਾਮ ‘ਤੇ 14 ਮਿਲੀਅਨ ਤੋਂ ਵੱਧ ਫਾਲੋਅਰਜ਼ ਸਨ ਅਤੇ ਉਨ੍ਹਾਂ ਦੇ ਯੂਟਿਊਬ ਚੈਨਲ ‘ਤੇ 380,000 ਸਬਸਕ੍ਰਾਈਬਰ ਸਨ। ਉਹ ਆਪਣੀਆਂ ਯਾਤਰਾ ਫੋਟੋਆਂ, ਰੀਲਜ਼ ਵੀਡੀਓਜ਼ ਅਤੇ ਵਲੌਗਜ਼ ਲਈ ਪ੍ਰਸਿੱਧ ਸਨ। ਅਨੁਨਯ ਸੂਦ ਨੂੰ ਲਗਾਤਾਰ ਤਿੰਨ ਸਾਲਾਂ ਤੱਕ ਫੋਰਬਸ ਇੰਡੀਆ ਦੇ ਟੌਪ 100 ਡਿਜੀਟਲ ਸਿਤਾਰਿਆਂ ਦੀ ਲਿਸਟ ਵਿੱਚ ਸ਼ਾਮਲ ਕੀਤਾ ਸੀ।
ਅਨੁਨਯ ਸੂਦ ਦੁਬਈ ਵਿੱਚ ਰਹਿੰਦਾ ਸੀ ਅਤੇ ਇੱਕ ਮਾਰਕੀਟਿੰਗ ਫਰਮ ਚਲਾਉਂਦਾ ਸੀ। ਉਸਦੀ ਆਖਰੀ ਪੋਸਟ ਲਾਸ ਵੇਗਾਸ ਵਿੱਚ ਆਯੋਜਿਤ ਇੱਕ ਕਾਰ ਈਵੈਂਟ ਬਾਰੇ ਸੀ। ਕਾਰਾਂ ਦੀਆਂ ਕੁਝ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ, ਅਨੁਨਯ ਨੇ ਪੋਸਟ ਵਿੱਚ ਲਿਖਿਆ, “ਅਜੇ ਵੀ ਵਿਸ਼ਵਾਸ ਨਹੀਂ ਹੋ ਰਿਹਾ ਕਿ ਮੈਂ ਦੰਤਕਥਾਵਾਂ ਅਤੇ ਸੁਪਨਿਆਂ ਦੀਆਂ ਮਸ਼ੀਨਾਂ ਨਾਲ ਘਿਰਿਆ ਵੀਕਐਂਡ ਬਿਤਾਇਆ। ਤੁਸੀਂ ਕਿਸਦੀ ਸਵਾਰੀ ਕਰਨਾ ਚਾਹੋਗੇ?”
ਹੋਰ ਪੜ੍ਹੋ