ਸਾਓ ਪਾਓਲੋ, 4 ਦਸੰਬਰ
ਬ੍ਰਾਜ਼ੀਲ ਦੇ ਸਾਬਕਾ ਫੁੱਟਬਾਲਰ ਪੇਲੇ, ਜੋ ਸਾਹ ਦੀ ਲਾਗ ਦੇ ਇਲਾਜ ਲਈ ਹਸਪਤਾਲ ’ਚ ਭਰਤੀ ਹਨ, ਦੀ ਹਾਲਤ ਸਥਿਰ ਹੈ। ਪਿਛਲੇ 24 ਘੰਟਿਆਂ ਵਿੱਚ ਉਨ੍ਹਾਂ ਦੀ ਹਾਲਤ ਵਿਗੜੀ ਨਹੀਂ ਹੈ। ਮਹਾਨ ਖਿਡਾਰੀ 82 ਸਾਲਾ ਪੇਲੇ ਮੰਗਲਵਾਰ ਤੋਂ ਹਸਪਤਾਲ ‘ਚ ਭਰਤੀ ਹਨ। ਇੰਸਟਾਗ੍ਰਾਮ ‘ਤੇ ਪੋਸਟ ਕੀਤੇ ਬਿਆਨ ‘ਚ ਪੇਲੇ ਨੇ ਕਿਹਾ, ‘ਮੈਂ ਬਹੁਤ ਆਸ਼ਾਵਾਦੀ ਅਤੇ ਮਜ਼ਬੂਤ ਹਾਂ ਅਤੇ ਹਮੇਸ਼ਾ ਵਾਂਗ ਮੈਂ ਡਾਕਟਰ ਦੇ ਕਹੇ ਮੁਤਾਬਕ ਚੱਲ ਰਿਹਾ ਹਾਂ। ਮੈਂ ਮੇਰੀ ਦੇਖਭਾਲ ਕਰਨ ਲਈ ਪੂਰੀ ਮੈਡੀਕਲ ਅਤੇ ਨਰਸਿੰਗ ਟੀਮ ਦਾ ਧੰਨਵਾਦ।’ ਪੇਲੇ ਨੂੰ ਕੈਂਸਰ ਵੀ ਹੈ ਪਰ ਹਾਲੇ ਇਹ ਪਤਾ ਨਹੀਂ ਲੱਗਿਆ ਕਿ ਉਹ ਕਿੰਨਾ ਗੰਭੀਰ ਹੈ।